circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 מְלָכִים י״ד:ט׳

    ותרע לעשות מכל אשר היו לפניך ותלך ותעשה לך אלהים אחרים ומסכות להכעיסני ואתי השלכת אחרי גוך׃

  2. 1 מְלָכִים י״ד:י׳

    לכן הנני מביא רעה אל בית ירבעם והכרתי לירבעם משתין בקיר עצור ועזוב בישראל ובערתי אחרי בית ירבעם כאשר יבער הגלל עד תמו׃

  3. 1 מְלָכִים י״ד:י״א

    המת לירבעם בעיר יאכלו הכלבים והמת בשדה יאכלו עוף השמים כי יהוה דבר׃

  4. 1 מְלָכִים י״ד:י״ב

    ואת קומי לכי לביתך בבאה רגליך העירה ומת הילד׃

  5. 1 מְלָכִים י״ד:י״ג

    וספדו לו כל ישראל וקברו אתו כי זה לבדו יבא לירבעם אל קבר יען נמצא בו דבר טוב אל יהוה אלהי ישראל בבית ירבעם׃

  6. 1 מְלָכִים י״ד:י״ד

    והקים יהוה לו מלך על ישראל אשר יכרית את בית ירבעם זה היום ומה גם עתה׃

  7. 1 מְלָכִים י״ד:ט״ו

    והכה יהוה את ישראל כאשר ינוד הקנה במים ונתש את ישראל מעל האדמה הטובה הזאת אשר נתן לאבותיהם וזרם מעבר לנהר יען אשר עשו את אשריהם מכעיסים את יהוה׃

  8. 1 מְלָכִים י״ד:ט״ז

    ויתן את ישראל בגלל חטאות ירבעם אשר חטא ואשר החטיא את ישראל׃

  9. 1 מְלָכִים י״ד:י״ז

    ותקם אשת ירבעם ותלך ותבא תרצתה היא באה בסף הבית והנער מת׃

  10. 1 מְלָכִים י״ד:י״ח

    ויקברו אתו ויספדו לו כל ישראל כדבר יהוה אשר דבר ביד עבדו אחיהו הנביא׃

  11. 1 מְלָכִים י״ד:י״טבערך תע״ה לפנה״ס

    ויתר דברי ירבעם אשר נלחם ואשר מלך הנם כתובים על ספר דברי הימים למלכי ישראל׃

  12. 1 מְלָכִים י״ד:כ׳בערך תע״ה לפנה״ס

    והימים אשר מלך ירבעם עשרים ושתים שנה וישכב עם אבתיו וימלך נדב בנו תחתיו׃

  13. 1 מְלָכִים י״ד:כ״אבערך תע״ה לפנה״ס

    ורחבעם בן שלמה מלך ביהודה בן ארבעים ואחת שנה רחבעם במלכו ושבע עשרה שנה מלך בירושלם העיר אשר בחר יהוה לשום את שמו שם מכל שבטי ישראל ושם אמו נעמה העמנית׃

  14. 1 מְלָכִים י״ד:כ״בבערך תע״ה לפנה״ס

    ויעש יהודה הרע בעיני יהוה ויקנאו אתו מכל אשר עשו אבתם בחטאתם אשר חטאו׃

  15. 1 מְלָכִים י״ד:כ״גבערך תע״ה לפנה״ס

    ויבנו גם המה להם במות ומצבות ואשרים על כל גבעה גבהה ותחת כל עץ רענן׃

  16. 1 מְלָכִים י״ד:כ״דבערך תע״ה לפנה״ס

    וגם קדש היה בארץ עשו ככל התועבת הגוים אשר הוריש יהוה מפני בני ישראל׃

  17. 1 מְלָכִים י״ד:כ״הבערך ת״ע לפנה״ס

    ויהי בשנה החמישית למלך רחבעם עלה שושק מלך מצרים על ירושלם׃

  18. 1 מְלָכִים י״ד:כ״ובערך ת״ע לפנה״ס

    ויקח את אצרות בית יהוה ואת אוצרות בית המלך ואת הכל לקח ויקח את כל מגני הזהב אשר עשה שלמה׃

  19. 1 מְלָכִים י״ד:כ״זבערך ת״ע לפנה״ס

    ויעש המלך רחבעם תחתם מגני נחשת והפקיד על יד שרי הרצים השמרים פתח בית המלך׃

  20. 1 מְלָכִים י״ד:כ״חבערך ת״ע לפנה״ס

    ויהי מדי בא המלך בית יהוה ישאום הרצים והשיבום אל תא הרצים׃

  21. 1 מְלָכִים י״ד:כ״טבערך תע״ה לפנה״ס

    ויתר דברי רחבעם וכל אשר עשה הלא המה כתובים על ספר דברי הימים למלכי יהודה׃

  22. 1 מְלָכִים י״ד:ל׳בערך תע״ה לפנה״ס

    ומלחמה היתה בין רחבעם ובין ירבעם כל הימים׃

  23. 1 מְלָכִים י״ד:ל״אבערך תנ״ח לפנה״ס

    וישכב רחבעם עם אבתיו ויקבר עם אבתיו בעיר דוד ושם אמו נעמה העמנית וימלך אבים בנו תחתיו׃

  24. 1 מְלָכִים ט״ו:א׳

    ¶ ובשנת שמנה עשרה למלך ירבעם בן נבט מלך אבים על יהודה׃

  25. 1 מְלָכִים ט״ו:ב׳

    שלש שנים מלך בירושלם ושם אמו מעכה בת אבישלום׃