פסוקים על Assyria

204 פסוקים · 59 היבטים

פסוקי מפתח

2 מְלָכִים י״ח:ל״ה
מי בכל אלהי הארצות אשר הצילו את ארצם מידי כי יציל יהוה את ירושלם מידי׃
2 מְלָכִים י״ט:י׳
כה תאמרון אל חזקיהו מלך יהודה לאמר אל ישאך אלהיך אשר אתה בטח בו לאמר לא תנתן ירושלם ביד מלך אשור׃
2 מְלָכִים י״ט:י״א
הנה אתה שמעת את אשר עשו מלכי אשור לכל הארצות להחרימם ואתה תנצל׃
2 מְלָכִים י״ט:י״ב
ההצילו אתם אלהי הגוים אשר שחתו אבותי את גוזן ואת חרן ורצף ובני עדן אשר בתלאשר׃
2 מְלָכִים י״ט:י״ג
איו מלך חמת ומלך ארפד ומלך לעיר ספרוים הנע ועוה׃
2 מְלָכִים י״ט:י״ד
ויקח חזקיהו את הספרים מיד המלאכים ויקראם ויעל בית יהוה ויפרשהו חזקיהו לפני יהוה׃
2 מְלָכִים י״ט:ט״ו
ויתפלל חזקיהו לפני יהוה ויאמר יהוה אלהי ישראל ישב הכרבים אתה הוא האלהים לבדך לכל ממלכות הארץ אתה עשית את השמים ואת הארץ׃
2 מְלָכִים י״ט:ט״ז
הטה יהוה אזנך ושמע פקח יהוה עיניך וראה ושמע את דברי סנחריב אשר שלחו לחרף אלהים חי׃
2 מְלָכִים י״ט:י״ז
אמנם יהוה החריבו מלכי אשור את הגוים ואת ארצם׃
2 מְלָכִים י״ט:י״ח
ונתנו את אלהיהם באש כי לא אלהים המה כי אם מעשה ידי אדם עץ ואבן ויאבדום׃
2 מְלָכִים י״ט:י״ט
ועתה יהוה אלהינו הושיענו נא מידו וידעו כל ממלכות הארץ כי אתה יהוה אלהים לבדך׃
2 מְלָכִים י״ט:כ׳
וישלח ישעיהו בן אמוץ אל חזקיהו לאמר כה אמר יהוה אלהי ישראל אשר התפללת אלי אל סנחרב מלך אשור שמעתי׃
2 מְלָכִים י״ט:כ״א
זה הדבר אשר דבר יהוה עליו בזה לך לעגה לך בתולת בת ציון אחריך ראש הניעה בת ירושלם׃
2 מְלָכִים י״ט:כ״ב
את מי חרפת וגדפת ועל מי הרימות קול ותשא מרום עיניך על קדוש ישראל׃
2 מְלָכִים י״ט:כ״ג
ביד מלאכיך חרפת אדני ותאמר ברכב רכבי אני עליתי מרום הרים ירכתי לבנון ואכרת קומת ארזיו מבחור ברשיו ואבואה מלון קצה יער כרמלו׃
2 מְלָכִים י״ט:כ״ד
אני קרתי ושתיתי מים זרים ואחרב בכף פעמי כל יארי מצור׃
2 מְלָכִים י״ט:כ״ה
הלא שמעת למרחוק אתה עשיתי למימי קדם ויצרתיה עתה הביאתיה ותהי להשות גלים נצים ערים בצרות׃
2 מְלָכִים י״ט:כ״ו
וישביהן קצרי יד חתו ויבשו היו עשב שדה וירק דשא חציר גגות ושדפה לפני קמה׃
2 מְלָכִים י״ט:כ״ז
ושבתך וצאתך ובאך ידעתי ואת התרגזך אלי׃
2 מְלָכִים י״ט:כ״ח
יען התרגזך אלי ושאננך עלה באזני ושמתי חחי באפך ומתגי בשפתיך והשבתיך בדרך אשר באת בה׃
2 מְלָכִים י״ט:כ״ט
וזה לך האות אכול השנה ספיח ובשנה השנית סחיש ובשנה השלישית זרעו וקצרו ונטעו כרמים ואכלו פרים׃
2 מְלָכִים י״ט:ל׳
ויספה פליטת בית יהודה הנשארה שרש למטה ועשה פרי למעלה׃
2 מְלָכִים י״ט:ל״א
כי מירושלם תצא שארית ופליטה מהר ציון קנאת יהוה תעשה זאת׃
2 מְלָכִים י״ט:ל״ב
לכן כה אמר יהוה אל מלך אשור לא יבא אל העיר הזאת ולא יורה שם חץ ולא יקדמנה מגן ולא ישפך עליה סללה׃
2 מְלָכִים י״ט:ל״ג
בדרך אשר יבא בה ישוב ואל העיר הזאת לא יבא נאם יהוה׃

מציג 26–50 מתוך 204 פסוקים

הקודם 1 2 3 4...9 הבא