circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 דִּבְרֵי הַיָּמִים ל׳:י״חבערך תשכ״ו לפנה״ס

    כי מרבית העם רבת מאפרים ומנשה יששכר וזבלון לא הטהרו כי אכלו את הפסח בלא ככתוב כי התפלל יחזקיהו עליהם לאמר יהוה הטוב יכפר בעד׃

  2. 2 דִּבְרֵי הַיָּמִים ל׳:י״טבערך תשכ״ו לפנה״ס

    כל לבבו הכין לדרוש האלהים יהוה אלהי אבותיו ולא כטהרת הקדש׃

  3. 2 דִּבְרֵי הַיָּמִים ל׳:כ׳בערך תשכ״ו לפנה״ס

    וישמע יהוה אל יחזקיהו וירפא את העם׃

  4. 2 דִּבְרֵי הַיָּמִים ל׳:כ״אבערך תשכ״ו לפנה״ס

    ויעשו בני ישראל הנמצאים בירושלם את חג המצות שבעת ימים בשמחה גדולה ומהללים ליהוה יום ביום הלוים והכהנים בכלי עז ליהוה׃

  5. 2 דִּבְרֵי הַיָּמִים ל׳:כ״בבערך תשכ״ו לפנה״ס

    וידבר יחזקיהו על לב כל הלוים המשכילים שכל טוב ליהוה ויאכלו את המועד שבעת הימים מזבחים זבחי שלמים ומתודים ליהוה אלהי אבותיהם׃

  6. 2 דִּבְרֵי הַיָּמִים ל׳:כ״גבערך תשכ״ו לפנה״ס

    ויועצו כל הקהל לעשות שבעת ימים אחרים ויעשו שבעת ימים שמחה׃

  7. 2 דִּבְרֵי הַיָּמִים ל׳:כ״דבערך תשכ״ו לפנה״ס

    כי חזקיהו מלך יהודה הרים לקהל אלף פרים ושבעת אלפים צאן והשרים הרימו לקהל פרים אלף וצאן עשרת אלפים ויתקדשו כהנים לרב׃

  8. 2 דִּבְרֵי הַיָּמִים ל׳:כ״הבערך תשכ״ו לפנה״ס

    וישמחו כל קהל יהודה והכהנים והלוים וכל הקהל הבאים מישראל והגרים הבאים מארץ ישראל והיושבים ביהודה׃

  9. 2 דִּבְרֵי הַיָּמִים ל׳:כ״ובערך תשכ״ו לפנה״ס

    ותהי שמחה גדולה בירושלם כי מימי שלמה בן דויד מלך ישראל לא כזאת בירושלם׃

  10. 2 דִּבְרֵי הַיָּמִים ל׳:כ״זבערך תשכ״ו לפנה״ס

    ויקמו הכהנים הלוים ויברכו את העם וישמע בקולם ותבוא תפלתם למעון קדשו לשמים׃

  11. 2 דִּבְרֵי הַיָּמִים ל״א:א׳בערך תשכ״ו לפנה״ס

    ¶ וככלות כל זאת יצאו כל ישראל הנמצאים לערי יהודה וישברו המצבות ויגדעו האשרים וינתצו את הבמות ואת המזבחת מכל יהודה ובנימן ובאפרים ומנשה עד לכלה וישובו כל בני ישראל איש לאחזתו לעריהם׃

  12. 2 דִּבְרֵי הַיָּמִים ל״א:ב׳בערך תשכ״ו לפנה״ס

    ויעמד יחזקיהו את מחלקות הכהנים והלוים על מחלקותם איש כפי עבדתו לכהנים וללוים לעלה ולשלמים לשרת ולהדות ולהלל בשערי מחנות יהוה׃

  13. 2 דִּבְרֵי הַיָּמִים ל״א:ג׳בערך תשכ״ו לפנה״ס

    ומנת המלך מן רכושו לעלות לעלות הבקר והערב והעלות לשבתות ולחדשים ולמעדים ככתוב בתורת יהוה׃

  14. 2 דִּבְרֵי הַיָּמִים ל״א:ד׳בערך תשכ״ו לפנה״ס

    ויאמר לעם ליושבי ירושלם לתת מנת הכהנים והלוים למען יחזקו בתורת יהוה׃

  15. 2 דִּבְרֵי הַיָּמִים ל״א:ה׳בערך תשכ״ו לפנה״ס

    וכפרץ הדבר הרבו בני ישראל ראשית דגן תירוש ויצהר ודבש וכל תבואת שדה ומעשר הכל לרב הביאו׃

  16. 2 דִּבְרֵי הַיָּמִים ל״א:ו׳בערך תשכ״ו לפנה״ס

    ובני ישראל ויהודה היושבים בערי יהודה גם הם מעשר בקר וצאן ומעשר קדשים המקדשים ליהוה אלהיהם הביאו ויתנו ערמות ערמות׃

  17. 2 דִּבְרֵי הַיָּמִים ל״א:ז׳בערך תשכ״ו לפנה״ס

    בחדש השלשי החלו הערמות ליסוד ובחדש השביעי כלו׃

  18. 2 דִּבְרֵי הַיָּמִים ל״א:ח׳בערך תשכ״ו לפנה״ס

    ויבאו יחזקיהו והשרים ויראו את הערמות ויברכו את יהוה ואת עמו ישראל׃

  19. 2 דִּבְרֵי הַיָּמִים ל״א:ט׳בערך תשכ״ו לפנה״ס

    וידרש יחזקיהו על הכהנים והלוים על הערמות׃

  20. 2 דִּבְרֵי הַיָּמִים ל״א:י׳בערך תשכ״ו לפנה״ס

    ויאמר אליו עזריהו הכהן הראש לבית צדוק ויאמר מהחל התרומה לביא בית יהוה אכול ושבוע והותר עד לרוב כי יהוה ברך את עמו והנותר את ההמון הזה׃

  21. 2 דִּבְרֵי הַיָּמִים ל״א:י״אבערך תשכ״ו לפנה״ס

    ויאמר יחזקיהו להכין לשכות בבית יהוה ויכינו׃

  22. 2 דִּבְרֵי הַיָּמִים ל״א:י״בבערך תשכ״ו לפנה״ס

    ויביאו את התרומה והמעשר והקדשים באמונה ועליהם נגיד כונניהו הלוי ושמעי אחיהו משנה׃

  23. 2 דִּבְרֵי הַיָּמִים ל״א:י״גבערך תשכ״ו לפנה״ס

    ויחיאל ועזזיהו ונחת ועשהאל וירימות ויוזבד ואליאל ויסמכיהו ומחת ובניהו פקידים מיד כונניהו ושמעי אחיו במפקד יחזקיהו המלך ועזריהו נגיד בית האלהים׃

  24. 2 דִּבְרֵי הַיָּמִים ל״א:י״דבערך תשכ״ו לפנה״ס

    וקורא בן ימנה הלוי השוער למזרחה על נדבות האלהים לתת תרומת יהוה וקדשי הקדשים׃

  25. 2 דִּבְרֵי הַיָּמִים ל״א:ט״ובערך תשכ״ו לפנה״ס

    ועל ידו עדן ומנימן וישוע ושמעיהו אמריהו ושכניהו בערי הכהנים באמונה לתת לאחיהם במחלקות כגדול כקטן׃