פסוקים על Assyria: Prophecies concerning

91 פסוקים · 59 היבטים

פסוקים על Prophecies concerning

סינון לפי ספר
  1. יְשַׁעְיָהוּ ז׳:י״ז

    יביא יהוה עליך ועל עמך ועל בית אביך ימים אשר לא באו למיום סור אפרים מעל יהודה את מלך אשור׃

  2. יְשַׁעְיָהוּ ז׳:י״ח

    והיה ביום ההוא ישרק יהוה לזבוב אשר בקצה יארי מצרים ולדבורה אשר בארץ אשור׃

  3. יְשַׁעְיָהוּ ז׳:י״ט

    ובאו ונחו כלם בנחלי הבתות ובנקיקי הסלעים ובכל הנעצוצים ובכל הנהללים׃

  4. יְשַׁעְיָהוּ ז׳:כ׳

    ביום ההוא יגלח אדני בתער השכירה בעברי נהר במלך אשור את הראש ושער הרגלים וגם את הזקן תספה׃

  5. יְשַׁעְיָהוּ ז׳:כ״א

    והיה ביום ההוא יחיה איש עגלת בקר ושתי צאן׃

  6. יְשַׁעְיָהוּ ז׳:כ״ב

    והיה מרב עשות חלב יאכל חמאה כי חמאה ודבש יאכל כל הנותר בקרב הארץ׃

  7. יְשַׁעְיָהוּ ז׳:כ״ג

    והיה ביום ההוא יהיה כל מקום אשר יהיה שם אלף גפן באלף כסף לשמיר ולשית יהיה׃

  8. יְשַׁעְיָהוּ ז׳:כ״ד

    בחצים ובקשת יבוא שמה כי שמיר ושית תהיה כל הארץ׃

  9. יְשַׁעְיָהוּ ז׳:כ״ה

    וכל ההרים אשר במעדר יעדרון לא תבוא שמה יראת שמיר ושית והיה למשלח שור ולמרמס שה׃

  10. יְשַׁעְיָהוּ ח׳:ד׳

    כי בטרם ידע הנער קרא אבי ואמי ישא את חיל דמשק ואת שלל שמרון לפני מלך אשור׃

  11. יְשַׁעְיָהוּ ח׳:ה׳

    ויסף יהוה דבר אלי עוד לאמר׃

  12. יְשַׁעְיָהוּ ח׳:ו׳

    יען כי מאס העם הזה את מי השלח ההלכים לאט ומשוש את רצין ובן רמליהו׃

  13. יְשַׁעְיָהוּ ח׳:ז׳

    ולכן הנה אדני מעלה עליהם את מי הנהר העצומים והרבים את מלך אשור ואת כל כבודו ועלה על כל אפיקיו והלך על כל גדותיו׃

  14. יְשַׁעְיָהוּ ח׳:ח׳

    וחלף ביהודה שטף ועבר עד צואר יגיע והיה מטות כנפיו מלא רחב ארצך עמנו אל׃

  15. יְשַׁעְיָהוּ ח׳:ט׳

    רעו עמים וחתו והאזינו כל מרחקי ארץ התאזרו וחתו התאזרו וחתו׃

  16. יְשַׁעְיָהוּ ח׳:י׳

    עצו עצה ותפר דברו דבר ולא יקום כי עמנו אל׃

  17. יְשַׁעְיָהוּ י׳:ה׳

    הוי אשור שבט אפי ומטה הוא בידם זעמי׃

  18. יְשַׁעְיָהוּ י׳:ו׳

    בגוי חנף אשלחנו ועל עם עברתי אצונו לשלל שלל ולבז בז ולשימו מרמס כחמר חוצות׃

  19. יְשַׁעְיָהוּ י׳:ז׳

    והוא לא כן ידמה ולבבו לא כן יחשב כי להשמיד בלבבו ולהכרית גוים לא מעט׃

  20. יְשַׁעְיָהוּ י׳:ח׳

    כי יאמר הלא שרי יחדו מלכים׃

  21. יְשַׁעְיָהוּ י׳:ט׳

    הלא ככרכמיש כלנו אם לא כארפד חמת אם לא כדמשק שמרון׃

  22. יְשַׁעְיָהוּ י׳:י׳

    כאשר מצאה ידי לממלכת האליל ופסיליהם מירושלם ומשמרון׃

  23. יְשַׁעְיָהוּ י׳:י״א

    הלא כאשר עשיתי לשמרון ולאליליה כן אעשה לירושלם ולעצביה׃

  24. יְשַׁעְיָהוּ י׳:י״ב

    והיה כי יבצע אדני את כל מעשהו בהר ציון ובירושלם אפקד על פרי גדל לבב מלך אשור ועל תפארת רום עיניו׃

  25. יְשַׁעְיָהוּ י׳:י״ג

    כי אמר בכח ידי עשיתי ובחכמתי כי נבנותי ואסיר גבולת עמים ועתידתיהם שושתי ואוריד כאביר יושבים׃