circa 800–400 BC

The Hebrew Prophets

God speaks through Isaiah, Jeremiah, and the minor prophets—calling Israel to repentance and foretelling the coming Messiah.

3,706 פסוקים · 14 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. יְשַׁעְיָהוּ כ״ט:י״בבערך תשי״ב לפנה״ס

    ונתן הספר על אשר לא ידע ספר לאמר קרא נא זה ואמר לא ידעתי ספר׃

  2. יְשַׁעְיָהוּ כ״ט:י״גבערך תשי״ב לפנה״ס

    ויאמר אדני יען כי נגש העם הזה בפיו ובשפתיו כבדוני ולבו רחק ממני ותהי יראתם אתי מצות אנשים מלמדה׃

  3. יְשַׁעְיָהוּ כ״ט:י״דבערך תשי״ב לפנה״ס

    לכן הנני יוסף להפליא את העם הזה הפלא ופלא ואבדה חכמת חכמיו ובינת נבניו תסתתר׃

  4. יְשַׁעְיָהוּ כ״ט:ט״ובערך תשי״ב לפנה״ס

    הוי המעמיקים מיהוה לסתר עצה והיה במחשך מעשיהם ויאמרו מי ראנו ומי יודענו׃

  5. יְשַׁעְיָהוּ כ״ט:ט״זבערך תשי״ב לפנה״ס

    הפככם אם כחמר היצר יחשב כי יאמר מעשה לעשהו לא עשני ויצר אמר ליוצרו לא הבין׃

  6. יְשַׁעְיָהוּ כ״ט:י״זבערך תשי״ב לפנה״ס

    הלוא עוד מעט מזער ושב לבנון לכרמל והכרמל ליער יחשב׃

  7. יְשַׁעְיָהוּ כ״ט:י״חבערך תשי״ב לפנה״ס

    ושמעו ביום ההוא החרשים דברי ספר ומאפל ומחשך עיני עורים תראינה׃

  8. יְשַׁעְיָהוּ כ״ט:י״טבערך תשי״ב לפנה״ס

    ויספו ענוים ביהוה שמחה ואביוני אדם בקדוש ישראל יגילו׃

  9. יְשַׁעְיָהוּ כ״ט:כ׳בערך תשי״ב לפנה״ס

    כי אפס עריץ וכלה לץ ונכרתו כל שקדי און׃

  10. יְשַׁעְיָהוּ כ״ט:כ״אבערך תשי״ב לפנה״ס

    מחטיאי אדם בדבר ולמוכיח בשער יקשון ויטו בתהו צדיק׃

  11. יְשַׁעְיָהוּ כ״ט:כ״בבערך תשי״ב לפנה״ס

    לכן כה אמר יהוה אל בית יעקב אשר פדה את אברהם לא עתה יבוש יעקב ולא עתה פניו יחורו׃

  12. יְשַׁעְיָהוּ כ״ט:כ״גבערך תשי״ב לפנה״ס

    כי בראתו ילדיו מעשה ידי בקרבו יקדישו שמי והקדישו את קדוש יעקב ואת אלהי ישראל יעריצו׃

  13. יְשַׁעְיָהוּ כ״ט:כ״דבערך תשי״ב לפנה״ס

    וידעו תעי רוח בינה ורוגנים ילמדו לקח׃

  14. יְשַׁעְיָהוּ ל׳:א׳בערך תשי״ג לפנה״ס

    ¶ הוי בנים סוררים נאם יהוה לעשות עצה ולא מני ולנסך מסכה ולא רוחי למען ספות חטאת על חטאת׃

  15. יְשַׁעְיָהוּ ל׳:ב׳בערך תשי״ג לפנה״ס

    ההלכים לרדת מצרים ופי לא שאלו לעוז במעוז פרעה ולחסות בצל מצרים׃

  16. יְשַׁעְיָהוּ ל׳:ג׳בערך תשי״ג לפנה״ס

    והיה לכם מעוז פרעה לבשת והחסות בצל מצרים לכלמה׃

  17. יְשַׁעְיָהוּ ל׳:ד׳בערך תשי״ג לפנה״ס

    כי היו בצען שריו ומלאכיו חנס יגיעו׃

  18. יְשַׁעְיָהוּ ל׳:ה׳בערך תשי״ג לפנה״ס

    כל הבאיש על עם לא יועילו למו לא לעזר ולא להועיל כי לבשת וגם לחרפה׃

  19. יְשַׁעְיָהוּ ל׳:ו׳בערך תשי״ג לפנה״ס

    משא בהמות נגב בארץ צרה וצוקה לביא וליש מהם אפעה ושרף מעופף ישאו על כתף עירים חילהם ועל דבשת גמלים אוצרתם על עם לא יועילו׃

  20. יְשַׁעְיָהוּ ל׳:ז׳בערך תשי״ג לפנה״ס

    ומצרים הבל וריק יעזרו לכן קראתי לזאת רהב הם שבת׃

  21. יְשַׁעְיָהוּ ל׳:ח׳בערך תשי״ג לפנה״ס

    עתה בוא כתבה על לוח אתם ועל ספר חקה ותהי ליום אחרון לעד עד עולם׃

  22. יְשַׁעְיָהוּ ל׳:ט׳בערך תשי״ג לפנה״ס

    כי עם מרי הוא בנים כחשים בנים לא אבו שמוע תורת יהוה׃

  23. יְשַׁעְיָהוּ ל׳:י׳בערך תשי״ג לפנה״ס

    אשר אמרו לראים לא תראו ולחזים לא תחזו לנו נכחות דברו לנו חלקות חזו מהתלות׃

  24. יְשַׁעְיָהוּ ל׳:י״אבערך תשי״ג לפנה״ס

    סורו מני דרך הטו מני ארח השביתו מפנינו את קדוש ישראל׃

  25. יְשַׁעְיָהוּ ל׳:י״בבערך תשי״ג לפנה״ס

    לכן כה אמר קדוש ישראל יען מאסכם בדבר הזה ותבטחו בעשק ונלוז ותשענו עליו׃