circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 מְלָכִים כ״ב:כ״בבערך תתצ״ז לפנה״ס

    ויאמר אצא והייתי רוח שקר בפי כל נביאיו ויאמר תפתה וגם תוכל צא ועשה כן׃

  2. 1 מְלָכִים כ״ב:כ״גבערך תתצ״ז לפנה״ס

    ועתה הנה נתן יהוה רוח שקר בפי כל נביאיך אלה ויהוה דבר עליך רעה׃

  3. 1 מְלָכִים כ״ב:כ״דבערך תתצ״ז לפנה״ס

    ויגש צדקיהו בן כנענה ויכה את מיכיהו על הלחי ויאמר אי זה עבר רוח יהוה מאתי לדבר אותך׃

  4. 1 מְלָכִים כ״ב:כ״הבערך תתצ״ז לפנה״ס

    ויאמר מיכיהו הנך ראה ביום ההוא אשר תבא חדר בחדר להחבה׃

  5. 1 מְלָכִים כ״ב:כ״ובערך תתצ״ז לפנה״ס

    ויאמר מלך ישראל קח את מיכיהו והשיבהו אל אמן שר העיר ואל יואש בן המלך׃

  6. 1 מְלָכִים כ״ב:כ״זבערך תתצ״ז לפנה״ס

    ואמרת כה אמר המלך שימו את זה בית הכלא והאכילהו לחם לחץ ומים לחץ עד באי בשלום׃

  7. 1 מְלָכִים כ״ב:כ״חבערך תתצ״ז לפנה״ס

    ויאמר מיכיהו אם שוב תשוב בשלום לא דבר יהוה בי ויאמר שמעו עמים כלם׃

  8. 1 מְלָכִים כ״ב:כ״טבערך תתצ״ז לפנה״ס

    ויעל מלך ישראל ויהושפט מלך יהודה רמת גלעד׃

  9. 1 מְלָכִים כ״ב:ל׳בערך תתצ״ז לפנה״ס

    ויאמר מלך ישראל אל יהושפט התחפש ובא במלחמה ואתה לבש בגדיך ויתחפש מלך ישראל ויבוא במלחמה׃

  10. 1 מְלָכִים כ״ב:ל״אבערך תתצ״ז לפנה״ס

    ומלך ארם צוה את שרי הרכב אשר לו שלשים ושנים לאמר לא תלחמו את קטן ואת גדול כי אם את מלך ישראל לבדו׃

  11. 1 מְלָכִים כ״ב:ל״בבערך תתצ״ז לפנה״ס

    ויהי כראות שרי הרכב את יהושפט והמה אמרו אך מלך ישראל הוא ויסרו עליו להלחם ויזעק יהושפט׃

  12. 1 מְלָכִים כ״ב:ל״גבערך תתצ״ז לפנה״ס

    ויהי כראות שרי הרכב כי לא מלך ישראל הוא וישובו מאחריו׃

  13. 1 מְלָכִים כ״ב:ל״דבערך תתצ״ז לפנה״ס

    ואיש משך בקשת לתמו ויכה את מלך ישראל בין הדבקים ובין השרין ויאמר לרכבו הפך ידך והוציאני מן המחנה כי החליתי׃

  14. 1 מְלָכִים כ״ב:ל״הבערך תתצ״ז לפנה״ס

    ותעלה המלחמה ביום ההוא והמלך היה מעמד במרכבה נכח ארם וימת בערב ויצק דם המכה אל חיק הרכב׃

  15. 1 מְלָכִים כ״ב:ל״ובערך תתצ״ז לפנה״ס

    ויעבר הרנה במחנה כבא השמש לאמר איש אל עירו ואיש אל ארצו׃

  16. 1 מְלָכִים כ״ב:ל״זבערך תתצ״ז לפנה״ס

    וימת המלך ויבוא שמרון ויקברו את המלך בשמרון׃

  17. 1 מְלָכִים כ״ב:ל״חבערך תתצ״ז לפנה״ס

    וישטף את הרכב על ברכת שמרון וילקו הכלבים את דמו והזנות רחצו כדבר יהוה אשר דבר׃

  18. 1 מְלָכִים כ״ב:ל״טבערך תי״ח לפנה״ס

    ויתר דברי אחאב וכל אשר עשה ובית השן אשר בנה וכל הערים אשר בנה הלוא הם כתובים על ספר דברי הימים למלכי ישראל׃

  19. 1 מְלָכִים כ״ב:מ׳בערך תי״ח לפנה״ס

    וישכב אחאב עם אבתיו וימלך אחזיהו בנו תחתיו׃

  20. 1 מְלָכִים כ״ב:מ״אבערך תי״ד לפנה״ס

    ויהושפט בן אסא מלך על יהודה בשנת ארבע לאחאב מלך ישראל׃

  21. 1 מְלָכִים כ״ב:מ״בבערך תי״ד לפנה״ס

    יהושפט בן שלשים וחמש שנה במלכו ועשרים וחמש שנה מלך בירושלם ושם אמו עזובה בת שלחי׃

  22. 1 מְלָכִים כ״ב:מ״גבערך תי״ד לפנה״ס

    וילך בכל דרך אסא אביו לא סר ממנו לעשות הישר בעיני יהוה אך הבמות לא סרו עוד העם מזבחים ומקטרים בבמות׃

  23. 1 מְלָכִים כ״ב:מ״דבערך תי״ד לפנה״ס

    וישלם יהושפט עם מלך ישראל׃

  24. 1 מְלָכִים כ״ב:מ״הבערך תי״ד לפנה״ס

    ויתר דברי יהושפט וגבורתו אשר עשה ואשר נלחם הלא הם כתובים על ספר דברי הימים למלכי יהודה׃

  25. 1 מְלָכִים כ״ב:מ״ובערך תי״ד לפנה״ס

    ויתר הקדש אשר נשאר בימי אסא אביו בער מן הארץ׃