circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 מְלָכִים ג׳:כ״ובערך תתצ״ה לפנה״ס

    וירא מלך מואב כי חזק ממנו המלחמה ויקח אותו שבע מאות איש שלף חרב להבקיע אל מלך אדום ולא יכלו׃

  2. 2 מְלָכִים ג׳:כ״זבערך תתצ״ה לפנה״ס

    ויקח את בנו הבכור אשר ימלך תחתיו ויעלהו עלה על החמה ויהי קצף גדול על ישראל ויסעו מעליו וישבו לארץ׃

  3. 2 מְלָכִים ד׳:א׳בערך תתצ״ד לפנה״ס

    ¶ ואשה אחת מנשי בני הנביאים צעקה אל אלישע לאמר עבדך אישי מת ואתה ידעת כי עבדך היה ירא את יהוה והנשה בא לקחת את שני ילדי לו לעבדים׃

  4. 2 מְלָכִים ד׳:ב׳בערך תתצ״ד לפנה״ס

    ויאמר אליה אלישע מה אעשה לך הגידי לי מה יש לכי בבית ותאמר אין לשפחתך כל בבית כי אם אסוך שמן׃

  5. 2 מְלָכִים ד׳:ג׳בערך תתצ״ד לפנה״ס

    ויאמר לכי שאלי לך כלים מן החוץ מאת כל שכנכי כלים רקים אל תמעיטי׃

  6. 2 מְלָכִים ד׳:ד׳בערך תתצ״ד לפנה״ס

    ובאת וסגרת הדלת בעדך ובעד בניך ויצקת על כל הכלים האלה והמלא תסיעי׃

  7. 2 מְלָכִים ד׳:ה׳בערך תתצ״ד לפנה״ס

    ותלך מאתו ותסגר הדלת בעדה ובעד בניה הם מגשים אליה והיא מיצקת׃

  8. 2 מְלָכִים ד׳:ו׳בערך תתצ״ד לפנה״ס

    ויהי כמלאת הכלים ותאמר אל בנה הגישה אלי עוד כלי ויאמר אליה אין עוד כלי ויעמד השמן׃

  9. 2 מְלָכִים ד׳:ז׳בערך תתצ״ד לפנה״ס

    ותבא ותגד לאיש האלהים ויאמר לכי מכרי את השמן ושלמי את נשיכי ואת בניכי תחיי בנותר׃

  10. 2 מְלָכִים ד׳:ח׳בערך תתצ״ד לפנה״ס

    ויהי היום ויעבר אלישע אל שונם ושם אשה גדולה ותחזק בו לאכל לחם ויהי מדי עברו יסר שמה לאכל לחם׃

  11. 2 מְלָכִים ד׳:ט׳בערך תתצ״ד לפנה״ס

    ותאמר אל אישה הנה נא ידעתי כי איש אלהים קדוש הוא עבר עלינו תמיד׃

  12. 2 מְלָכִים ד׳:י׳בערך תתצ״ד לפנה״ס

    נעשה נא עלית קיר קטנה ונשים לו שם מטה ושלחן וכסא ומנורה והיה בבאו אלינו יסור שמה׃

  13. 2 מְלָכִים ד׳:י״אבערך תתצ״ד לפנה״ס

    ויהי היום ויבא שמה ויסר אל העליה וישכב שמה׃

  14. 2 מְלָכִים ד׳:י״בבערך תתצ״ד לפנה״ס

    ויאמר אל גחזי נערו קרא לשונמית הזאת ויקרא לה ותעמד לפניו׃

  15. 2 מְלָכִים ד׳:י״גבערך תתצ״ד לפנה״ס

    ויאמר לו אמר נא אליה הנה חרדת אלינו את כל החרדה הזאת מה לעשות לך היש לדבר לך אל המלך או אל שר הצבא ותאמר בתוך עמי אנכי ישבת׃

  16. 2 מְלָכִים ד׳:י״דבערך תתצ״ד לפנה״ס

    ויאמר ומה לעשות לה ויאמר גיחזי אבל בן אין לה ואישה זקן׃

  17. 2 מְלָכִים ד׳:ט״ובערך תתצ״ד לפנה״ס

    ויאמר קרא לה ויקרא לה ותעמד בפתח׃

  18. 2 מְלָכִים ד׳:ט״זבערך תתצ״ד לפנה״ס

    ויאמר למועד הזה כעת חיה אתי חבקת בן ותאמר אל אדני איש האלהים אל תכזב בשפחתך׃

  19. 2 מְלָכִים ד׳:י״זבערך תתצ״ד לפנה״ס

    ותהר האשה ותלד בן למועד הזה כעת חיה אשר דבר אליה אלישע׃

  20. 2 מְלָכִים ד׳:י״חבערך תתצ״ד לפנה״ס

    ויגדל הילד ויהי היום ויצא אל אביו אל הקצרים׃

  21. 2 מְלָכִים ד׳:י״טבערך תתצ״ד לפנה״ס

    ויאמר אל אביו ראשי ראשי ויאמר אל הנער שאהו אל אמו׃

  22. 2 מְלָכִים ד׳:כ׳בערך תתצ״ד לפנה״ס

    וישאהו ויביאהו אל אמו וישב על ברכיה עד הצהרים וימת׃

  23. 2 מְלָכִים ד׳:כ״אבערך תתצ״ד לפנה״ס

    ותעל ותשכבהו על מטת איש האלהים ותסגר בעדו ותצא׃

  24. 2 מְלָכִים ד׳:כ״בבערך תתצ״ד לפנה״ס

    ותקרא אל אישה ותאמר שלחה נא לי אחד מן הנערים ואחת האתנות וארוצה עד איש האלהים ואשובה׃

  25. 2 מְלָכִים ד׳:כ״גבערך תתצ״ד לפנה״ס

    ויאמר מדוע אתי הלכתי אליו היום לא חדש ולא שבת ותאמר שלום׃