circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 מְלָכִים ב׳:א׳בערך תתצ״ו לפנה״ס

    ¶ ויהי בהעלות יהוה את אליהו בסערה השמים וילך אליהו ואלישע מן הגלגל׃

  2. 2 מְלָכִים ב׳:ב׳בערך תתצ״ו לפנה״ס

    ויאמר אליהו אל אלישע שב נא פה כי יהוה שלחני עד בית אל ויאמר אלישע חי יהוה וחי נפשך אם אעזבך וירדו בית אל׃

  3. 2 מְלָכִים ב׳:ג׳בערך תתצ״ו לפנה״ס

    ויצאו בני הנביאים אשר בית אל אל אלישע ויאמרו אליו הידעת כי היום יהוה לקח את אדניך מעל ראשך ויאמר גם אני ידעתי החשו׃

  4. 2 מְלָכִים ב׳:ד׳בערך תתצ״ו לפנה״ס

    ויאמר לו אליהו אלישע שב נא פה כי יהוה שלחני יריחו ויאמר חי יהוה וחי נפשך אם אעזבך ויבאו יריחו׃

  5. 2 מְלָכִים ב׳:ה׳בערך תתצ״ו לפנה״ס

    ויגשו בני הנביאים אשר ביריחו אל אלישע ויאמרו אליו הידעת כי היום יהוה לקח את אדניך מעל ראשך ויאמר גם אני ידעתי החשו׃

  6. 2 מְלָכִים ב׳:ו׳בערך תתצ״ו לפנה״ס

    ויאמר לו אליהו שב נא פה כי יהוה שלחני הירדנה ויאמר חי יהוה וחי נפשך אם אעזבך וילכו שניהם׃

  7. 2 מְלָכִים ב׳:ז׳בערך תתצ״ו לפנה״ס

    וחמשים איש מבני הנביאים הלכו ויעמדו מנגד מרחוק ושניהם עמדו על הירדן׃

  8. 2 מְלָכִים ב׳:ח׳בערך תתצ״ו לפנה״ס

    ויקח אליהו את אדרתו ויגלם ויכה את המים ויחצו הנה והנה ויעברו שניהם בחרבה׃

  9. 2 מְלָכִים ב׳:ט׳בערך תתצ״ו לפנה״ס

    ויהי כעברם ואליהו אמר אל אלישע שאל מה אעשה לך בטרם אלקח מעמך ויאמר אלישע ויהי נא פי שנים ברוחך אלי׃

  10. 2 מְלָכִים ב׳:י׳בערך תתצ״ו לפנה״ס

    ויאמר הקשית לשאול אם תראה אתי לקח מאתך יהי לך כן ואם אין לא יהיה׃

  11. 2 מְלָכִים ב׳:י״אבערך תתצ״ו לפנה״ס

    ויהי המה הלכים הלוך ודבר והנה רכב אש וסוסי אש ויפרדו בין שניהם ויעל אליהו בסערה השמים׃

  12. 2 מְלָכִים ב׳:י״בבערך תתצ״ו לפנה״ס

    ואלישע ראה והוא מצעק אבי אבי רכב ישראל ופרשיו ולא ראהו עוד ויחזק בבגדיו ויקרעם לשנים קרעים׃

  13. 2 מְלָכִים ב׳:י״גבערך תתצ״ו לפנה״ס

    וירם את אדרת אליהו אשר נפלה מעליו וישב ויעמד על שפת הירדן׃

  14. 2 מְלָכִים ב׳:י״דבערך תתצ״ו לפנה״ס

    ויקח את אדרת אליהו אשר נפלה מעליו ויכה את המים ויאמר איה יהוה אלהי אליהו אף הוא ויכה את המים ויחצו הנה והנה ויעבר אלישע׃

  15. 2 מְלָכִים ב׳:ט״ובערך תתצ״ו לפנה״ס

    ויראהו בני הנביאים אשר ביריחו מנגד ויאמרו נחה רוח אליהו על אלישע ויבאו לקראתו וישתחוו לו ארצה׃

  16. 2 מְלָכִים ב׳:ט״זבערך תתצ״ו לפנה״ס

    ויאמרו אליו הנה נא יש את עבדיך חמשים אנשים בני חיל ילכו נא ויבקשו את אדניך פן נשאו רוח יהוה וישלכהו באחד ההרים או באחת הגיאות ויאמר לא תשלחו׃

  17. 2 מְלָכִים ב׳:י״זבערך תתצ״ו לפנה״ס

    ויפצרו בו עד בש ויאמר שלחו וישלחו חמשים איש ויבקשו שלשה ימים ולא מצאהו׃

  18. 2 מְלָכִים ב׳:י״חבערך תתצ״ו לפנה״ס

    וישבו אליו והוא ישב ביריחו ויאמר אלהם הלוא אמרתי אליכם אל תלכו׃

  19. 2 מְלָכִים ב׳:י״טבערך תתצ״ו לפנה״ס

    ויאמרו אנשי העיר אל אלישע הנה נא מושב העיר טוב כאשר אדני ראה והמים רעים והארץ משכלת׃

  20. 2 מְלָכִים ב׳:כ׳בערך תתצ״ו לפנה״ס

    ויאמר קחו לי צלחית חדשה ושימו שם מלח ויקחו אליו׃

  21. 2 מְלָכִים ב׳:כ״אבערך תתצ״ו לפנה״ס

    ויצא אל מוצא המים וישלך שם מלח ויאמר כה אמר יהוה רפאתי למים האלה לא יהיה משם עוד מות ומשכלת׃

  22. 2 מְלָכִים ב׳:כ״בבערך תתצ״ו לפנה״ס

    וירפו המים עד היום הזה כדבר אלישע אשר דבר׃

  23. 2 מְלָכִים ב׳:כ״גבערך תתצ״ו לפנה״ס

    ויעל משם בית אל והוא עלה בדרך ונערים קטנים יצאו מן העיר ויתקלסו בו ויאמרו לו עלה קרח עלה קרח׃

  24. 2 מְלָכִים ב׳:כ״דבערך תתצ״ו לפנה״ס

    ויפן אחריו ויראם ויקללם בשם יהוה ותצאנה שתים דבים מן היער ותבקענה מהם ארבעים ושני ילדים׃

  25. 2 מְלָכִים ב׳:כ״הבערך תתצ״ו לפנה״ס

    וילך משם אל הר הכרמל ומשם שב שמרון׃