circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 מְלָכִים י״ג:י״ח

    ויאמר לו גם אני נביא כמוך ומלאך דבר אלי בדבר יהוה לאמר השבהו אתך אל ביתך ויאכל לחם וישת מים כחש לו׃

  2. 1 מְלָכִים י״ג:י״ט

    וישב אתו ויאכל לחם בביתו וישת מים׃

  3. 1 מְלָכִים י״ג:כ׳

    ויהי הם ישבים אל השלחן ויהי דבר יהוה אל הנביא אשר השיבו׃

  4. 1 מְלָכִים י״ג:כ״א

    ויקרא אל איש האלהים אשר בא מיהודה לאמר כה אמר יהוה יען כי מרית פי יהוה ולא שמרת את המצוה אשר צוך יהוה אלהיך׃

  5. 1 מְלָכִים י״ג:כ״ב

    ותשב ותאכל לחם ותשת מים במקום אשר דבר אליך אל תאכל לחם ואל תשת מים לא תבוא נבלתך אל קבר אבתיך׃

  6. 1 מְלָכִים י״ג:כ״ג

    ויהי אחרי אכלו לחם ואחרי שתותו ויחבש לו החמור לנביא אשר השיבו׃

  7. 1 מְלָכִים י״ג:כ״ד

    וילך וימצאהו אריה בדרך וימיתהו ותהי נבלתו משלכת בדרך והחמור עמד אצלה והאריה עמד אצל הנבלה׃

  8. 1 מְלָכִים י״ג:כ״ה

    והנה אנשים עברים ויראו את הנבלה משלכת בדרך ואת האריה עמד אצל הנבלה ויבאו וידברו בעיר אשר הנביא הזקן ישב בה׃

  9. 1 מְלָכִים י״ג:כ״ו

    וישמע הנביא אשר השיבו מן הדרך ויאמר איש האלהים הוא אשר מרה את פי יהוה ויתנהו יהוה לאריה וישברהו וימתהו כדבר יהוה אשר דבר לו׃

  10. 1 מְלָכִים י״ג:כ״ז

    וידבר אל בניו לאמר חבשו לי את החמור ויחבשו׃

  11. 1 מְלָכִים י״ג:כ״ח

    וילך וימצא את נבלתו משלכת בדרך וחמור והאריה עמדים אצל הנבלה לא אכל האריה את הנבלה ולא שבר את החמור׃

  12. 1 מְלָכִים י״ג:כ״ט

    וישא הנביא את נבלת איש האלהים וינחהו אל החמור וישיבהו ויבא אל עיר הנביא הזקן לספד ולקברו׃

  13. 1 מְלָכִים י״ג:ל׳

    וינח את נבלתו בקברו ויספדו עליו הוי אחי׃

  14. 1 מְלָכִים י״ג:ל״א

    ויהי אחרי קברו אתו ויאמר אל בניו לאמר במותי וקברתם אתי בקבר אשר איש האלהים קבור בו אצל עצמתיו הניחו את עצמתי׃

  15. 1 מְלָכִים י״ג:ל״ב

    כי היה יהיה הדבר אשר קרא בדבר יהוה על המזבח אשר בבית אל ועל כל בתי הבמות אשר בערי שמרון׃

  16. 1 מְלָכִים י״ג:ל״גבערך תע״ד לפנה״ס

    אחר הדבר הזה לא שב ירבעם מדרכו הרעה וישב ויעש מקצות העם כהני במות החפץ ימלא את ידו ויהי כהני במות׃

  17. 1 מְלָכִים י״ג:ל״דבערך תע״ד לפנה״ס

    ויהי בדבר הזה לחטאת בית ירבעם ולהכחיד ולהשמיד מעל פני האדמה׃

  18. 1 מְלָכִים י״ד:א׳

    ¶ בעת ההיא חלה אביה בן ירבעם׃

  19. 1 מְלָכִים י״ד:ב׳

    ויאמר ירבעם לאשתו קומי נא והשתנית ולא ידעו כי אתי אשת ירבעם והלכת שלה הנה שם אחיה הנביא הוא דבר עלי למלך על העם הזה׃

  20. 1 מְלָכִים י״ד:ג׳

    ולקחת בידך עשרה לחם ונקדים ובקבק דבש ובאת אליו הוא יגיד לך מה יהיה לנער׃

  21. 1 מְלָכִים י״ד:ד׳

    ותעש כן אשת ירבעם ותקם ותלך שלה ותבא בית אחיה ואחיהו לא יכל לראות כי קמו עיניו משיבו׃

  22. 1 מְלָכִים י״ד:ה׳

    ויהוה אמר אל אחיהו הנה אשת ירבעם באה לדרש דבר מעמך אל בנה כי חלה הוא כזה וכזה תדבר אליה ויהי כבאה והיא מתנכרה׃

  23. 1 מְלָכִים י״ד:ו׳

    ויהי כשמע אחיהו את קול רגליה באה בפתח ויאמר באי אשת ירבעם למה זה את מתנכרה ואנכי שלוח אליך קשה׃

  24. 1 מְלָכִים י״ד:ז׳

    לכי אמרי לירבעם כה אמר יהוה אלהי ישראל יען אשר הרימתיך מתוך העם ואתנך נגיד על עמי ישראל׃

  25. 1 מְלָכִים י״ד:ח׳

    ואקרע את הממלכה מבית דוד ואתנה לך ולא היית כעבדי דוד אשר שמר מצותי ואשר הלך אחרי בכל לבבו לעשות רק הישר בעיני׃