פסוקים על Assyria

204 פסוקים · 59 היבטים

פסוקי מפתח

סינון לפי ספר
  1. יְשַׁעְיָהוּ ל״ז:כ״ב

    זה הדבר אשר דבר יהוה עליו בזה לך לעגה לך בתולת בת ציון אחריך ראש הניעה בת ירושלם׃

  2. יְשַׁעְיָהוּ ל״ז:כ״ג

    את מי חרפת וגדפת ועל מי הרימותה קול ותשא מרום עיניך אל קדוש ישראל׃

  3. יְשַׁעְיָהוּ ל״ז:כ״ד

    ביד עבדיך חרפת אדני ותאמר ברב רכבי אני עליתי מרום הרים ירכתי לבנון ואכרת קומת ארזיו מבחר ברשיו ואבוא מרום קצו יער כרמלו׃

  4. יְשַׁעְיָהוּ ל״ז:כ״ה

    אני קרתי ושתיתי מים ואחרב בכף פעמי כל יארי מצור׃

  5. יְשַׁעְיָהוּ ל״ז:כ״ו

    הלוא שמעת למרחוק אותה עשיתי מימי קדם ויצרתיה עתה הבאתיה ותהי להשאות גלים נצים ערים בצרות׃

  6. יְשַׁעְיָהוּ ל״ז:כ״ז

    וישביהן קצרי יד חתו ובשו היו עשב שדה וירק דשא חציר גגות ושדמה לפני קמה׃

  7. יְשַׁעְיָהוּ ל״ז:כ״ח

    ושבתך וצאתך ובואך ידעתי ואת התרגזך אלי׃

  8. יְשַׁעְיָהוּ ל״ז:כ״ט

    יען התרגזך אלי ושאננך עלה באזני ושמתי חחי באפך ומתגי בשפתיך והשיבתיך בדרך אשר באת בה׃

  9. יְשַׁעְיָהוּ ל״ז:ל׳

    וזה לך האות אכול השנה ספיח ובשנה השנית שחיס ובשנה השלישית זרעו וקצרו ונטעו כרמים ואכול פרים׃

  10. יְשַׁעְיָהוּ ל״ז:ל״א

    ויספה פליטת בית יהודה הנשארה שרש למטה ועשה פרי למעלה׃

  11. יְשַׁעְיָהוּ ל״ז:ל״ב

    כי מירושלם תצא שארית ופליטה מהר ציון קנאת יהוה צבאות תעשה זאת׃

  12. יְשַׁעְיָהוּ ל״ז:ל״ג

    לכן כה אמר יהוה אל מלך אשור לא יבוא אל העיר הזאת ולא יורה שם חץ ולא יקדמנה מגן ולא ישפך עליה סללה׃

  13. יְשַׁעְיָהוּ ל״ז:ל״ד

    בדרך אשר בא בה ישוב ואל העיר הזאת לא יבוא נאם יהוה׃

  14. יְשַׁעְיָהוּ ל״ז:ל״ה

    וגנותי על העיר הזאת להושיעה למעני ולמען דוד עבדי׃

  15. יְחֶזְקֵאל כ״ג:ז׳

    ותתן תזנותיה עליהם מבחר בני אשור כלם ובכל אשר עגבה בכל גלוליהם נטמאה׃

  16. יְחֶזְקֵאל כ״ג:ח׳

    ואת תזנותיה ממצרים לא עזבה כי אותה שכבו בנעוריה והמה עשו דדי בתוליה וישפכו תזנותם עליה׃

  17. יְחֶזְקֵאל כ״ג:ט׳

    לכן נתתיה ביד מאהביה ביד בני אשור אשר עגבה עליהם׃

  18. יְחֶזְקֵאל כ״ג:י׳

    המה גלו ערותה בניה ובנותיה לקחו ואותה בחרב הרגו ותהי שם לנשים ושפוטים עשו בה׃

  19. יְחֶזְקֵאל כ״ג:י״א

    ותרא אחותה אהליבה ותשחת עגבתה ממנה ואת תזנותיה מזנוני אחותה׃

  20. יְחֶזְקֵאל כ״ג:י״ב

    אל בני אשור עגבה פחות וסגנים קרבים לבשי מכלול פרשים רכבי סוסים בחורי חמד כלם׃

  21. יְחֶזְקֵאל כ״ג:י״ג

    וארא כי נטמאה דרך אחד לשתיהן׃

  22. יְחֶזְקֵאל כ״ג:י״ד

    ותוסף אל תזנותיה ותרא אנשי מחקה על הקיר צלמי כשדיים חקקים בששר׃

  23. יְחֶזְקֵאל כ״ג:ט״ו

    חגורי אזור במתניהם סרוחי טבולים בראשיהם מראה שלישים כלם דמות בני בבל כשדים ארץ מולדתם׃

  24. יְחֶזְקֵאל כ״ג:ט״ז

    ותעגב עליהם למראה עיניה ותשלח מלאכים אליהם כשדימה׃

  25. יְחֶזְקֵאל כ״ג:י״ז

    ויבאו אליה בני בבל למשכב דדים ויטמאו אותה בתזנותם ותטמא בם ותקע נפשה מהם׃