circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 דִּבְרֵי הַיָּמִים ל״ד:י״בבערך תרכ״ד לפנה״ס

    והאנשים עשים באמונה במלאכה ועליהם מפקדים יחת ועבדיהו הלוים מן בני מררי וזכריה ומשלם מן בני הקהתים לנצח והלוים כל מבין בכלי שיר׃

  2. 2 דִּבְרֵי הַיָּמִים ל״ד:י״גבערך תרכ״ד לפנה״ס

    ועל הסבלים ומנצחים לכל עשה מלאכה לעבודה ועבודה ומהלוים סופרים ושטרים ושוערים׃

  3. 2 דִּבְרֵי הַיָּמִים ל״ד:י״דבערך תרכ״ד לפנה״ס

    ובהוציאם את הכסף המובא בית יהוה מצא חלקיהו הכהן את ספר תורת יהוה ביד משה׃

  4. 2 דִּבְרֵי הַיָּמִים ל״ד:ט״ובערך תרכ״ד לפנה״ס

    ויען חלקיהו ויאמר אל שפן הסופר ספר התורה מצאתי בבית יהוה ויתן חלקיהו את הספר אל שפן׃

  5. 2 דִּבְרֵי הַיָּמִים ל״ד:ט״זבערך תרכ״ד לפנה״ס

    ויבא שפן את הספר אל המלך וישב עוד את המלך דבר לאמר כל אשר נתן ביד עבדיך הם עשים׃

  6. 2 דִּבְרֵי הַיָּמִים ל״ד:י״זבערך תרכ״ד לפנה״ס

    ויתיכו את הכסף הנמצא בבית יהוה ויתנוהו על יד המפקדים ועל יד עושי המלאכה׃

  7. 2 דִּבְרֵי הַיָּמִים ל״ד:י״חבערך תרכ״ד לפנה״ס

    ויגד שפן הסופר למלך לאמר ספר נתן לי חלקיהו הכהן ויקרא בו שפן לפני המלך׃

  8. 2 דִּבְרֵי הַיָּמִים ל״ד:י״טבערך תרכ״ד לפנה״ס

    ויהי כשמע המלך את דברי התורה ויקרע את בגדיו׃

  9. 2 דִּבְרֵי הַיָּמִים ל״ד:כ׳בערך תרכ״ד לפנה״ס

    ויצו המלך את חלקיהו ואת אחיקם בן שפן ואת עבדון בן מיכה ואת שפן הסופר ואת עשיה עבד המלך לאמר׃

  10. 2 דִּבְרֵי הַיָּמִים ל״ד:כ״אבערך תרכ״ד לפנה״ס

    לכו דרשו את יהוה בעדי ובעד הנשאר בישראל וביהודה על דברי הספר אשר נמצא כי גדולה חמת יהוה אשר נתכה בנו על אשר לא שמרו אבותינו את דבר יהוה לעשות ככל הכתוב על הספר הזה׃

  11. 2 דִּבְרֵי הַיָּמִים ל״ד:כ״בבערך תרכ״ד לפנה״ס

    וילך חלקיהו ואשר המלך אל חלדה הנביאה אשת שלם בן תוקהת בן חסרה שומר הבגדים והיא יושבת בירושלם במשנה וידברו אליה כזאת׃

  12. 2 דִּבְרֵי הַיָּמִים ל״ד:כ״גבערך תרכ״ד לפנה״ס

    ותאמר להם כה אמר יהוה אלהי ישראל אמרו לאיש אשר שלח אתכם אלי׃

  13. 2 דִּבְרֵי הַיָּמִים ל״ד:כ״דבערך תרכ״ד לפנה״ס

    כה אמר יהוה הנני מביא רעה על המקום הזה ועל יושביו את כל האלות הכתובות על הספר אשר קראו לפני מלך יהודה׃

  14. 2 דִּבְרֵי הַיָּמִים ל״ד:כ״הבערך תרכ״ד לפנה״ס

    תחת אשר עזבוני ויקטירו לאלהים אחרים למען הכעיסני בכל מעשי ידיהם ותתך חמתי במקום הזה ולא תכבה׃

  15. 2 דִּבְרֵי הַיָּמִים ל״ד:כ״ובערך תרכ״ד לפנה״ס

    ואל מלך יהודה השלח אתכם לדרוש ביהוה כה תאמרו אליו כה אמר יהוה אלהי ישראל הדברים אשר שמעת׃

  16. 2 דִּבְרֵי הַיָּמִים ל״ד:כ״זבערך תרכ״ד לפנה״ס

    יען רך לבבך ותכנע מלפני אלהים בשמעך את דבריו על המקום הזה ועל ישביו ותכנע לפני ותקרע את בגדיך ותבך לפני וגם אני שמעתי נאם יהוה׃

  17. 2 דִּבְרֵי הַיָּמִים ל״ד:כ״חבערך תרכ״ד לפנה״ס

    הנני אספך אל אבתיך ונאספת אל קברתיך בשלום ולא תראינה עיניך בכל הרעה אשר אני מביא על המקום הזה ועל ישביו וישיבו את המלך דבר׃

  18. 2 דִּבְרֵי הַיָּמִים ל״ד:כ״טבערך תרכ״ד לפנה״ס

    וישלח המלך ויאסף את כל זקני יהודה וירושלם׃

  19. 2 דִּבְרֵי הַיָּמִים ל״ד:ל׳בערך תרכ״ד לפנה״ס

    ויעל המלך בית יהוה וכל איש יהודה וישבי ירושלם והכהנים והלוים וכל העם מגדול ועד קטן ויקרא באזניהם את כל דברי ספר הברית הנמצא בית יהוה׃

  20. 2 דִּבְרֵי הַיָּמִים ל״ד:ל״אבערך תרכ״ד לפנה״ס

    ויעמד המלך על עמדו ויכרת את הברית לפני יהוה ללכת אחרי יהוה ולשמור את מצותיו ועדותיו וחקיו בכל לבבו ובכל נפשו לעשות את דברי הברית הכתובים על הספר הזה׃

  21. 2 דִּבְרֵי הַיָּמִים ל״ד:ל״בבערך תרכ״ד לפנה״ס

    ויעמד את כל הנמצא בירושלם ובנימן ויעשו ישבי ירושלם כברית אלהים אלהי אבותיהם׃

  22. 2 דִּבְרֵי הַיָּמִים ל״ד:ל״גבערך תרכ״ד לפנה״ס

    ויסר יאשיהו את כל התועבות מכל הארצות אשר לבני ישראל ויעבד את כל הנמצא בישראל לעבוד את יהוה אלהיהם כל ימיו לא סרו מאחרי יהוה אלהי אבותיהם׃

  23. 2 דִּבְרֵי הַיָּמִים ל״ה:א׳

    ¶ ויעש יאשיהו בירושלם פסח ליהוה וישחטו הפסח בארבעה עשר לחדש הראשון׃

  24. 2 דִּבְרֵי הַיָּמִים ל״ה:ב׳

    ויעמד הכהנים על משמרותם ויחזקם לעבודת בית יהוה׃

  25. 2 דִּבְרֵי הַיָּמִים ל״ה:ג׳

    ויאמר ללוים המבונים לכל ישראל הקדושים ליהוה תנו את ארון הקדש בבית אשר בנה שלמה בן דויד מלך ישראל אין לכם משא בכתף עתה עבדו את יהוה אלהיכם ואת עמו ישראל׃