circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 מְלָכִים כ״א:כ״ובערך תתצ״ט לפנה״ס

    ויתעב מאד ללכת אחרי הגללים ככל אשר עשו האמרי אשר הוריש יהוה מפני בני ישראל׃

  2. 1 מְלָכִים כ״א:כ״זבערך תתצ״ט לפנה״ס

    ויהי כשמע אחאב את הדברים האלה ויקרע בגדיו וישם שק על בשרו ויצום וישכב בשק ויהלך אט׃

  3. 1 מְלָכִים כ״א:כ״חבערך תתצ״ט לפנה״ס

    ויהי דבר יהוה אל אליהו התשבי לאמר׃

  4. 1 מְלָכִים כ״א:כ״טבערך תתצ״ט לפנה״ס

    הראית כי נכנע אחאב מלפני יען כי נכנע מפני לא אבי הרעה בימיו בימי בנו אביא הרעה על ביתו׃

  5. 1 מְלָכִים כ״ב:א׳בערך ת׳ לפנה״ס

    ¶ וישבו שלש שנים אין מלחמה בין ארם ובין ישראל׃

  6. 1 מְלָכִים כ״ב:ב׳בערך תתצ״ז לפנה״ס

    ויהי בשנה השלישית וירד יהושפט מלך יהודה אל מלך ישראל׃

  7. 1 מְלָכִים כ״ב:ג׳בערך תתצ״ז לפנה״ס

    ויאמר מלך ישראל אל עבדיו הידעתם כי לנו רמת גלעד ואנחנו מחשים מקחת אתה מיד מלך ארם׃

  8. 1 מְלָכִים כ״ב:ד׳בערך תתצ״ז לפנה״ס

    ויאמר אל יהושפט התלך אתי למלחמה רמת גלעד ויאמר יהושפט אל מלך ישראל כמוני כמוך כעמי כעמך כסוסי כסוסיך׃

  9. 1 מְלָכִים כ״ב:ה׳בערך תתצ״ז לפנה״ס

    ויאמר יהושפט אל מלך ישראל דרש נא כיום את דבר יהוה׃

  10. 1 מְלָכִים כ״ב:ו׳בערך תתצ״ז לפנה״ס

    ויקבץ מלך ישראל את הנביאים כארבע מאות איש ויאמר אלהם האלך על רמת גלעד למלחמה אם אחדל ויאמרו עלה ויתן אדני ביד המלך׃

  11. 1 מְלָכִים כ״ב:ז׳בערך תתצ״ז לפנה״ס

    ויאמר יהושפט האין פה נביא ליהוה עוד ונדרשה מאותו׃

  12. 1 מְלָכִים כ״ב:ח׳בערך תתצ״ז לפנה״ס

    ויאמר מלך ישראל אל יהושפט עוד איש אחד לדרש את יהוה מאתו ואני שנאתיו כי לא יתנבא עלי טוב כי אם רע מיכיהו בן ימלה ויאמר יהושפט אל יאמר המלך כן׃

  13. 1 מְלָכִים כ״ב:ט׳בערך תתצ״ז לפנה״ס

    ויקרא מלך ישראל אל סריס אחד ויאמר מהרה מיכיהו בן ימלה׃

  14. 1 מְלָכִים כ״ב:י׳בערך תתצ״ז לפנה״ס

    ומלך ישראל ויהושפט מלך יהודה ישבים איש על כסאו מלבשים בגדים בגרן פתח שער שמרון וכל הנביאים מתנבאים לפניהם׃

  15. 1 מְלָכִים כ״ב:י״אבערך תתצ״ז לפנה״ס

    ויעש לו צדקיה בן כנענה קרני ברזל ויאמר כה אמר יהוה באלה תנגח את ארם עד כלתם׃

  16. 1 מְלָכִים כ״ב:י״בבערך תתצ״ז לפנה״ס

    וכל הנבאים נבאים כן לאמר עלה רמת גלעד והצלח ונתן יהוה ביד המלך׃

  17. 1 מְלָכִים כ״ב:י״גבערך תתצ״ז לפנה״ס

    והמלאך אשר הלך לקרא מיכיהו דבר אליו לאמר הנה נא דברי הנביאים פה אחד טוב אל המלך יהי נא דבריך כדבר אחד מהם ודברת טוב׃

  18. 1 מְלָכִים כ״ב:י״דבערך תתצ״ז לפנה״ס

    ויאמר מיכיהו חי יהוה כי את אשר יאמר יהוה אלי אתו אדבר׃

  19. 1 מְלָכִים כ״ב:ט״ובערך תתצ״ז לפנה״ס

    ויבוא אל המלך ויאמר המלך אליו מיכיהו הנלך אל רמת גלעד למלחמה אם נחדל ויאמר אליו עלה והצלח ונתן יהוה ביד המלך׃

  20. 1 מְלָכִים כ״ב:ט״זבערך תתצ״ז לפנה״ס

    ויאמר אליו המלך עד כמה פעמים אני משבעך אשר לא תדבר אלי רק אמת בשם יהוה׃

  21. 1 מְלָכִים כ״ב:י״זבערך תתצ״ז לפנה״ס

    ויאמר ראיתי את כל ישראל נפצים אל ההרים כצאן אשר אין להם רעה ויאמר יהוה לא אדנים לאלה ישובו איש לביתו בשלום׃

  22. 1 מְלָכִים כ״ב:י״חבערך תתצ״ז לפנה״ס

    ויאמר מלך ישראל אל יהושפט הלוא אמרתי אליך לוא יתנבא עלי טוב כי אם רע׃

  23. 1 מְלָכִים כ״ב:י״טבערך תתצ״ז לפנה״ס

    ויאמר לכן שמע דבר יהוה ראיתי את יהוה ישב על כסאו וכל צבא השמים עמד עליו מימינו ומשמאלו׃

  24. 1 מְלָכִים כ״ב:כ׳בערך תתצ״ז לפנה״ס

    ויאמר יהוה מי יפתה את אחאב ויעל ויפל ברמת גלעד ויאמר זה בכה וזה אמר בכה׃

  25. 1 מְלָכִים כ״ב:כ״אבערך תתצ״ז לפנה״ס

    ויצא הרוח ויעמד לפני יהוה ויאמר אני אפתנו ויאמר יהוה אליו במה׃