פסוקים על Impenitence

170 פסוקים · 1 היבט

פסוקי מפתח

סינון לפי ספר
  1. מִשְׁלֵי א׳:כ״ו

    גם אני באידכם אשחק אלעג בבא פחדכם׃

  2. מִשְׁלֵי א׳:כ״ז

    בבא כשאוה פחדכם ואידכם כסופה יאתה בבא עליכם צרה וצוקה׃

  3. מִשְׁלֵי א׳:כ״ח

    אז יקראנני ולא אענה ישחרנני ולא ימצאנני׃

  4. מִשְׁלֵי א׳:כ״ט

    תחת כי שנאו דעת ויראת יהוה לא בחרו׃

  5. מִשְׁלֵי א׳:ל׳

    לא אבו לעצתי נאצו כל תוכחתי׃

  6. מִשְׁלֵי א׳:ל״א

    ויאכלו מפרי דרכם וממעצתיהם ישבעו׃

  7. מִשְׁלֵי כ״ח:י״ג

    מכסה פשעיו לא יצליח ומודה ועזב ירחם׃

  8. מִשְׁלֵי כ״ח:י״ד

    אשרי אדם מפחד תמיד ומקשה לבו יפול ברעה׃

  9. יְשַׁעְיָהוּ ל״ב:ט׳

    נשים שאננות קמנה שמענה קולי בנות בטחות האזנה אמרתי׃

  10. יְשַׁעְיָהוּ ל״ב:י׳

    ימים על שנה תרגזנה בטחות כי כלה בציר אסף בלי יבוא׃

  11. יְשַׁעְיָהוּ ל״ב:י״א

    חרדו שאננות רגזה בטחות פשטה וערה וחגורה על חלצים׃

  12. יְשַׁעְיָהוּ מ״ב:כ״ב

    והוא עם בזוז ושסוי הפח בחורים כלם ובבתי כלאים החבאו היו לבז ואין מציל משסה ואין אמר השב׃

  13. יְשַׁעְיָהוּ מ״ב:כ״ג

    מי בכם יאזין זאת יקשב וישמע לאחור׃

  14. יְשַׁעְיָהוּ מ״ב:כ״ד

    מי נתן למשוסה יעקב וישראל לבזזים הלוא יהוה זו חטאנו לו ולא אבו בדרכיו הלוך ולא שמעו בתורתו׃

  15. יְשַׁעְיָהוּ מ״ב:כ״ה

    וישפך עליו חמה אפו ועזוז מלחמה ותלהטהו מסביב ולא ידע ותבער בו ולא ישים על לב׃

  16. יְשַׁעְיָהוּ מ״ו:י״ב

    שמעו אלי אבירי לב הרחוקים מצדקה׃

  17. יְשַׁעְיָהוּ מ״ו:י״ג

    קרבתי צדקתי לא תרחק ותשועתי לא תאחר ונתתי בציון תשועה לישראל תפארתי׃

  18. יִרְמְיָהוּ ג׳:ז׳

    ואמר אחרי עשותה את כל אלה אלי תשוב ולא שבה ותראה בגודה אחותה יהודה׃

  19. יִרְמְיָהוּ ג׳:ח׳

    וארא כי על כל אדות אשר נאפה משבה ישראל שלחתיה ואתן את ספר כריתתיה אליה ולא יראה בגדה יהודה אחותה ותלך ותזן גם היא׃

  20. יִרְמְיָהוּ ג׳:ט׳

    והיה מקל זנותה ותחנף את הארץ ותנאף את האבן ואת העץ׃

  21. יִרְמְיָהוּ ג׳:י׳

    וגם בכל זאת לא שבה אלי בגודה אחותה יהודה בכל לבה כי אם בשקר נאם יהוה׃

  22. יִרְמְיָהוּ ה׳:כ״א

    שמעו נא זאת עם סכל ואין לב עינים להם ולא יראו אזנים להם ולא ישמעו׃

  23. יִרְמְיָהוּ ה׳:כ״ב

    האותי לא תיראו נאם יהוה אם מפני לא תחילו אשר שמתי חול גבול לים חק עולם ולא יעברנהו ויתגעשו ולא יוכלו והמו גליו ולא יעברנהו׃

  24. יִרְמְיָהוּ ה׳:כ״ג

    ולעם הזה היה לב סורר ומורה סרו וילכו׃

  25. יִרְמְיָהוּ ה׳:כ״ד

    ולא אמרו בלבבם נירא נא את יהוה אלהינו הנתן גשם וירה ומלקוש בעתו שבעות חקות קציר ישמר לנו׃