circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 דִּבְרֵי הַיָּמִים ל״א:ט״זבערך תשכ״ו לפנה״ס

    מלבד התיחשם לזכרים מבן שלוש שנים ולמעלה לכל הבא לבית יהוה לדבר יום ביומו לעבודתם במשמרותם כמחלקותיהם׃

  2. 2 דִּבְרֵי הַיָּמִים ל״א:י״זבערך תשכ״ו לפנה״ס

    ואת התיחש הכהנים לבית אבותיהם והלוים מבן עשרים שנה ולמעלה במשמרותיהם במחלקותיהם׃

  3. 2 דִּבְרֵי הַיָּמִים ל״א:י״חבערך תשכ״ו לפנה״ס

    ולהתיחש בכל טפם נשיהם ובניהם ובנותיהם לכל קהל כי באמונתם יתקדשו קדש׃

  4. 2 דִּבְרֵי הַיָּמִים ל״א:י״טבערך תשכ״ו לפנה״ס

    ולבני אהרן הכהנים בשדי מגרש עריהם בכל עיר ועיר אנשים אשר נקבו בשמות לתת מנות לכל זכר בכהנים ולכל התיחש בלוים׃

  5. 2 דִּבְרֵי הַיָּמִים ל״א:כ׳בערך תשכ״ו לפנה״ס

    ויעש כזאת יחזקיהו בכל יהודה ויעש הטוב והישר והאמת לפני יהוה אלהיו׃

  6. 2 דִּבְרֵי הַיָּמִים ל״א:כ״אבערך תשכ״ו לפנה״ס

    ובכל מעשה אשר החל בעבודת בית האלהים ובתורה ובמצוה לדרש לאלהיו בכל לבבו עשה והצליח׃

  7. 2 דִּבְרֵי הַיָּמִים ל״ב:א׳

    ¶ אחרי הדברים והאמת האלה בא סנחריב מלך אשור ויבא ביהודה ויחן על הערים הבצרות ויאמר לבקעם אליו׃

  8. 2 דִּבְרֵי הַיָּמִים ל״ב:ב׳

    וירא יחזקיהו כי בא סנחריב ופניו למלחמה על ירושלם׃

  9. 2 דִּבְרֵי הַיָּמִים ל״ב:ג׳

    ויועץ עם שריו וגבריו לסתום את מימי העינות אשר מחוץ לעיר ויעזרוהו׃

  10. 2 דִּבְרֵי הַיָּמִים ל״ב:ד׳

    ויקבצו עם רב ויסתמו את כל המעינות ואת הנחל השוטף בתוך הארץ לאמר למה יבואו מלכי אשור ומצאו מים רבים׃

  11. 2 דִּבְרֵי הַיָּמִים ל״ב:ה׳

    ויתחזק ויבן את כל החומה הפרוצה ויעל על המגדלות ולחוצה החומה אחרת ויחזק את המלוא עיר דויד ויעש שלח לרב ומגנים׃

  12. 2 דִּבְרֵי הַיָּמִים ל״ב:ו׳

    ויתן שרי מלחמות על העם ויקבצם אליו אל רחוב שער העיר וידבר על לבבם לאמר׃

  13. 2 דִּבְרֵי הַיָּמִים ל״ב:ז׳

    חזקו ואמצו אל תיראו ואל תחתו מפני מלך אשור ומלפני כל ההמון אשר עמו כי עמנו רב מעמו׃

  14. 2 דִּבְרֵי הַיָּמִים ל״ב:ח׳

    עמו זרוע בשר ועמנו יהוה אלהינו לעזרנו ולהלחם מלחמתנו ויסמכו העם על דברי יחזקיהו מלך יהודה׃

  15. 2 דִּבְרֵי הַיָּמִים ל״ב:ט׳בערך תש״י לפנה״ס

    אחר זה שלח סנחריב מלך אשור עבדיו ירושלימה והוא על לכיש וכל ממשלתו עמו על יחזקיהו מלך יהודה ועל כל יהודה אשר בירושלם לאמר׃

  16. 2 דִּבְרֵי הַיָּמִים ל״ב:י׳בערך תש״י לפנה״ס

    כה אמר סנחריב מלך אשור על מה אתם בטחים וישבים במצור בירושלם׃

  17. 2 דִּבְרֵי הַיָּמִים ל״ב:י״אבערך תש״י לפנה״ס

    הלא יחזקיהו מסית אתכם לתת אתכם למות ברעב ובצמא לאמר יהוה אלהינו יצילנו מכף מלך אשור׃

  18. 2 דִּבְרֵי הַיָּמִים ל״ב:י״בבערך תש״י לפנה״ס

    הלא הוא יחזקיהו הסיר את במתיו ואת מזבחתיו ויאמר ליהודה ולירושלם לאמר לפני מזבח אחד תשתחוו ועליו תקטירו׃

  19. 2 דִּבְרֵי הַיָּמִים ל״ב:י״גבערך תש״י לפנה״ס

    הלא תדעו מה עשיתי אני ואבותי לכל עמי הארצות היכול יכלו אלהי גוי הארצות להציל את ארצם מידי׃

  20. 2 דִּבְרֵי הַיָּמִים ל״ב:י״דבערך תש״י לפנה״ס

    מי בכל אלהי הגוים האלה אשר החרימו אבותי אשר יכול להציל את עמו מידי כי יוכל אלהיכם להציל אתכם מידי׃

  21. 2 דִּבְרֵי הַיָּמִים ל״ב:ט״ובערך תש״י לפנה״ס

    ועתה אל ישיא אתכם חזקיהו ואל יסית אתכם כזאת ואל תאמינו לו כי לא יוכל כל אלוה כל גוי וממלכה להציל עמו מידי ומיד אבותי אף כי אלהיכם לא יצילו אתכם מידי׃

  22. 2 דִּבְרֵי הַיָּמִים ל״ב:ט״זבערך תש״י לפנה״ס

    ועוד דברו עבדיו על יהוה האלהים ועל יחזקיהו עבדו׃

  23. 2 דִּבְרֵי הַיָּמִים ל״ב:י״זבערך תש״י לפנה״ס

    וספרים כתב לחרף ליהוה אלהי ישראל ולאמר עליו לאמר כאלהי גוי הארצות אשר לא הצילו עמם מידי כן לא יציל אלהי יחזקיהו עמו מידי׃

  24. 2 דִּבְרֵי הַיָּמִים ל״ב:י״חבערך תש״י לפנה״ס

    ויקראו בקול גדול יהודית על עם ירושלם אשר על החומה ליראם ולבהלם למען ילכדו את העיר׃

  25. 2 דִּבְרֵי הַיָּמִים ל״ב:י״טבערך תש״י לפנה״ס

    וידברו אל אלהי ירושלם כעל אלהי עמי הארץ מעשה ידי האדם׃