circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 מְלָכִים י״ח:י״אבערך ת״ו לפנה״ס

    ועתה אתה אמר לך אמר לאדניך הנה אליהו׃

  2. 1 מְלָכִים י״ח:י״בבערך ת״ו לפנה״ס

    והיה אני אלך מאתך ורוח יהוה ישאך על אשר לא אדע ובאתי להגיד לאחאב ולא ימצאך והרגני ועבדך ירא את יהוה מנערי׃

  3. 1 מְלָכִים י״ח:י״גבערך ת״ו לפנה״ס

    הלא הגד לאדני את אשר עשיתי בהרג איזבל את נביאי יהוה ואחבא מנביאי יהוה מאה איש חמשים חמשים איש במערה ואכלכלם לחם ומים׃

  4. 1 מְלָכִים י״ח:י״דבערך ת״ו לפנה״ס

    ועתה אתה אמר לך אמר לאדניך הנה אליהו והרגני׃

  5. 1 מְלָכִים י״ח:ט״ובערך ת״ו לפנה״ס

    ויאמר אליהו חי יהוה צבאות אשר עמדתי לפניו כי היום אראה אליו׃

  6. 1 מְלָכִים י״ח:ט״זבערך ת״ו לפנה״ס

    וילך עבדיהו לקראת אחאב ויגד לו וילך אחאב לקראת אליהו׃

  7. 1 מְלָכִים י״ח:י״זבערך ת״ו לפנה״ס

    ויהי כראות אחאב את אליהו ויאמר אחאב אליו האתה זה עכר ישראל׃

  8. 1 מְלָכִים י״ח:י״חבערך ת״ו לפנה״ס

    ויאמר לא עכרתי את ישראל כי אם אתה ובית אביך בעזבכם את מצות יהוה ותלך אחרי הבעלים׃

  9. 1 מְלָכִים י״ח:י״טבערך ת״ו לפנה״ס

    ועתה שלח קבץ אלי את כל ישראל אל הר הכרמל ואת נביאי הבעל ארבע מאות וחמשים ונביאי האשרה ארבע מאות אכלי שלחן איזבל׃

  10. 1 מְלָכִים י״ח:כ׳בערך ת״ו לפנה״ס

    וישלח אחאב בכל בני ישראל ויקבץ את הנביאים אל הר הכרמל׃

  11. 1 מְלָכִים י״ח:כ״אבערך ת״ו לפנה״ס

    ויגש אליהו אל כל העם ויאמר עד מתי אתם פסחים על שתי הסעפים אם יהוה האלהים לכו אחריו ואם הבעל לכו אחריו ולא ענו העם אתו דבר׃

  12. 1 מְלָכִים י״ח:כ״בבערך ת״ו לפנה״ס

    ויאמר אליהו אל העם אני נותרתי נביא ליהוה לבדי ונביאי הבעל ארבע מאות וחמשים איש׃

  13. 1 מְלָכִים י״ח:כ״גבערך ת״ו לפנה״ס

    ויתנו לנו שנים פרים ויבחרו להם הפר האחד וינתחהו וישימו על העצים ואש לא ישימו ואני אעשה את הפר האחד ונתתי על העצים ואש לא אשים׃

  14. 1 מְלָכִים י״ח:כ״דבערך ת״ו לפנה״ס

    וקראתם בשם אלהיכם ואני אקרא בשם יהוה והיה האלהים אשר יענה באש הוא האלהים ויען כל העם ויאמרו טוב הדבר׃

  15. 1 מְלָכִים י״ח:כ״הבערך ת״ו לפנה״ס

    ויאמר אליהו לנביאי הבעל בחרו לכם הפר האחד ועשו ראשנה כי אתם הרבים וקראו בשם אלהיכם ואש לא תשימו׃

  16. 1 מְלָכִים י״ח:כ״ובערך ת״ו לפנה״ס

    ויקחו את הפר אשר נתן להם ויעשו ויקראו בשם הבעל מהבקר ועד הצהרים לאמר הבעל עננו ואין קול ואין ענה ויפסחו על המזבח אשר עשה׃

  17. 1 מְלָכִים י״ח:כ״זבערך ת״ו לפנה״ס

    ויהי בצהרים ויהתל בהם אליהו ויאמר קראו בקול גדול כי אלהים הוא כי שיח וכי שיג לו וכי דרך לו אולי ישן הוא ויקץ׃

  18. 1 מְלָכִים י״ח:כ״חבערך ת״ו לפנה״ס

    ויקראו בקול גדול ויתגדדו כמשפטם בחרבות וברמחים עד שפך דם עליהם׃

  19. 1 מְלָכִים י״ח:כ״טבערך ת״ו לפנה״ס

    ויהי כעבר הצהרים ויתנבאו עד לעלות המנחה ואין קול ואין ענה ואין קשב׃

  20. 1 מְלָכִים י״ח:ל׳בערך ת״ו לפנה״ס

    ויאמר אליהו לכל העם גשו אלי ויגשו כל העם אליו וירפא את מזבח יהוה ההרוס׃

  21. 1 מְלָכִים י״ח:ל״אבערך ת״ו לפנה״ס

    ויקח אליהו שתים עשרה אבנים כמספר שבטי בני יעקב אשר היה דבר יהוה אליו לאמר ישראל יהיה שמך׃

  22. 1 מְלָכִים י״ח:ל״בבערך ת״ו לפנה״ס

    ויבנה את האבנים מזבח בשם יהוה ויעש תעלה כבית סאתים זרע סביב למזבח׃

  23. 1 מְלָכִים י״ח:ל״גבערך ת״ו לפנה״ס

    ויערך את העצים וינתח את הפר וישם על העצים׃

  24. 1 מְלָכִים י״ח:ל״דבערך ת״ו לפנה״ס

    ויאמר מלאו ארבעה כדים מים ויצקו על העלה ועל העצים ויאמר שנו וישנו ויאמר שלשו וישלשו׃

  25. 1 מְלָכִים י״ח:ל״הבערך ת״ו לפנה״ס

    וילכו המים סביב למזבח וגם את התעלה מלא מים׃