פסוקים על Assyria

204 פסוקים · 59 היבטים

פסוקי מפתח

סינון לפי ספר
  1. יְשַׁעְיָהוּ י׳:ל״ד

    ונקף סבכי היער בברזל והלבנון באדיר יפול׃

  2. יְשַׁעְיָהוּ י״ד:כ״ד

    נשבע יהוה צבאות לאמר אם לא כאשר דמיתי כן היתה וכאשר יעצתי היא תקום׃

  3. יְשַׁעְיָהוּ י״ד:כ״ה

    לשבר אשור בארצי ועל הרי אבוסנו וסר מעליהם עלו וסבלו מעל שכמו יסור׃

  4. יְשַׁעְיָהוּ י״ד:כ״ו

    זאת העצה היעוצה על כל הארץ וזאת היד הנטויה על כל הגוים׃

  5. יְשַׁעְיָהוּ י״ד:כ״ז

    כי יהוה צבאות יעץ ומי יפר וידו הנטויה ומי ישיבנה׃

  6. יְשַׁעְיָהוּ י״ד:כ״ח

    בשנת מות המלך אחז היה המשא הזה׃

  7. יְשַׁעְיָהוּ י״ט:כ״ג

    ביום ההוא תהיה מסלה ממצרים אשורה ובא אשור במצרים ומצרים באשור ועבדו מצרים את אשור׃

  8. יְשַׁעְיָהוּ י״ט:כ״ד

    ביום ההוא יהיה ישראל שלישיה למצרים ולאשור ברכה בקרב הארץ׃

  9. יְשַׁעְיָהוּ י״ט:כ״ה

    אשר ברכו יהוה צבאות לאמר ברוך עמי מצרים ומעשה ידי אשור ונחלתי ישראל׃

  10. יְשַׁעְיָהוּ כ׳:א׳

    ¶ בשנת בא תרתן אשדודה בשלח אתו סרגון מלך אשור וילחם באשדוד וילכדה׃

  11. יְשַׁעְיָהוּ כ׳:ב׳

    בעת ההיא דבר יהוה ביד ישעיהו בן אמוץ לאמר לך ופתחת השק מעל מתניך ונעלך תחלץ מעל רגליך ויעש כן הלך ערום ויחף׃

  12. יְשַׁעְיָהוּ כ׳:ג׳

    ויאמר יהוה כאשר הלך עבדי ישעיהו ערום ויחף שלש שנים אות ומופת על מצרים ועל כוש׃

  13. יְשַׁעְיָהוּ כ׳:ד׳

    כן ינהג מלך אשור את שבי מצרים ואת גלות כוש נערים וזקנים ערום ויחף וחשופי שת ערות מצרים׃

  14. יְשַׁעְיָהוּ כ׳:ה׳

    וחתו ובשו מכוש מבטם ומן מצרים תפארתם׃

  15. יְשַׁעְיָהוּ כ׳:ו׳

    ואמר ישב האי הזה ביום ההוא הנה כה מבטנו אשר נסנו שם לעזרה להנצל מפני מלך אשור ואיך נמלט אנחנו׃

  16. יְשַׁעְיָהוּ ל׳:כ״ז

    הנה שם יהוה בא ממרחק בער אפו וכבד משאה שפתיו מלאו זעם ולשונו כאש אכלת׃

  17. יְשַׁעְיָהוּ ל׳:כ״ח

    ורוחו כנחל שוטף עד צואר יחצה להנפה גוים בנפת שוא ורסן מתעה על לחיי עמים׃

  18. יְשַׁעְיָהוּ ל׳:כ״ט

    השיר יהיה לכם כליל התקדש חג ושמחת לבב כהולך בחליל לבוא בהר יהוה אל צור ישראל׃

  19. יְשַׁעְיָהוּ ל׳:ל׳

    והשמיע יהוה את הוד קולו ונחת זרועו יראה בזעף אף ולהב אש אוכלה נפץ וזרם ואבן ברד׃

  20. יְשַׁעְיָהוּ ל׳:ל״א

    כי מקול יהוה יחת אשור בשבט יכה׃

  21. יְשַׁעְיָהוּ ל׳:ל״ב

    והיה כל מעבר מטה מוסדה אשר יניח יהוה עליו בתפים ובכנרות ובמלחמות תנופה נלחם בה׃

  22. יְשַׁעְיָהוּ ל׳:ל״ג

    כי ערוך מאתמול תפתה גם הוא למלך הוכן העמיק הרחב מדרתה אש ועצים הרבה נשמת יהוה כנחל גפרית בערה בה׃

  23. יְשַׁעְיָהוּ ל״א:ח׳

    ונפל אשור בחרב לא איש וחרב לא אדם תאכלנו ונס לו מפני חרב ובחוריו למס יהיו׃

  24. יְשַׁעְיָהוּ ל״א:ט׳

    וסלעו ממגור יעבור וחתו מנס שריו נאם יהוה אשר אור לו בציון ותנור לו בירושלם׃

  25. יְשַׁעְיָהוּ ל״ז:כ״א

    וישלח ישעיהו בן אמוץ אל חזקיהו לאמר כה אמר יהוה אלהי ישראל אשר התפללת אלי אל סנחריב מלך אשור׃