circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 מְלָכִים ד׳:כ״דבערך תתצ״ד לפנה״ס

    ותחבש האתון ותאמר אל נערה נהג ולך אל תעצר לי לרכב כי אם אמרתי לך׃

  2. 2 מְלָכִים ד׳:כ״הבערך תתצ״ד לפנה״ס

    ותלך ותבוא אל איש האלהים אל הר הכרמל ויהי כראות איש האלהים אתה מנגד ויאמר אל גיחזי נערו הנה השונמית הלז׃

  3. 2 מְלָכִים ד׳:כ״ובערך תתצ״ד לפנה״ס

    עתה רוץ נא לקראתה ואמר לה השלום לך השלום לאישך השלום לילד ותאמר שלום׃

  4. 2 מְלָכִים ד׳:כ״זבערך תתצ״ד לפנה״ס

    ותבא אל איש האלהים אל ההר ותחזק ברגליו ויגש גיחזי להדפה ויאמר איש האלהים הרפה לה כי נפשה מרה לה ויהוה העלים ממני ולא הגיד לי׃

  5. 2 מְלָכִים ד׳:כ״חבערך תתצ״ד לפנה״ס

    ותאמר השאלתי בן מאת אדני הלא אמרתי לא תשלה אתי׃

  6. 2 מְלָכִים ד׳:כ״טבערך תתצ״ד לפנה״ס

    ויאמר לגיחזי חגר מתניך וקח משענתי בידך ולך כי תמצא איש לא תברכנו וכי יברכך איש לא תעננו ושמת משענתי על פני הנער׃

  7. 2 מְלָכִים ד׳:ל׳בערך תתצ״ד לפנה״ס

    ותאמר אם הנער חי יהוה וחי נפשך אם אעזבך ויקם וילך אחריה׃

  8. 2 מְלָכִים ד׳:ל״אבערך תתצ״ד לפנה״ס

    וגחזי עבר לפניהם וישם את המשענת על פני הנער ואין קול ואין קשב וישב לקראתו ויגד לו לאמר לא הקיץ הנער׃

  9. 2 מְלָכִים ד׳:ל״בבערך תתצ״ד לפנה״ס

    ויבא אלישע הביתה והנה הנער מת משכב על מטתו׃

  10. 2 מְלָכִים ד׳:ל״גבערך תתצ״ד לפנה״ס

    ויבא ויסגר הדלת בעד שניהם ויתפלל אל יהוה׃

  11. 2 מְלָכִים ד׳:ל״דבערך תתצ״ד לפנה״ס

    ויעל וישכב על הילד וישם פיו על פיו ועיניו על עיניו וכפיו על כפו ויגהר עליו ויחם בשר הילד׃

  12. 2 מְלָכִים ד׳:ל״הבערך תתצ״ד לפנה״ס

    וישב וילך בבית אחת הנה ואחת הנה ויעל ויגהר עליו ויזורר הנער עד שבע פעמים ויפקח הנער את עיניו׃

  13. 2 מְלָכִים ד׳:ל״ובערך תתצ״ד לפנה״ס

    ויקרא אל גיחזי ויאמר קרא אל השנמית הזאת ויקראה ותבוא אליו ויאמר שאי בנך׃

  14. 2 מְלָכִים ד׳:ל״זבערך תתצ״ד לפנה״ס

    ותבא ותפל על רגליו ותשתחו ארצה ותשא את בנה ותצא׃

  15. 2 מְלָכִים ד׳:ל״חבערך תתצ״ד לפנה״ס

    ואלישע שב הגלגלה והרעב בארץ ובני הנביאים ישבים לפניו ויאמר לנערו שפת הסיר הגדולה ובשל נזיד לבני הנביאים׃

  16. 2 מְלָכִים ד׳:ל״טבערך תתצ״ד לפנה״ס

    ויצא אחד אל השדה ללקט ארת וימצא גפן שדה וילקט ממנו פקעת שדה מלא בגדו ויבא ויפלח אל סיר הנזיד כי לא ידעו׃

  17. 2 מְלָכִים ד׳:מ׳בערך תתצ״ד לפנה״ס

    ויצקו לאנשים לאכול ויהי כאכלם מהנזיד והמה צעקו ויאמרו מות בסיר איש האלהים ולא יכלו לאכל׃

  18. 2 מְלָכִים ד׳:מ״אבערך תתצ״ד לפנה״ס

    ויאמר וקחו קמח וישלך אל הסיר ויאמר צק לעם ויאכלו ולא היה דבר רע בסיר׃

  19. 2 מְלָכִים ד׳:מ״בבערך תתצ״ד לפנה״ס

    ואיש בא מבעל שלשה ויבא לאיש האלהים לחם בכורים עשרים לחם שערים וכרמל בצקלנו ויאמר תן לעם ויאכלו׃

  20. 2 מְלָכִים ד׳:מ״גבערך תתצ״ד לפנה״ס

    ויאמר משרתו מה אתן זה לפני מאה איש ויאמר תן לעם ויאכלו כי כה אמר יהוה אכל והותר׃

  21. 2 מְלָכִים ד׳:מ״דבערך תתצ״ד לפנה״ס

    ויתן לפניהם ויאכלו ויותרו כדבר יהוה׃

  22. 2 מְלָכִים ה׳:א׳בערך תתצ״ד לפנה״ס

    ¶ ונעמן שר צבא מלך ארם היה איש גדול לפני אדניו ונשא פנים כי בו נתן יהוה תשועה לארם והאיש היה גבור חיל מצרע׃

  23. 2 מְלָכִים ה׳:ב׳בערך תתצ״ד לפנה״ס

    וארם יצאו גדודים וישבו מארץ ישראל נערה קטנה ותהי לפני אשת נעמן׃

  24. 2 מְלָכִים ה׳:ג׳בערך תתצ״ד לפנה״ס

    ותאמר אל גברתה אחלי אדני לפני הנביא אשר בשמרון אז יאסף אתו מצרעתו׃

  25. 2 מְלָכִים ה׳:ד׳בערך תתצ״ד לפנה״ס

    ויבא ויגד לאדניו לאמר כזאת וכזאת דברה הנערה אשר מארץ ישראל׃