פסוקים על Babylon: Treatment of the Jews in

9 פסוקים · 73 היבטים

פסוקים על Treatment of the Jews in

  1. 2 מְלָכִים כ״ה:כ״ז

    ויהי בשלשים ושבע שנה לגלות יהויכין מלך יהודה בשנים עשר חדש בעשרים ושבעה לחדש נשא אויל מרדך מלך בבל בשנת מלכו את ראש יהויכין מלך יהודה מבית כלא׃

  2. 2 מְלָכִים כ״ה:כ״ח

    וידבר אתו טבות ויתן את כסאו מעל כסא המלכים אשר אתו בבבל׃

  3. 2 מְלָכִים כ״ה:כ״ט

    ושנא את בגדי כלאו ואכל לחם תמיד לפניו כל ימי חייו׃

  4. 2 מְלָכִים כ״ה:ל׳

    וארחתו ארחת תמיד נתנה לו מאת המלך דבר יום ביומו כל ימי חיו׃

  5. דָּנִיֵּאל א׳:ג׳

    ויאמר המלך לאשפנז רב סריסיו להביא מבני ישראל ומזרע המלוכה ומן הפרתמים׃

  6. דָּנִיֵּאל א׳:ד׳

    ילדים אשר אין בהם כל מאום וטובי מראה ומשכילים בכל חכמה וידעי דעת ומביני מדע ואשר כח בהם לעמד בהיכל המלך וללמדם ספר ולשון כשדים׃

  7. דָּנִיֵּאל א׳:ה׳

    וימן להם המלך דבר יום ביומו מפת בג המלך ומיין משתיו ולגדלם שנים שלוש ומקצתם יעמדו לפני המלך׃

  8. דָּנִיֵּאל א׳:ו׳

    ויהי בהם מבני יהודה דניאל חנניה מישאל ועזריה׃

  9. דָּנִיֵּאל א׳:ז׳

    וישם להם שר הסריסים שמות וישם לדניאל בלטשאצר ולחנניה שדרך ולמישאל מישך ולעזריה עבד נגו׃