circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 מְלָכִים י״ט:ט״ובערך ת״ו לפנה״ס

    ויאמר יהוה אליו לך שוב לדרכך מדברה דמשק ובאת ומשחת את חזאל למלך על ארם׃

  2. 1 מְלָכִים י״ט:ט״זבערך ת״ו לפנה״ס

    ואת יהוא בן נמשי תמשח למלך על ישראל ואת אלישע בן שפט מאבל מחולה תמשח לנביא תחתיך׃

  3. 1 מְלָכִים י״ט:י״זבערך ת״ו לפנה״ס

    והיה הנמלט מחרב חזאל ימית יהוא והנמלט מחרב יהוא ימית אלישע׃

  4. 1 מְלָכִים י״ט:י״חבערך ת״ו לפנה״ס

    והשארתי בישראל שבעת אלפים כל הברכים אשר לא כרעו לבעל וכל הפה אשר לא נשק לו׃

  5. 1 מְלָכִים י״ט:י״טבערך ת״ו לפנה״ס

    וילך משם וימצא את אלישע בן שפט והוא חרש שנים עשר צמדים לפניו והוא בשנים העשר ויעבר אליהו אליו וישלך אדרתו אליו׃

  6. 1 מְלָכִים י״ט:כ׳בערך ת״ו לפנה״ס

    ויעזב את הבקר וירץ אחרי אליהו ויאמר אשקה נא לאבי ולאמי ואלכה אחריך ויאמר לו לך שוב כי מה עשיתי לך׃

  7. 1 מְלָכִים י״ט:כ״אבערך ת״ו לפנה״ס

    וישב מאחריו ויקח את צמד הבקר ויזבחהו ובכלי הבקר בשלם הבשר ויתן לעם ויאכלו ויקם וילך אחרי אליהו וישרתהו׃

  8. 1 מְלָכִים כ׳:א׳בערך ת״א לפנה״ס

    ¶ ובן הדד מלך ארם קבץ את כל חילו ושלשים ושנים מלך אתו וסוס ורכב ויעל ויצר על שמרון וילחם בה׃

  9. 1 מְלָכִים כ׳:ב׳בערך ת״א לפנה״ס

    וישלח מלאכים אל אחאב מלך ישראל העירה׃

  10. 1 מְלָכִים כ׳:ג׳בערך ת״א לפנה״ס

    ויאמר לו כה אמר בן הדד כספך וזהבך לי הוא ונשיך ובניך הטובים לי הם׃

  11. 1 מְלָכִים כ׳:ד׳בערך ת״א לפנה״ס

    ויען מלך ישראל ויאמר כדברך אדני המלך לך אני וכל אשר לי׃

  12. 1 מְלָכִים כ׳:ה׳בערך ת״א לפנה״ס

    וישבו המלאכים ויאמרו כה אמר בן הדד לאמר כי שלחתי אליך לאמר כספך וזהבך ונשיך ובניך לי תתן׃

  13. 1 מְלָכִים כ׳:ו׳בערך ת״א לפנה״ס

    כי אם כעת מחר אשלח את עבדי אליך וחפשו את ביתך ואת בתי עבדיך והיה כל מחמד עיניך ישימו בידם ולקחו׃

  14. 1 מְלָכִים כ׳:ז׳בערך ת״א לפנה״ס

    ויקרא מלך ישראל לכל זקני הארץ ויאמר דעו נא וראו כי רעה זה מבקש כי שלח אלי לנשי ולבני ולכספי ולזהבי ולא מנעתי ממנו׃

  15. 1 מְלָכִים כ׳:ח׳בערך ת״א לפנה״ס

    ויאמרו אליו כל הזקנים וכל העם אל תשמע ולוא תאבה׃

  16. 1 מְלָכִים כ׳:ט׳בערך ת״א לפנה״ס

    ויאמר למלאכי בן הדד אמרו לאדני המלך כל אשר שלחת אל עבדך בראשנה אעשה והדבר הזה לא אוכל לעשות וילכו המלאכים וישבהו דבר׃

  17. 1 מְלָכִים כ׳:י׳בערך ת״א לפנה״ס

    וישלח אליו בן הדד ויאמר כה יעשון לי אלהים וכה יוספו אם ישפק עפר שמרון לשעלים לכל העם אשר ברגלי׃

  18. 1 מְלָכִים כ׳:י״אבערך ת״א לפנה״ס

    ויען מלך ישראל ויאמר דברו אל יתהלל חגר כמפתח׃

  19. 1 מְלָכִים כ׳:י״בבערך ת״א לפנה״ס

    ויהי כשמע את הדבר הזה והוא שתה הוא והמלכים בסכות ויאמר אל עבדיו שימו וישימו על העיר׃

  20. 1 מְלָכִים כ׳:י״גבערך ת״א לפנה״ס

    והנה נביא אחד נגש אל אחאב מלך ישראל ויאמר כה אמר יהוה הראית את כל ההמון הגדול הזה הנני נתנו בידך היום וידעת כי אני יהוה׃

  21. 1 מְלָכִים כ׳:י״דבערך ת״א לפנה״ס

    ויאמר אחאב במי ויאמר כה אמר יהוה בנערי שרי המדינות ויאמר מי יאסר המלחמה ויאמר אתה׃

  22. 1 מְלָכִים כ׳:ט״ובערך ת״א לפנה״ס

    ויפקד את נערי שרי המדינות ויהיו מאתים שנים ושלשים ואחריהם פקד את כל העם כל בני ישראל שבעת אלפים׃

  23. 1 מְלָכִים כ׳:ט״זבערך ת״א לפנה״ס

    ויצאו בצהרים ובן הדד שתה שכור בסכות הוא והמלכים שלשים ושנים מלך עזר אתו׃

  24. 1 מְלָכִים כ׳:י״זבערך ת״א לפנה״ס

    ויצאו נערי שרי המדינות בראשנה וישלח בן הדד ויגידו לו לאמר אנשים יצאו משמרון׃

  25. 1 מְלָכִים כ׳:י״חבערך ת״א לפנה״ס

    ויאמר אם לשלום יצאו תפשום חיים ואם למלחמה יצאו חיים תפשום׃