circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 מְלָכִים ט״ו:ג׳

    וילך בכל חטאות אביו אשר עשה לפניו ולא היה לבבו שלם עם יהוה אלהיו כלבב דוד אביו׃

  2. 1 מְלָכִים ט״ו:ד׳

    כי למען דוד נתן יהוה אלהיו לו ניר בירושלם להקים את בנו אחריו ולהעמיד את ירושלם׃

  3. 1 מְלָכִים ט״ו:ה׳

    אשר עשה דוד את הישר בעיני יהוה ולא סר מכל אשר צוהו כל ימי חייו רק בדבר אוריה החתי׃

  4. 1 מְלָכִים ט״ו:ו׳

    ומלחמה היתה בין רחבעם ובין ירבעם כל ימי חייו׃

  5. 1 מְלָכִים ט״ו:ז׳

    ויתר דברי אבים וכל אשר עשה הלוא הם כתובים על ספר דברי הימים למלכי יהודה ומלחמה היתה בין אבים ובין ירבעם׃

  6. 1 מְלָכִים ט״ו:ח׳בערך תנ״ה לפנה״ס

    וישכב אבים עם אבתיו ויקברו אתו בעיר דוד וימלך אסא בנו תחתיו׃

  7. 1 מְלָכִים ט״ו:ט׳בערך תנ״ה לפנה״ס

    ובשנת עשרים לירבעם מלך ישראל מלך אסא מלך יהודה׃

  8. 1 מְלָכִים ט״ו:י׳בערך תנ״ה לפנה״ס

    וארבעים ואחת שנה מלך בירושלם ושם אמו מעכה בת אבישלום׃

  9. 1 מְלָכִים ט״ו:י״אבערך תנ״ה לפנה״ס

    ויעש אסא הישר בעיני יהוה כדוד אביו׃

  10. 1 מְלָכִים ט״ו:י״בבערך תנ״ה לפנה״ס

    ויעבר הקדשים מן הארץ ויסר את כל הגללים אשר עשו אבתיו׃

  11. 1 מְלָכִים ט״ו:י״גבערך תנ״ה לפנה״ס

    וגם את מעכה אמו ויסרה מגבירה אשר עשתה מפלצת לאשרה ויכרת אסא את מפלצתה וישרף בנחל קדרון׃

  12. 1 מְלָכִים ט״ו:י״דבערך תנ״ה לפנה״ס

    והבמות לא סרו רק לבב אסא היה שלם עם יהוה כל ימיו׃

  13. 1 מְלָכִים ט״ו:ט״ובערך תנ״ה לפנה״ס

    ויבא את קדשי אביו וקדשו בית יהוה כסף וזהב וכלים׃

  14. 1 מְלָכִים ט״ו:ט״זבערך תנ״ה לפנה״ס

    ומלחמה היתה בין אסא ובין בעשא מלך ישראל כל ימיהם׃

  15. 1 מְלָכִים ט״ו:י״זבערך ת״ל לפנה״ס

    ויעל בעשא מלך ישראל על יהודה ויבן את הרמה לבלתי תת יצא ובא לאסא מלך יהודה׃

  16. 1 מְלָכִים ט״ו:י״חבערך ת״ל לפנה״ס

    ויקח אסא את כל הכסף והזהב הנותרים באוצרות בית יהוה ואת אוצרות בית מלך ויתנם ביד עבדיו וישלחם המלך אסא אל בן הדד בן טברמן בן חזיון מלך ארם הישב בדמשק לאמר׃

  17. 1 מְלָכִים ט״ו:י״טבערך ת״ל לפנה״ס

    ברית ביני ובינך בין אבי ובין אביך הנה שלחתי לך שחד כסף וזהב לך הפרה את בריתך את בעשא מלך ישראל ויעלה מעלי׃

  18. 1 מְלָכִים ט״ו:כ׳בערך ת״ל לפנה״ס

    וישמע בן הדד אל המלך אסא וישלח את שרי החילים אשר לו על ערי ישראל ויך את עיון ואת דן ואת אבל בית מעכה ואת כל כנרות על כל ארץ נפתלי׃

  19. 1 מְלָכִים ט״ו:כ״אבערך ת״ל לפנה״ס

    ויהי כשמע בעשא ויחדל מבנות את הרמה וישב בתרצה׃

  20. 1 מְלָכִים ט״ו:כ״בבערך ת״ל לפנה״ס

    והמלך אסא השמיע את כל יהודה אין נקי וישאו את אבני הרמה ואת עציה אשר בנה בעשא ויבן בם המלך אסא את גבע בנימן ואת המצפה׃

  21. 1 מְלָכִים ט״ו:כ״גבערך ת״ל לפנה״ס

    ויתר כל דברי אסא וכל גבורתו וכל אשר עשה והערים אשר בנה הלא המה כתובים על ספר דברי הימים למלכי יהודה רק לעת זקנתו חלה את רגליו׃

  22. 1 מְלָכִים ט״ו:כ״דבערך תי״ד לפנה״ס

    וישכב אסא עם אבתיו ויקבר עם אבתיו בעיר דוד אביו וימלך יהושפט בנו תחתיו׃

  23. 1 מְלָכִים ט״ו:כ״הבערך תנ״ד לפנה״ס

    ונדב בן ירבעם מלך על ישראל בשנת שתים לאסא מלך יהודה וימלך על ישראל שנתים׃

  24. 1 מְלָכִים ט״ו:כ״ובערך תנ״ד לפנה״ס

    ויעש הרע בעיני יהוה וילך בדרך אביו ובחטאתו אשר החטיא את ישראל׃

  25. 1 מְלָכִים ט״ו:כ״זבערך תנ״ד לפנה״ס

    ויקשר עליו בעשא בן אחיה לבית יששכר ויכהו בעשא בגבתון אשר לפלשתים ונדב וכל ישראל צרים על גבתון׃