circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 מְלָכִים י״ב:כ״ו

    ויאמר ירבעם בלבו עתה תשוב הממלכה לבית דוד׃

  2. 1 מְלָכִים י״ב:כ״ז

    אם יעלה העם הזה לעשות זבחים בבית יהוה בירושלם ושב לב העם הזה אל אדניהם אל רחבעם מלך יהודה והרגני ושבו אל רחבעם מלך יהודה׃

  3. 1 מְלָכִים י״ב:כ״ח

    ויועץ המלך ויעש שני עגלי זהב ויאמר אלהם רב לכם מעלות ירושלם הנה אלהיך ישראל אשר העלוך מארץ מצרים׃

  4. 1 מְלָכִים י״ב:כ״ט

    וישם את האחד בבית אל ואת האחד נתן בדן׃

  5. 1 מְלָכִים י״ב:ל׳

    ויהי הדבר הזה לחטאת וילכו העם לפני האחד עד דן׃

  6. 1 מְלָכִים י״ב:ל״א

    ויעש את בית במות ויעש כהנים מקצות העם אשר לא היו מבני לוי׃

  7. 1 מְלָכִים י״ב:ל״ב

    ויעש ירבעם חג בחדש השמיני בחמשה עשר יום לחדש כחג אשר ביהודה ויעל על המזבח כן עשה בבית אל לזבח לעגלים אשר עשה והעמיד בבית אל את כהני הבמות אשר עשה׃

  8. 1 מְלָכִים י״ב:ל״ג

    ויעל על המזבח אשר עשה בבית אל בחמשה עשר יום בחדש השמיני בחדש אשר בדא מלבד ויעש חג לבני ישראל ויעל על המזבח להקטיר׃

  9. 1 מְלָכִים י״ג:א׳

    ¶ והנה איש אלהים בא מיהודה בדבר יהוה אל בית אל וירבעם עמד על המזבח להקטיר׃

  10. 1 מְלָכִים י״ג:ב׳

    ויקרא על המזבח בדבר יהוה ויאמר מזבח מזבח כה אמר יהוה הנה בן נולד לבית דוד יאשיהו שמו וזבח עליך את כהני הבמות המקטרים עליך ועצמות אדם ישרפו עליך׃

  11. 1 מְלָכִים י״ג:ג׳

    ונתן ביום ההוא מופת לאמר זה המופת אשר דבר יהוה הנה המזבח נקרע ונשפך הדשן אשר עליו׃

  12. 1 מְלָכִים י״ג:ד׳

    ויהי כשמע המלך את דבר איש האלהים אשר קרא על המזבח בבית אל וישלח ירבעם את ידו מעל המזבח לאמר תפשהו ותיבש ידו אשר שלח עליו ולא יכל להשיבה אליו׃

  13. 1 מְלָכִים י״ג:ה׳

    והמזבח נקרע וישפך הדשן מן המזבח כמופת אשר נתן איש האלהים בדבר יהוה׃

  14. 1 מְלָכִים י״ג:ו׳

    ויען המלך ויאמר אל איש האלהים חל נא את פני יהוה אלהיך והתפלל בעדי ותשב ידי אלי ויחל איש האלהים את פני יהוה ותשב יד המלך אליו ותהי כבראשנה׃

  15. 1 מְלָכִים י״ג:ז׳

    וידבר המלך אל איש האלהים באה אתי הביתה וסעדה ואתנה לך מתת׃

  16. 1 מְלָכִים י״ג:ח׳

    ויאמר איש האלהים אל המלך אם תתן לי את חצי ביתך לא אבא עמך ולא אכל לחם ולא אשתה מים במקום הזה׃

  17. 1 מְלָכִים י״ג:ט׳

    כי כן צוה אתי בדבר יהוה לאמר לא תאכל לחם ולא תשתה מים ולא תשוב בדרך אשר הלכת׃

  18. 1 מְלָכִים י״ג:י׳

    וילך בדרך אחר ולא שב בדרך אשר בא בה אל בית אל׃

  19. 1 מְלָכִים י״ג:י״א

    ונביא אחד זקן ישב בבית אל ויבוא בנו ויספר לו את כל המעשה אשר עשה איש האלהים היום בבית אל את הדברים אשר דבר אל המלך ויספרום לאביהם׃

  20. 1 מְלָכִים י״ג:י״ב

    וידבר אלהם אביהם אי זה הדרך הלך ויראו בניו את הדרך אשר הלך איש האלהים אשר בא מיהודה׃

  21. 1 מְלָכִים י״ג:י״ג

    ויאמר אל בניו חבשו לי החמור ויחבשו לו החמור וירכב עליו׃

  22. 1 מְלָכִים י״ג:י״ד

    וילך אחרי איש האלהים וימצאהו ישב תחת האלה ויאמר אליו האתה איש האלהים אשר באת מיהודה ויאמר אני׃

  23. 1 מְלָכִים י״ג:ט״ו

    ויאמר אליו לך אתי הביתה ואכל לחם׃

  24. 1 מְלָכִים י״ג:ט״ז

    ויאמר לא אוכל לשוב אתך ולבוא אתך ולא אכל לחם ולא אשתה אתך מים במקום הזה׃

  25. 1 מְלָכִים י״ג:י״ז

    כי דבר אלי בדבר יהוה לא תאכל לחם ולא תשתה שם מים לא תשוב ללכת בדרך אשר הלכת בה׃