פסוקים על Assyria

204 פסוקים · 59 היבטים

פסוקי מפתח

בְּרֵאשִׁית י׳:ח׳
וכוש ילד את נמרד הוא החל להיות גבר בארץ׃
בְּרֵאשִׁית י׳:ט׳
הוא היה גבר ציד לפני יהוה על כן יאמר כנמרד גבור ציד לפני יהוה׃
בְּרֵאשִׁית י׳:י׳
ותהי ראשית ממלכתו בבל וארך ואכד וכלנה בארץ שנער׃
בְּרֵאשִׁית י׳:י״א
מן הארץ ההוא יצא אשור ויבן את נינוה ואת רחבת עיר ואת כלח׃
2 מְלָכִים י״ח:י״ד
וישלח חזקיה מלך יהודה אל מלך אשור לכישה לאמר חטאתי שוב מעלי את אשר תתן עלי אשא וישם מלך אשור על חזקיה מלך יהודה שלש מאות ככר כסף ושלשים ככר זהב׃
2 מְלָכִים י״ח:ט״ו
ויתן חזקיה את כל הכסף הנמצא בית יהוה ובאצרות בית המלך׃
2 מְלָכִים י״ח:ט״ז
בעת ההיא קצץ חזקיה את דלתות היכל יהוה ואת האמנות אשר צפה חזקיה מלך יהודה ויתנם למלך אשור׃
2 מְלָכִים י״ח:י״ז
וישלח מלך אשור את תרתן ואת רב סריס ואת רב שקה מן לכיש אל המלך חזקיהו בחיל כבד ירושלם ויעלו ויבאו ירושלם ויעלו ויבאו ויעמדו בתעלת הברכה העליונה אשר במסלת שדה כובס׃
2 מְלָכִים י״ח:י״ח
ויקראו אל המלך ויצא אלהם אליקים בן חלקיהו אשר על הבית ושבנה הספר ויואח בן אסף המזכיר׃
2 מְלָכִים י״ח:י״ט
ויאמר אלהם רב שקה אמרו נא אל חזקיהו כה אמר המלך הגדול מלך אשור מה הבטחון הזה אשר בטחת׃
2 מְלָכִים י״ח:כ׳
אמרת אך דבר שפתים עצה וגבורה למלחמה עתה על מי בטחת כי מרדת בי׃
2 מְלָכִים י״ח:כ״א
עתה הנה בטחת לך על משענת הקנה הרצוץ הזה על מצרים אשר יסמך איש עליו ובא בכפו ונקבה כן פרעה מלך מצרים לכל הבטחים עליו׃
2 מְלָכִים י״ח:כ״ב
וכי תאמרון אלי אל יהוה אלהינו בטחנו הלוא הוא אשר הסיר חזקיהו את במתיו ואת מזבחתיו ויאמר ליהודה ולירושלם לפני המזבח הזה תשתחוו בירושלם׃
2 מְלָכִים י״ח:כ״ג
ועתה התערב נא את אדני את מלך אשור ואתנה לך אלפים סוסים אם תוכל לתת לך רכבים עליהם׃
2 מְלָכִים י״ח:כ״ד
ואיך תשיב את פני פחת אחד עבדי אדני הקטנים ותבטח לך על מצרים לרכב ולפרשים׃
2 מְלָכִים י״ח:כ״ה
עתה המבלעדי יהוה עליתי על המקום הזה להשחתו יהוה אמר אלי עלה על הארץ הזאת והשחיתה׃
2 מְלָכִים י״ח:כ״ו
ויאמר אליקים בן חלקיהו ושבנה ויואח אל רב שקה דבר נא אל עבדיך ארמית כי שמעים אנחנו ואל תדבר עמנו יהודית באזני העם אשר על החמה׃
2 מְלָכִים י״ח:כ״ז
ויאמר אליהם רב שקה העל אדניך ואליך שלחני אדני לדבר את הדברים האלה הלא על האנשים הישבים על החמה לאכל את חריהם ולשתות את שיניהם עמכם׃
2 מְלָכִים י״ח:כ״ח
ויעמד רב שקה ויקרא בקול גדול יהודית וידבר ויאמר שמעו דבר המלך הגדול מלך אשור׃
2 מְלָכִים י״ח:כ״ט
כה אמר המלך אל ישיא לכם חזקיהו כי לא יוכל להציל אתכם מידו׃
2 מְלָכִים י״ח:ל׳
ואל יבטח אתכם חזקיהו אל יהוה לאמר הצל יצילנו יהוה ולא תנתן את העיר הזאת ביד מלך אשור׃
2 מְלָכִים י״ח:ל״א
אל תשמעו אל חזקיהו כי כה אמר מלך אשור עשו אתי ברכה וצאו אלי ואכלו איש גפנו ואיש תאנתו ושתו איש מי בורו׃
2 מְלָכִים י״ח:ל״ב
עד באי ולקחתי אתכם אל ארץ כארצכם ארץ דגן ותירוש ארץ לחם וכרמים ארץ זית יצהר ודבש וחיו ולא תמתו ואל תשמעו אל חזקיהו כי יסית אתכם לאמר יהוה יצילנו׃
2 מְלָכִים י״ח:ל״ג
ההצל הצילו אלהי הגוים איש את ארצו מיד מלך אשור׃
2 מְלָכִים י״ח:ל״ד
איה אלהי חמת וארפד איה אלהי ספרוים הנע ועוה כי הצילו את שמרון מידי׃

מציג 1–25 מתוך 204 פסוקים

1 2 3...9 הבא