circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

2 דִּבְרֵי הַיָּמִים ל״ג:י״בבערך תרע״ז לפנה״ס
וכהצר לו חלה את פני יהוה אלהיו ויכנע מאד מלפני אלהי אבתיו׃
2 דִּבְרֵי הַיָּמִים ל״ג:י״גבערך תרע״ז לפנה״ס
ויתפלל אליו ויעתר לו וישמע תחנתו וישיבהו ירושלם למלכותו וידע מנשה כי יהוה הוא האלהים׃
2 דִּבְרֵי הַיָּמִים ל״ג:י״דבערך תרע״ז לפנה״ס
ואחרי כן בנה חומה חיצונה לעיר דויד מערבה לגיחון בנחל ולבוא בשער הדגים וסבב לעפל ויגביהה מאד וישם שרי חיל בכל הערים הבצרות ביהודה׃
2 דִּבְרֵי הַיָּמִים ל״ג:ט״ובערך תרע״ז לפנה״ס
ויסר את אלהי הנכר ואת הסמל מבית יהוה וכל המזבחות אשר בנה בהר בית יהוה ובירושלם וישלך חוצה לעיר׃
2 דִּבְרֵי הַיָּמִים ל״ג:ט״זבערך תרע״ז לפנה״ס
ויכן את מזבח יהוה ויזבח עליו זבחי שלמים ותודה ויאמר ליהודה לעבוד את יהוה אלהי ישראל׃
2 דִּבְרֵי הַיָּמִים ל״ג:י״זבערך תרע״ז לפנה״ס
אבל עוד העם זבחים בבמות רק ליהוה אלהיהם׃
2 דִּבְרֵי הַיָּמִים ל״ג:י״חבערך תרצ״ח לפנה״ס
ויתר דברי מנשה ותפלתו אל אלהיו ודברי החזים המדברים אליו בשם יהוה אלהי ישראל הנם על דברי מלכי ישראל׃
2 דִּבְרֵי הַיָּמִים ל״ג:י״טבערך תרצ״ח לפנה״ס
ותפלתו והעתר לו וכל חטאתו ומעלו והמקמות אשר בנה בהם במות והעמיד האשרים והפסלים לפני הכנעו הנם כתובים על דברי חוזי׃
2 דִּבְרֵי הַיָּמִים ל״ג:כ׳בערך תרצ״ח לפנה״ס
וישכב מנשה עם אבתיו ויקברהו ביתו וימלך אמון בנו תחתיו׃
2 דִּבְרֵי הַיָּמִים ל״ג:כ״אבערך תרמ״ג לפנה״ס
בן עשרים ושתים שנה אמון במלכו ושתים שנים מלך בירושלם׃
2 דִּבְרֵי הַיָּמִים ל״ג:כ״בבערך תרמ״ג לפנה״ס
ויעש הרע בעיני יהוה כאשר עשה מנשה אביו ולכל הפסילים אשר עשה מנשה אביו זבח אמון ויעבדם׃
2 דִּבְרֵי הַיָּמִים ל״ג:כ״גבערך תרמ״ג לפנה״ס
ולא נכנע מלפני יהוה כהכנע מנשה אביו כי הוא אמון הרבה אשמה׃
2 דִּבְרֵי הַיָּמִים ל״ג:כ״דבערך תרמ״א לפנה״ס
ויקשרו עליו עבדיו וימיתהו בביתו׃
2 דִּבְרֵי הַיָּמִים ל״ג:כ״הבערך תרמ״א לפנה״ס
ויכו עם הארץ את כל הקשרים על המלך אמון וימליכו עם הארץ את יאשיהו בנו תחתיו׃
2 דִּבְרֵי הַיָּמִים ל״ד:א׳בערך תרמ״א לפנה״ס
¶ בן שמונה שנים יאשיהו במלכו ושלשים ואחת שנה מלך בירושלם׃
2 דִּבְרֵי הַיָּמִים ל״ד:ב׳בערך תרמ״א לפנה״ס
ויעש הישר בעיני יהוה וילך בדרכי דויד אביו ולא סר ימין ושמאול׃
2 דִּבְרֵי הַיָּמִים ל״ד:ג׳בערך תרל״ד לפנה״ס
ובשמונה שנים למלכו והוא עודנו נער החל לדרוש לאלהי דויד אביו ובשתים עשרה שנה החל לטהר את יהודה וירושלם מן הבמות והאשרים והפסלים והמסכות׃
2 דִּבְרֵי הַיָּמִים ל״ד:ד׳בערך תרל״ד לפנה״ס
וינתצו לפניו את מזבחות הבעלים והחמנים אשר למעלה מעליהם גדע והאשרים והפסלים והמסכות שבר והדק ויזרק על פני הקברים הזבחים להם׃
2 דִּבְרֵי הַיָּמִים ל״ד:ה׳בערך תרל״ד לפנה״ס
ועצמות כהנים שרף על מזבחותים ויטהר את יהודה ואת ירושלם׃
2 דִּבְרֵי הַיָּמִים ל״ד:ו׳בערך תרל״ד לפנה״ס
ובערי מנשה ואפרים ושמעון ועד נפתלי בהר בתיהם סביב׃
2 דִּבְרֵי הַיָּמִים ל״ד:ז׳בערך תרל״ד לפנה״ס
וינתץ את המזבחות ואת האשרים והפסלים כתת להדק וכל החמנים גדע בכל ארץ ישראל וישב לירושלם׃
2 דִּבְרֵי הַיָּמִים ל״ד:ח׳בערך תרכ״ד לפנה״ס
ובשנת שמונה עשרה למלכו לטהר הארץ והבית שלח את שפן בן אצליהו ואת מעשיהו שר העיר ואת יואח בן יואחז המזכיר לחזק את בית יהוה אלהיו׃
2 דִּבְרֵי הַיָּמִים ל״ד:ט׳בערך תרכ״ד לפנה״ס
ויבאו אל חלקיהו הכהן הגדול ויתנו את הכסף המובא בית אלהים אשר אספו הלוים שמרי הסף מיד מנשה ואפרים ומכל שארית ישראל ומכל יהודה ובנימן וישבי ירושלם׃
2 דִּבְרֵי הַיָּמִים ל״ד:י׳בערך תרכ״ד לפנה״ס
ויתנו על יד עשה המלאכה המפקדים בבית יהוה ויתנו אתו עושי המלאכה אשר עשים בבית יהוה לבדוק ולחזק הבית׃
2 דִּבְרֵי הַיָּמִים ל״ד:י״אבערך תרכ״ד לפנה״ס
ויתנו לחרשים ולבנים לקנות אבני מחצב ועצים למחברות ולקרות את הבתים אשר השחיתו מלכי יהודה׃

מציג 1,626–1,650 מתוך 1,722 פסוקים

הקודם 1...64 65 66 67 68 69 הבא