circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 דִּבְרֵי הַיָּמִים ל״ב:כ׳בערך תש״י לפנה״ס

    ויתפלל יחזקיהו המלך וישעיהו בן אמוץ הנביא על זאת ויזעקו השמים׃

  2. 2 דִּבְרֵי הַיָּמִים ל״ב:כ״אבערך תש״י לפנה״ס

    וישלח יהוה מלאך ויכחד כל גבור חיל ונגיד ושר במחנה מלך אשור וישב בבשת פנים לארצו ויבא בית אלהיו ומיציאו מעיו שם הפילהו בחרב׃

  3. 2 דִּבְרֵי הַיָּמִים ל״ב:כ״בבערך תש״י לפנה״ס

    ויושע יהוה את יחזקיהו ואת ישבי ירושלם מיד סנחריב מלך אשור ומיד כל וינהלם מסביב׃

  4. 2 דִּבְרֵי הַיָּמִים ל״ב:כ״גבערך תש״י לפנה״ס

    ורבים מביאים מנחה ליהוה לירושלם ומגדנות ליחזקיהו מלך יהודה וינשא לעיני כל הגוים מאחרי כן׃

  5. 2 דִּבְרֵי הַיָּמִים ל״ב:כ״דבערך תש״י לפנה״ס

    בימים ההם חלה יחזקיהו עד למות ויתפלל אל יהוה ויאמר לו ומופת נתן לו׃

  6. 2 דִּבְרֵי הַיָּמִים ל״ב:כ״הבערך תש״י לפנה״ס

    ולא כגמל עליו השיב יחזקיהו כי גבה לבו ויהי עליו קצף ועל יהודה וירושלם׃

  7. 2 דִּבְרֵי הַיָּמִים ל״ב:כ״ובערך תש״י לפנה״ס

    ויכנע יחזקיהו בגבה לבו הוא וישבי ירושלם ולא בא עליהם קצף יהוה בימי יחזקיהו׃

  8. 2 דִּבְרֵי הַיָּמִים ל״ב:כ״זבערך תשכ״ו לפנה״ס

    ויהי ליחזקיהו עשר וכבוד הרבה מאד ואצרות עשה לו לכסף ולזהב ולאבן יקרה ולבשמים ולמגנים ולכל כלי חמדה׃

  9. 2 דִּבְרֵי הַיָּמִים ל״ב:כ״חבערך תשכ״ו לפנה״ס

    ומסכנות לתבואת דגן ותירוש ויצהר וארות לכל בהמה ובהמה ועדרים לאורות׃

  10. 2 דִּבְרֵי הַיָּמִים ל״ב:כ״טבערך תשכ״ו לפנה״ס

    וערים עשה לו ומקנה צאן ובקר לרב כי נתן לו אלהים רכוש רב מאד׃

  11. 2 דִּבְרֵי הַיָּמִים ל״ב:ל׳בערך תשכ״ו לפנה״ס

    והוא יחזקיהו סתם את מוצא מימי גיחון העליון ויישרם למטה מערבה לעיר דויד ויצלח יחזקיהו בכל מעשהו׃

  12. 2 דִּבְרֵי הַיָּמִים ל״ב:ל״אבערך תשי״ב לפנה״ס

    וכן במליצי שרי בבל המשלחים עליו לדרש המופת אשר היה בארץ עזבו האלהים לנסותו לדעת כל בלבבו׃

  13. 2 דִּבְרֵי הַיָּמִים ל״ב:ל״בבערך תשכ״ו לפנה״ס

    ויתר דברי יחזקיהו וחסדיו הנם כתובים בחזון ישעיהו בן אמוץ הנביא על ספר מלכי יהודה וישראל׃

  14. 2 דִּבְרֵי הַיָּמִים ל״ב:ל״גבערך תשכ״ו לפנה״ס

    וישכב יחזקיהו עם אבתיו ויקברהו במעלה קברי בני דויד וכבוד עשו לו במותו כל יהודה וישבי ירושלם וימלך מנשה בנו תחתיו׃

  15. 2 דִּבְרֵי הַיָּמִים ל״ג:א׳בערך תרצ״ג לפנה״ס

    ¶ בן שתים עשרה שנה מנשה במלכו וחמשים וחמש שנה מלך בירושלם׃

  16. 2 דִּבְרֵי הַיָּמִים ל״ג:ב׳בערך תרצ״ג לפנה״ס

    ויעש הרע בעיני יהוה כתועבות הגוים אשר הוריש יהוה מפני בני ישראל׃

  17. 2 דִּבְרֵי הַיָּמִים ל״ג:ג׳בערך תרצ״ג לפנה״ס

    וישב ויבן את הבמות אשר נתץ יחזקיהו אביו ויקם מזבחות לבעלים ויעש אשרות וישתחו לכל צבא השמים ויעבד אתם׃

  18. 2 דִּבְרֵי הַיָּמִים ל״ג:ד׳בערך תרצ״ג לפנה״ס

    ובנה מזבחות בבית יהוה אשר אמר יהוה בירושלם יהיה שמי לעולם׃

  19. 2 דִּבְרֵי הַיָּמִים ל״ג:ה׳בערך תרצ״ג לפנה״ס

    ויבן מזבחות לכל צבא השמים בשתי חצרות בית יהוה׃

  20. 2 דִּבְרֵי הַיָּמִים ל״ג:ו׳בערך תרצ״ג לפנה״ס

    והוא העביר את בניו באש בגי בן הנם ועונן ונחש וכשף ועשה אוב וידעוני הרבה לעשות הרע בעיני יהוה להכעיסו׃

  21. 2 דִּבְרֵי הַיָּמִים ל״ג:ז׳בערך תרצ״ג לפנה״ס

    וישם את פסל הסמל אשר עשה בבית האלהים אשר אמר אלהים אל דויד ואל שלמה בנו בבית הזה ובירושלם אשר בחרתי מכל שבטי ישראל אשים את שמי לעילום׃

  22. 2 דִּבְרֵי הַיָּמִים ל״ג:ח׳בערך תרצ״ג לפנה״ס

    ולא אוסיף להסיר את רגל ישראל מעל האדמה אשר העמדתי לאבתיכם רק אם ישמרו לעשות את כל אשר צויתים לכל התורה והחקים והמשפטים ביד משה׃

  23. 2 דִּבְרֵי הַיָּמִים ל״ג:ט׳בערך תרצ״ג לפנה״ס

    ויתע מנשה את יהודה וישבי ירושלם לעשות רע מן הגוים אשר השמיד יהוה מפני בני ישראל׃

  24. 2 דִּבְרֵי הַיָּמִים ל״ג:י׳בערך תרצ״ג לפנה״ס

    וידבר יהוה אל מנשה ואל עמו ולא הקשיבו׃

  25. 2 דִּבְרֵי הַיָּמִים ל״ג:י״אבערך תרע״ז לפנה״ס

    ויבא יהוה עליהם את שרי הצבא אשר למלך אשור וילכדו את מנשה בחחים ויאסרהו בנחשתים ויוליכהו בבלה׃