circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 מְלָכִים ט״ו:כ״חבערך תנ״ד לפנה״ס

    וימתהו בעשא בשנת שלש לאסא מלך יהודה וימלך תחתיו׃

  2. 1 מְלָכִים ט״ו:כ״טבערך תנ״ד לפנה״ס

    ויהי כמלכו הכה את כל בית ירבעם לא השאיר כל נשמה לירבעם עד השמדו כדבר יהוה אשר דבר ביד עבדו אחיה השילני׃

  3. 1 מְלָכִים ט״ו:ל׳בערך תנ״ד לפנה״ס

    על חטאות ירבעם אשר חטא ואשר החטיא את ישראל בכעסו אשר הכעיס את יהוה אלהי ישראל׃

  4. 1 מְלָכִים ט״ו:ל״אבערך תנ״ד לפנה״ס

    ויתר דברי נדב וכל אשר עשה הלא הם כתובים על ספר דברי הימים למלכי ישראל׃

  5. 1 מְלָכִים ט״ו:ל״בבערך תנ״ג לפנה״ס

    ומלחמה היתה בין אסא ובין בעשא מלך ישראל כל ימיהם׃

  6. 1 מְלָכִים ט״ו:ל״גבערך תנ״ג לפנה״ס

    בשנת שלש לאסא מלך יהודה מלך בעשא בן אחיה על כל ישראל בתרצה עשרים וארבע שנה׃

  7. 1 מְלָכִים ט״ו:ל״דבערך תנ״ג לפנה״ס

    ויעש הרע בעיני יהוה וילך בדרך ירבעם ובחטאתו אשר החטיא את ישראל׃

  8. 1 מְלָכִים ט״ז:א׳בערך תל״א לפנה״ס

    ¶ ויהי דבר יהוה אל יהוא בן חנני על בעשא לאמר׃

  9. 1 מְלָכִים ט״ז:ב׳בערך תל״א לפנה״ס

    יען אשר הרימתיך מן העפר ואתנך נגיד על עמי ישראל ותלך בדרך ירבעם ותחטא את עמי ישראל להכעיסני בחטאתם׃

  10. 1 מְלָכִים ט״ז:ג׳בערך תל״א לפנה״ס

    הנני מבעיר אחרי בעשא ואחרי ביתו ונתתי את ביתך כבית ירבעם בן נבט׃

  11. 1 מְלָכִים ט״ז:ד׳בערך תל״א לפנה״ס

    המת לבעשא בעיר יאכלו הכלבים והמת לו בשדה יאכלו עוף השמים׃

  12. 1 מְלָכִים ט״ז:ה׳בערך תנ״ג לפנה״ס

    ויתר דברי בעשא ואשר עשה וגבורתו הלא הם כתובים על ספר דברי הימים למלכי ישראל׃

  13. 1 מְלָכִים ט״ז:ו׳בערך ת״ל לפנה״ס

    וישכב בעשא עם אבתיו ויקבר בתרצה וימלך אלה בנו תחתיו׃

  14. 1 מְלָכִים ט״ז:ז׳בערך ת״ל לפנה״ס

    וגם ביד יהוא בן חנני הנביא דבר יהוה היה אל בעשא ואל ביתו ועל כל הרעה אשר עשה בעיני יהוה להכעיסו במעשה ידיו להיות כבית ירבעם ועל אשר הכה אתו׃

  15. 1 מְלָכִים ט״ז:ח׳בערך תכ״ט לפנה״ס

    בשנת עשרים ושש שנה לאסא מלך יהודה מלך אלה בן בעשא על ישראל בתרצה שנתים׃

  16. 1 מְלָכִים ט״ז:ט׳בערך תכ״ט לפנה״ס

    ויקשר עליו עבדו זמרי שר מחצית הרכב והוא בתרצה שתה שכור בית ארצא אשר על הבית בתרצה׃

  17. 1 מְלָכִים ט״ז:י׳בערך תכ״ט לפנה״ס

    ויבא זמרי ויכהו וימיתהו בשנת עשרים ושבע לאסא מלך יהודה וימלך תחתיו׃

  18. 1 מְלָכִים ט״ז:י״אבערך תכ״ט לפנה״ס

    ויהי במלכו כשבתו על כסאו הכה את כל בית בעשא לא השאיר לו משתין בקיר וגאליו ורעהו׃

  19. 1 מְלָכִים ט״ז:י״בבערך תכ״ט לפנה״ס

    וישמד זמרי את כל בית בעשא כדבר יהוה אשר דבר אל בעשא ביד יהוא הנביא׃

  20. 1 מְלָכִים ט״ז:י״גבערך תכ״ט לפנה״ס

    אל כל חטאות בעשא וחטאות אלה בנו אשר חטאו ואשר החטיאו את ישראל להכעיס את יהוה אלהי ישראל בהבליהם׃

  21. 1 מְלָכִים ט״ז:י״דבערך תכ״ט לפנה״ס

    ויתר דברי אלה וכל אשר עשה הלוא הם כתובים על ספר דברי הימים למלכי ישראל׃

  22. 1 מְלָכִים ט״ז:ט״ובערך תכ״ט לפנה״ס

    בשנת עשרים ושבע שנה לאסא מלך יהודה מלך זמרי שבעת ימים בתרצה והעם חנים על גבתון אשר לפלשתים׃

  23. 1 מְלָכִים ט״ז:ט״זבערך תכ״ט לפנה״ס

    וישמע העם החנים לאמר קשר זמרי וגם הכה את המלך וימלכו כל ישראל את עמרי שר צבא על ישראל ביום ההוא במחנה׃

  24. 1 מְלָכִים ט״ז:י״זבערך תכ״ט לפנה״ס

    ויעלה עמרי וכל ישראל עמו מגבתון ויצרו על תרצה׃

  25. 1 מְלָכִים ט״ז:י״חבערך תכ״ט לפנה״ס

    ויהי כראות זמרי כי נלכדה העיר ויבא אל ארמון בית המלך וישרף עליו את בית מלך באש וימת׃