פסוקים על Babylon

186 פסוקים · 73 היבטים

פסוקי מפתח

2 מְלָכִים כ״ד:י״ד
והגלה את כל ירושלם ואת כל השרים ואת כל גבורי החיל עשרה אלפים גולה וכל החרש והמסגר לא נשאר זולת דלת עם הארץ׃
2 מְלָכִים כ״ד:ט״ו
ויגל את יהויכין בבלה ואת אם המלך ואת נשי המלך ואת סריסיו ואת אולי הארץ הוליך גולה מירושלם בבלה׃
2 מְלָכִים כ״ד:ט״ז
ואת כל אנשי החיל שבעת אלפים והחרש והמסגר אלף הכל גבורים עשי מלחמה ויביאם מלך בבל גולה בבלה׃
2 מְלָכִים כ״ה:א׳
¶ ויהי בשנת התשיעית למלכו בחדש העשירי בעשור לחדש בא נבכדנאצר מלך בבל הוא וכל חילו על ירושלם ויחן עליה ויבנו עליה דיק סביב׃
2 מְלָכִים כ״ה:ב׳
ותבא העיר במצור עד עשתי עשרה שנה למלך צדקיהו׃
2 מְלָכִים כ״ה:ג׳
בתשעה לחדש ויחזק הרעב בעיר ולא היה לחם לעם הארץ׃
2 מְלָכִים כ״ה:ד׳
ותבקע העיר וכל אנשי המלחמה הלילה דרך שער בין החמתים אשר על גן המלך וכשדים על העיר סביב וילך דרך הערבה׃
2 מְלָכִים כ״ה:י״ג
ואת עמודי הנחשת אשר בית יהוה ואת המכנות ואת ים הנחשת אשר בבית יהוה שברו כשדים וישאו את נחשתם בבלה׃
2 מְלָכִים כ״ה:י״ד
ואת הסירת ואת היעים ואת המזמרות ואת הכפות ואת כל כלי הנחשת אשר ישרתו בם לקחו׃
2 מְלָכִים כ״ה:ט״ו
ואת המחתות ואת המזרקות אשר זהב זהב ואשר כסף כסף לקח רב טבחים׃
2 מְלָכִים כ״ה:ט״ז
העמודים שנים הים האחד והמכנות אשר עשה שלמה לבית יהוה לא היה משקל לנחשת כל הכלים האלה׃
2 מְלָכִים כ״ה:י״ז
שמנה עשרה אמה קומת העמוד האחד וכתרת עליו נחשת וקומת הכתרת שלש אמה ושבכה ורמנים על הכתרת סביב הכל נחשת וכאלה לעמוד השני על השבכה׃
2 מְלָכִים כ״ה:י״ח
ויקח רב טבחים את שריה כהן הראש ואת צפניהו כהן משנה ואת שלשת שמרי הסף׃
2 מְלָכִים כ״ה:י״ט
ומן העיר לקח סריס אחד אשר הוא פקיד על אנשי המלחמה וחמשה אנשים מראי פני המלך אשר נמצאו בעיר ואת הספר שר הצבא המצבא את עם הארץ וששים איש מעם הארץ הנמצאים בעיר׃
2 מְלָכִים כ״ה:כ׳
ויקח אתם נבוזראדן רב טבחים וילך אתם על מלך בבל רבלתה׃
2 מְלָכִים כ״ה:כ״א
ויך אתם מלך בבל וימיתם ברבלה בארץ חמת ויגל יהודה מעל אדמתו׃
2 מְלָכִים כ״ה:כ״ז
ויהי בשלשים ושבע שנה לגלות יהויכין מלך יהודה בשנים עשר חדש בעשרים ושבעה לחדש נשא אויל מרדך מלך בבל בשנת מלכו את ראש יהויכין מלך יהודה מבית כלא׃
2 מְלָכִים כ״ה:כ״ח
וידבר אתו טבות ויתן את כסאו מעל כסא המלכים אשר אתו בבבל׃
2 מְלָכִים כ״ה:כ״ט
ושנא את בגדי כלאו ואכל לחם תמיד לפניו כל ימי חייו׃
2 מְלָכִים כ״ה:ל׳
וארחתו ארחת תמיד נתנה לו מאת המלך דבר יום ביומו כל ימי חיו׃
תְהִלִּים קל״ז:א׳
¶ על נהרות בבל שם ישבנו גם בכינו בזכרנו את ציון׃
תְהִלִּים קל״ז:ב׳
על ערבים בתוכה תלינו כנרותינו׃
תְהִלִּים קל״ז:ג׳
כי שם שאלונו שובינו דברי שיר ותוללינו שמחה שירו לנו משיר ציון׃
תְהִלִּים קל״ז:ד׳
איך נשיר את שיר יהוה על אדמת נכר׃
תְהִלִּים קל״ז:ה׳
אם אשכחך ירושלם תשכח ימיני׃

מציג 1–25 מתוך 186 פסוקים

1 2 3...8 הבא