פסוקים על Assyria

204 פסוקים · 59 היבטים

פסוקי מפתח

סינון לפי ספר
  1. יְשַׁעְיָהוּ י׳:ט׳

    הלא ככרכמיש כלנו אם לא כארפד חמת אם לא כדמשק שמרון׃

  2. יְשַׁעְיָהוּ י׳:י׳

    כאשר מצאה ידי לממלכת האליל ופסיליהם מירושלם ומשמרון׃

  3. יְשַׁעְיָהוּ י׳:י״א

    הלא כאשר עשיתי לשמרון ולאליליה כן אעשה לירושלם ולעצביה׃

  4. יְשַׁעְיָהוּ י׳:י״ב

    והיה כי יבצע אדני את כל מעשהו בהר ציון ובירושלם אפקד על פרי גדל לבב מלך אשור ועל תפארת רום עיניו׃

  5. יְשַׁעְיָהוּ י׳:י״ג

    כי אמר בכח ידי עשיתי ובחכמתי כי נבנותי ואסיר גבולת עמים ועתידתיהם שושתי ואוריד כאביר יושבים׃

  6. יְשַׁעְיָהוּ י׳:י״ד

    ותמצא כקן ידי לחיל העמים וכאסף ביצים עזבות כל הארץ אני אספתי ולא היה נדד כנף ופצה פה ומצפצף׃

  7. יְשַׁעְיָהוּ י׳:ט״ו

    היתפאר הגרזן על החצב בו אם יתגדל המשור על מניפו כהניף שבט את מרימיו כהרים מטה לא עץ׃

  8. יְשַׁעְיָהוּ י׳:ט״ז

    לכן ישלח האדון יהוה צבאות במשמניו רזון ותחת כבדו יקד יקד כיקוד אש׃

  9. יְשַׁעְיָהוּ י׳:י״ז

    והיה אור ישראל לאש וקדושו ללהבה ובערה ואכלה שיתו ושמירו ביום אחד׃

  10. יְשַׁעְיָהוּ י׳:י״ח

    וכבוד יערו וכרמלו מנפש ועד בשר יכלה והיה כמסס נסס׃

  11. יְשַׁעְיָהוּ י׳:י״ט

    ושאר עץ יערו מספר יהיו ונער יכתבם׃

  12. יְשַׁעְיָהוּ י׳:כ׳

    והיה ביום ההוא לא יוסיף עוד שאר ישראל ופליטת בית יעקב להשען על מכהו ונשען על יהוה קדוש ישראל באמת׃

  13. יְשַׁעְיָהוּ י׳:כ״א

    שאר ישוב שאר יעקב אל אל גבור׃

  14. יְשַׁעְיָהוּ י׳:כ״ב

    כי אם יהיה עמך ישראל כחול הים שאר ישוב בו כליון חרוץ שוטף צדקה׃

  15. יְשַׁעְיָהוּ י׳:כ״ג

    כי כלה ונחרצה אדני יהוה צבאות עשה בקרב כל הארץ׃

  16. יְשַׁעְיָהוּ י׳:כ״ד

    לכן כה אמר אדני יהוה צבאות אל תירא עמי ישב ציון מאשור בשבט יככה ומטהו ישא עליך בדרך מצרים׃

  17. יְשַׁעְיָהוּ י׳:כ״ה

    כי עוד מעט מזער וכלה זעם ואפי על תבליתם׃

  18. יְשַׁעְיָהוּ י׳:כ״ו

    ועורר עליו יהוה צבאות שוט כמכת מדין בצור עורב ומטהו על הים ונשאו בדרך מצרים׃

  19. יְשַׁעְיָהוּ י׳:כ״ז

    והיה ביום ההוא יסור סבלו מעל שכמך ועלו מעל צוארך וחבל על מפני שמן׃

  20. יְשַׁעְיָהוּ י׳:כ״ח

    בא על עית עבר במגרון למכמש יפקיד כליו׃

  21. יְשַׁעְיָהוּ י׳:כ״ט

    עברו מעברה גבע מלון לנו חרדה הרמה גבעת שאול נסה׃

  22. יְשַׁעְיָהוּ י׳:ל׳

    צהלי קולך בת גלים הקשיבי לישה עניה ענתות׃

  23. יְשַׁעְיָהוּ י׳:ל״א

    נדדה מדמנה ישבי הגבים העיזו׃

  24. יְשַׁעְיָהוּ י׳:ל״ב

    עוד היום בנב לעמד ינפף ידו הר בית ציון גבעת ירושלם׃

  25. יְשַׁעְיָהוּ י׳:ל״ג

    הנה האדון יהוה צבאות מסעף פארה במערצה ורמי הקומה גדועים והגבהים ישפלו׃