circa 800–400 BC

The Hebrew Prophets

God speaks through Isaiah, Jeremiah, and the minor prophets—calling Israel to repentance and foretelling the coming Messiah.

3,706 פסוקים · 14 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. יְשַׁעְיָהוּ כ״ח:ט״זבערך תשכ״ה לפנה״ס

    לכן כה אמר אדני יהוה הנני יסד בציון אבן אבן בחן פנת יקרת מוסד מוסד המאמין לא יחיש׃

  2. יְשַׁעְיָהוּ כ״ח:י״זבערך תשכ״ה לפנה״ס

    ושמתי משפט לקו וצדקה למשקלת ויעה ברד מחסה כזב וסתר מים ישטפו׃

  3. יְשַׁעְיָהוּ כ״ח:י״חבערך תשכ״ה לפנה״ס

    וכפר בריתכם את מות וחזותכם את שאול לא תקום שוט שוטף כי יעבר והייתם לו למרמס׃

  4. יְשַׁעְיָהוּ כ״ח:י״טבערך תשכ״ה לפנה״ס

    מדי עברו יקח אתכם כי בבקר בבקר יעבר ביום ובלילה והיה רק זועה הבין שמועה׃

  5. יְשַׁעְיָהוּ כ״ח:כ׳בערך תשכ״ה לפנה״ס

    כי קצר המצע מהשתרע והמסכה צרה כהתכנס׃

  6. יְשַׁעְיָהוּ כ״ח:כ״אבערך תשכ״ה לפנה״ס

    כי כהר פרצים יקום יהוה כעמק בגבעון ירגז לעשות מעשהו זר מעשהו ולעבד עבדתו נכריה עבדתו׃

  7. יְשַׁעְיָהוּ כ״ח:כ״בבערך תשכ״ה לפנה״ס

    ועתה אל תתלוצצו פן יחזקו מוסריכם כי כלה ונחרצה שמעתי מאת אדני יהוה צבאות על כל הארץ׃

  8. יְשַׁעְיָהוּ כ״ח:כ״גבערך תשכ״ה לפנה״ס

    האזינו ושמעו קולי הקשיבו ושמעו אמרתי׃

  9. יְשַׁעְיָהוּ כ״ח:כ״דבערך תשכ״ה לפנה״ס

    הכל היום יחרש החרש לזרע יפתח וישדד אדמתו׃

  10. יְשַׁעְיָהוּ כ״ח:כ״הבערך תשכ״ה לפנה״ס

    הלוא אם שוה פניה והפיץ קצח וכמן יזרק ושם חטה שורה ושערה נסמן וכסמת גבלתו׃

  11. יְשַׁעְיָהוּ כ״ח:כ״ובערך תשכ״ה לפנה״ס

    ויסרו למשפט אלהיו יורנו׃

  12. יְשַׁעְיָהוּ כ״ח:כ״זבערך תשכ״ה לפנה״ס

    כי לא בחרוץ יודש קצח ואופן עגלה על כמן יוסב כי במטה יחבט קצח וכמן בשבט׃

  13. יְשַׁעְיָהוּ כ״ח:כ״חבערך תשכ״ה לפנה״ס

    לחם יודק כי לא לנצח אדוש ידושנו והמם גלגל עגלתו ופרשיו לא ידקנו׃

  14. יְשַׁעְיָהוּ כ״ח:כ״טבערך תשכ״ה לפנה״ס

    גם זאת מעם יהוה צבאות יצאה הפליא עצה הגדיל תושיה׃

  15. יְשַׁעְיָהוּ כ״ט:א׳בערך תשי״ב לפנה״ס

    ¶ הוי אריאל אריאל קרית חנה דוד ספו שנה על שנה חגים ינקפו׃

  16. יְשַׁעְיָהוּ כ״ט:ב׳בערך תשי״ב לפנה״ס

    והציקותי לאריאל והיתה תאניה ואניה והיתה לי כאריאל׃

  17. יְשַׁעְיָהוּ כ״ט:ג׳בערך תשי״ב לפנה״ס

    וחניתי כדור עליך וצרתי עליך מצב והקימתי עליך מצרת׃

  18. יְשַׁעְיָהוּ כ״ט:ד׳בערך תשי״ב לפנה״ס

    ושפלת מארץ תדברי ומעפר תשח אמרתך והיה כאוב מארץ קולך ומעפר אמרתך תצפצף׃

  19. יְשַׁעְיָהוּ כ״ט:ה׳בערך תשי״ב לפנה״ס

    והיה כאבק דק המון זריך וכמץ עבר המון עריצים והיה לפתע פתאם׃

  20. יְשַׁעְיָהוּ כ״ט:ו׳בערך תשי״ב לפנה״ס

    מעם יהוה צבאות תפקד ברעם וברעש וקול גדול סופה וסערה ולהב אש אוכלה׃

  21. יְשַׁעְיָהוּ כ״ט:ז׳בערך תשי״ב לפנה״ס

    והיה כחלום חזון לילה המון כל הגוים הצבאים על אריאל וכל צביה ומצדתה והמציקים לה׃

  22. יְשַׁעְיָהוּ כ״ט:ח׳בערך תשי״ב לפנה״ס

    והיה כאשר יחלם הרעב והנה אוכל והקיץ וריקה נפשו וכאשר יחלם הצמא והנה שתה והקיץ והנה עיף ונפשו שוקקה כן יהיה המון כל הגוים הצבאים על הר ציון׃

  23. יְשַׁעְיָהוּ כ״ט:ט׳בערך תשי״ב לפנה״ס

    התמהמהו ותמהו השתעשעו ושעו שכרו ולא יין נעו ולא שכר׃

  24. יְשַׁעְיָהוּ כ״ט:י׳בערך תשי״ב לפנה״ס

    כי נסך עליכם יהוה רוח תרדמה ויעצם את עיניכם את הנביאים ואת ראשיכם החזים כסה׃

  25. יְשַׁעְיָהוּ כ״ט:י״אבערך תשי״ב לפנה״ס

    ותהי לכם חזות הכל כדברי הספר החתום אשר יתנו אתו אל יודע הספר לאמר קרא נא זה ואמר לא אוכל כי חתום הוא׃