circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 מְלָכִים ט״ז:י״טבערך תכ״ט לפנה״ס

    על חטאתיו אשר חטא לעשות הרע בעיני יהוה ללכת בדרך ירבעם ובחטאתו אשר עשה להחטיא את ישראל׃

  2. 1 מְלָכִים ט״ז:כ׳בערך תכ״ט לפנה״ס

    ויתר דברי זמרי וקשרו אשר קשר הלא הם כתובים על ספר דברי הימים למלכי ישראל׃

  3. 1 מְלָכִים ט״ז:כ״אבערך תכ״ט לפנה״ס

    אז יחלק העם ישראל לחצי חצי העם היה אחרי תבני בן גינת להמליכו והחצי אחרי עמרי׃

  4. 1 מְלָכִים ט״ז:כ״בבערך תכ״ט לפנה״ס

    ויחזק העם אשר אחרי עמרי את העם אשר אחרי תבני בן גינת וימת תבני וימלך עמרי׃

  5. 1 מְלָכִים ט״ז:כ״גבערך תכ״ה לפנה״ס

    בשנת שלשים ואחת שנה לאסא מלך יהודה מלך עמרי על ישראל שתים עשרה שנה בתרצה מלך שש שנים׃

  6. 1 מְלָכִים ט״ז:כ״דבערך תכ״ה לפנה״ס

    ויקן את ההר שמרון מאת שמר בככרים כסף ויבן את ההר ויקרא את שם העיר אשר בנה על שם שמר אדני ההר שמרון׃

  7. 1 מְלָכִים ט״ז:כ״הבערך תכ״ה לפנה״ס

    ויעשה עמרי הרע בעיני יהוה וירע מכל אשר לפניו׃

  8. 1 מְלָכִים ט״ז:כ״ובערך תכ״ה לפנה״ס

    וילך בכל דרך ירבעם בן נבט ובחטאתיו אשר החטיא את ישראל להכעיס את יהוה אלהי ישראל בהבליהם׃

  9. 1 מְלָכִים ט״ז:כ״זבערך תכ״ה לפנה״ס

    ויתר דברי עמרי אשר עשה וגבורתו אשר עשה הלא הם כתובים על ספר דברי הימים למלכי ישראל׃

  10. 1 מְלָכִים ט״ז:כ״חבערך תכ״ה לפנה״ס

    וישכב עמרי עם אבתיו ויקבר בשמרון וימלך אחאב בנו תחתיו׃

  11. 1 מְלָכִים ט״ז:כ״טבערך תי״ח לפנה״ס

    ואחאב בן עמרי מלך על ישראל בשנת שלשים ושמנה שנה לאסא מלך יהודה וימלך אחאב בן עמרי על ישראל בשמרון עשרים ושתים שנה׃

  12. 1 מְלָכִים ט״ז:ל׳בערך תי״ח לפנה״ס

    ויעש אחאב בן עמרי הרע בעיני יהוה מכל אשר לפניו׃

  13. 1 מְלָכִים ט״ז:ל״אבערך תי״ח לפנה״ס

    ויהי הנקל לכתו בחטאות ירבעם בן נבט ויקח אשה את איזבל בת אתבעל מלך צידנים וילך ויעבד את הבעל וישתחו לו׃

  14. 1 מְלָכִים ט״ז:ל״בבערך תי״ח לפנה״ס

    ויקם מזבח לבעל בית הבעל אשר בנה בשמרון׃

  15. 1 מְלָכִים ט״ז:ל״גבערך תי״ח לפנה״ס

    ויעש אחאב את האשרה ויוסף אחאב לעשות להכעיס את יהוה אלהי ישראל מכל מלכי ישראל אשר היו לפניו׃

  16. 1 מְלָכִים ט״ז:ל״דבערך תי״ח לפנה״ס

    בימיו בנה חיאל בית האלי את יריחה באבירם בכרו יסדה ובשגיב צעירו הציב דלתיה כדבר יהוה אשר דבר ביד יהושע בן נון׃

  17. 1 מְלָכִים י״ז:א׳בערך ת״י לפנה״ס

    ¶ ויאמר אליהו התשבי מתשבי גלעד אל אחאב חי יהוה אלהי ישראל אשר עמדתי לפניו אם יהיה השנים האלה טל ומטר כי אם לפי דברי׃

  18. 1 מְלָכִים י״ז:ב׳בערך ת״י לפנה״ס

    ויהי דבר יהוה אליו לאמר׃

  19. 1 מְלָכִים י״ז:ג׳בערך ת״י לפנה״ס

    לך מזה ופנית לך קדמה ונסתרת בנחל כרית אשר על פני הירדן׃

  20. 1 מְלָכִים י״ז:ד׳בערך ת״י לפנה״ס

    והיה מהנחל תשתה ואת הערבים צויתי לכלכלך שם׃

  21. 1 מְלָכִים י״ז:ה׳בערך ת״י לפנה״ס

    וילך ויעש כדבר יהוה וילך וישב בנחל כרית אשר על פני הירדן׃

  22. 1 מְלָכִים י״ז:ו׳בערך ת״י לפנה״ס

    והערבים מביאים לו לחם ובשר בבקר ולחם ובשר בערב ומן הנחל ישתה׃

  23. 1 מְלָכִים י״ז:ז׳בערך ת״ט לפנה״ס

    ויהי מקץ ימים וייבש הנחל כי לא היה גשם בארץ׃

  24. 1 מְלָכִים י״ז:ח׳בערך ת״ט לפנה״ס

    ויהי דבר יהוה אליו לאמר׃

  25. 1 מְלָכִים י״ז:ט׳בערך ת״ט לפנה״ס

    קום לך צרפתה אשר לצידון וישבת שם הנה צויתי שם אשה אלמנה לכלכלך׃