circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 דִּבְרֵי הַיָּמִים ל״ו:ב׳

    בן שלוש ועשרים שנה יואחז במלכו ושלשה חדשים מלך בירושלם׃

  2. 2 דִּבְרֵי הַיָּמִים ל״ו:ג׳

    ויסירהו מלך מצרים בירושלם ויענש את הארץ מאה ככר כסף וככר זהב׃

  3. 2 דִּבְרֵי הַיָּמִים ל״ו:ד׳

    וימלך מלך מצרים את אליקים אחיו על יהודה וירושלם ויסב את שמו יהויקים ואת יואחז אחיו לקח נכו ויביאהו מצרימה׃

  4. 2 דִּבְרֵי הַיָּמִים ל״ו:ה׳

    בן עשרים וחמש שנה יהויקים במלכו ואחת עשרה שנה מלך בירושלם ויעש הרע בעיני יהוה אלהיו׃

  5. 2 דִּבְרֵי הַיָּמִים ל״ו:ו׳בערך תר״ז לפנה״ס

    עליו עלה נבוכדנאצר מלך בבל ויאסרהו בנחשתים להליכו בבלה׃

  6. 2 דִּבְרֵי הַיָּמִים ל״ו:ז׳בערך תר״ו לפנה״ס

    ומכלי בית יהוה הביא נבוכדנאצר לבבל ויתנם בהיכלו בבבל׃

  7. 2 דִּבְרֵי הַיָּמִים ל״ו:ח׳בערך תר״י לפנה״ס

    ויתר דברי יהויקים ותעבתיו אשר עשה והנמצא עליו הנם כתובים על ספר מלכי ישראל ויהודה וימלך יהויכין בנו תחתיו׃

  8. 2 דִּבְרֵי הַיָּמִים ל״ו:ט׳בערך תקצ״ט לפנה״ס

    בן שמונה שנים יהויכין במלכו ושלשה חדשים ועשרת ימים מלך בירושלם ויעש הרע בעיני יהוה׃

  9. 2 דִּבְרֵי הַיָּמִים ל״ו:י׳בערך תקצ״ט לפנה״ס

    ולתשובת השנה שלח המלך נבוכדנאצר ויבאהו בבלה עם כלי חמדת בית יהוה וימלך את צדקיהו אחיו על יהודה וירושלם׃

  10. 2 דִּבְרֵי הַיָּמִים ל״ו:י״אבערך תקצ״ט לפנה״ס

    בן עשרים ואחת שנה צדקיהו במלכו ואחת עשרה שנה מלך בירושלם׃

  11. 2 דִּבְרֵי הַיָּמִים ל״ו:י״בבערך תקצ״ט לפנה״ס

    ויעש הרע בעיני יהוה אלהיו לא נכנע מלפני ירמיהו הנביא מפי יהוה׃

  12. 2 דִּבְרֵי הַיָּמִים ל״ו:י״גבערך תקצ״ט לפנה״ס

    וגם במלך נבוכדנאצר מרד אשר השביעו באלהים ויקש את ערפו ויאמץ את לבבו משוב אל יהוה אלהי ישראל׃

  13. 2 דִּבְרֵי הַיָּמִים ל״ו:י״דבערך תקצ״ט לפנה״ס

    גם כל שרי הכהנים והעם הרבו למעול מעל ככל תעבות הגוים ויטמאו את בית יהוה אשר הקדיש בירושלם׃

  14. 2 דִּבְרֵי הַיָּמִים ל״ו:ט״ובערך תקצ״ט לפנה״ס

    וישלח יהוה אלהי אבותיהם עליהם ביד מלאכיו השכם ושלוח כי חמל על עמו ועל מעונו׃

  15. 2 דִּבְרֵי הַיָּמִים ל״ו:ט״זבערך תקצ״ט לפנה״ס

    ויהיו מלעבים במלאכי האלהים ובוזים דבריו ומתעתעים בנבאיו עד עלות חמת יהוה בעמו עד לאין מרפא׃

  16. 2 דִּבְרֵי הַיָּמִים ל״ו:י״זבערך תקצ״ט לפנה״ס

    ויעל עליהם את מלך כשדיים ויהרג בחוריהם בחרב בבית מקדשם ולא חמל על בחור ובתולה זקן וישש הכל נתן בידו׃

  17. 2 דִּבְרֵי הַיָּמִים ל״ו:י״חבערך תקפ״ח לפנה״ס

    וכל כלי בית האלהים הגדלים והקטנים ואצרות בית יהוה ואצרות המלך ושריו הכל הביא בבל׃

  18. 2 דִּבְרֵי הַיָּמִים ל״ו:י״טבערך תקפ״ח לפנה״ס

    וישרפו את בית האלהים וינתצו את חומת ירושלם וכל ארמנותיה שרפו באש וכל כלי מחמדיה להשחית׃

  19. 2 דִּבְרֵי הַיָּמִים ל״ו:כ׳בערך תקפ״ח לפנה״ס

    ויגל השארית מן החרב אל בבל ויהיו לו ולבניו לעבדים עד מלך מלכות פרס׃

  20. 2 דִּבְרֵי הַיָּמִים ל״ו:כ״אבערך תקפ״ח לפנה״ס

    למלאות דבר יהוה בפי ירמיהו עד רצתה הארץ את שבתותיה כל ימי השמה שבתה למלאות שבעים שנה׃

  21. 2 דִּבְרֵי הַיָּמִים ל״ו:כ״בבערך תקל״ו לפנה״ס

    ובשנת אחת לכורש מלך פרס לכלות דבר יהוה בפי ירמיהו העיר יהוה את רוח כורש מלך פרס ויעבר קול בכל מלכותו וגם במכתב לאמר׃

  22. 2 דִּבְרֵי הַיָּמִים ל״ו:כ״גבערך תקל״ו לפנה״ס

    כה אמר כורש מלך פרס כל ממלכות הארץ נתן לי יהוה אלהי השמים והוא פקד עלי לבנות לו בית בירושלם אשר ביהודה מי בכם מכל עמו יהוה אלהיו עמו ויעל׃