circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 מְלָכִים כ״א:א׳בערך תתצ״ט לפנה״ס

    ¶ ויהי אחר הדברים האלה כרם היה לנבות היזרעאלי אשר ביזרעאל אצל היכל אחאב מלך שמרון׃

  2. 1 מְלָכִים כ״א:ב׳בערך תתצ״ט לפנה״ס

    וידבר אחאב אל נבות לאמר תנה לי את כרמך ויהי לי לגן ירק כי הוא קרוב אצל ביתי ואתנה לך תחתיו כרם טוב ממנו אם טוב בעיניך אתנה לך כסף מחיר זה׃

  3. 1 מְלָכִים כ״א:ג׳בערך תתצ״ט לפנה״ס

    ויאמר נבות אל אחאב חלילה לי מיהוה מתתי את נחלת אבתי לך׃

  4. 1 מְלָכִים כ״א:ד׳בערך תתצ״ט לפנה״ס

    ויבא אחאב אל ביתו סר וזעף על הדבר אשר דבר אליו נבות היזרעאלי ויאמר לא אתן לך את נחלת אבותי וישכב על מטתו ויסב את פניו ולא אכל לחם׃

  5. 1 מְלָכִים כ״א:ה׳בערך תתצ״ט לפנה״ס

    ותבא אליו איזבל אשתו ותדבר אליו מה זה רוחך סרה ואינך אכל לחם׃

  6. 1 מְלָכִים כ״א:ו׳בערך תתצ״ט לפנה״ס

    וידבר אליה כי אדבר אל נבות היזרעאלי ואמר לו תנה לי את כרמך בכסף או אם חפץ אתה אתנה לך כרם תחתיו ויאמר לא אתן לך את כרמי׃

  7. 1 מְלָכִים כ״א:ז׳בערך תתצ״ט לפנה״ס

    ותאמר אליו איזבל אשתו אתה עתה תעשה מלוכה על ישראל קום אכל לחם ויטב לבך אני אתן לך את כרם נבות היזרעאלי׃

  8. 1 מְלָכִים כ״א:ח׳בערך תתצ״ט לפנה״ס

    ותכתב ספרים בשם אחאב ותחתם בחתמו ותשלח הספרים אל הזקנים ואל החרים אשר בעירו הישבים את נבות׃

  9. 1 מְלָכִים כ״א:ט׳בערך תתצ״ט לפנה״ס

    ותכתב בספרים לאמר קראו צום והושיבו את נבות בראש העם׃

  10. 1 מְלָכִים כ״א:י׳בערך תתצ״ט לפנה״ס

    והושיבו שנים אנשים בני בליעל נגדו ויעדהו לאמר ברכת אלהים ומלך והוציאהו וסקלהו וימת׃

  11. 1 מְלָכִים כ״א:י״אבערך תתצ״ט לפנה״ס

    ויעשו אנשי עירו הזקנים והחרים אשר הישבים בעירו כאשר שלחה אליהם איזבל כאשר כתוב בספרים אשר שלחה אליהם׃

  12. 1 מְלָכִים כ״א:י״בבערך תתצ״ט לפנה״ס

    קראו צום והשיבו את נבות בראש העם׃

  13. 1 מְלָכִים כ״א:י״גבערך תתצ״ט לפנה״ס

    ויבאו שני האנשים בני בליעל וישבו נגדו ויעדהו אנשי הבליעל את נבות נגד העם לאמר ברך נבות אלהים ומלך ויצאהו מחוץ לעיר ויסקלהו באבנים וימת׃

  14. 1 מְלָכִים כ״א:י״דבערך תתצ״ט לפנה״ס

    וישלחו אל איזבל לאמר סקל נבות וימת׃

  15. 1 מְלָכִים כ״א:ט״ובערך תתצ״ט לפנה״ס

    ויהי כשמע איזבל כי סקל נבות וימת ותאמר איזבל אל אחאב קום רש את כרם נבות היזרעאלי אשר מאן לתת לך בכסף כי אין נבות חי כי מת׃

  16. 1 מְלָכִים כ״א:ט״זבערך תתצ״ט לפנה״ס

    ויהי כשמע אחאב כי מת נבות ויקם אחאב לרדת אל כרם נבות היזרעאלי לרשתו׃

  17. 1 מְלָכִים כ״א:י״זבערך תתצ״ט לפנה״ס

    ויהי דבר יהוה אל אליהו התשבי לאמר׃

  18. 1 מְלָכִים כ״א:י״חבערך תתצ״ט לפנה״ס

    קום רד לקראת אחאב מלך ישראל אשר בשמרון הנה בכרם נבות אשר ירד שם לרשתו׃

  19. 1 מְלָכִים כ״א:י״טבערך תתצ״ט לפנה״ס

    ודברת אליו לאמר כה אמר יהוה הרצחת וגם ירשת ודברת אליו לאמר כה אמר יהוה במקום אשר לקקו הכלבים את דם נבות ילקו הכלבים את דמך גם אתה׃

  20. 1 מְלָכִים כ״א:כ׳בערך תתצ״ט לפנה״ס

    ויאמר אחאב אל אליהו המצאתני איבי ויאמר מצאתי יען התמכרך לעשות הרע בעיני יהוה׃

  21. 1 מְלָכִים כ״א:כ״אבערך תתצ״ט לפנה״ס

    הנני מבי אליך רעה ובערתי אחריך והכרתי לאחאב משתין בקיר ועצור ועזוב בישראל׃

  22. 1 מְלָכִים כ״א:כ״בבערך תתצ״ט לפנה״ס

    ונתתי את ביתך כבית ירבעם בן נבט וכבית בעשא בן אחיה אל הכעס אשר הכעסת ותחטא את ישראל׃

  23. 1 מְלָכִים כ״א:כ״גבערך תתצ״ט לפנה״ס

    וגם לאיזבל דבר יהוה לאמר הכלבים יאכלו את איזבל בחל יזרעאל׃

  24. 1 מְלָכִים כ״א:כ״דבערך תתצ״ט לפנה״ס

    המת לאחאב בעיר יאכלו הכלבים והמת בשדה יאכלו עוף השמים׃

  25. 1 מְלָכִים כ״א:כ״הבערך תתצ״ט לפנה״ס

    רק לא היה כאחאב אשר התמכר לעשות הרע בעיני יהוה אשר הסתה אתו איזבל אשתו׃