circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 מְלָכִים ג׳:א׳

    ¶ ויהורם בן אחאב מלך על ישראל בשמרון בשנת שמנה עשרה ליהושפט מלך יהודה וימלך שתים עשרה שנה׃

  2. 2 מְלָכִים ג׳:ב׳

    ויעשה הרע בעיני יהוה רק לא כאביו וכאמו ויסר את מצבת הבעל אשר עשה אביו׃

  3. 2 מְלָכִים ג׳:ג׳

    רק בחטאות ירבעם בן נבט אשר החטיא את ישראל דבק לא סר ממנה׃

  4. 2 מְלָכִים ג׳:ד׳

    ומישע מלך מואב היה נקד והשיב למלך ישראל מאה אלף כרים ומאה אלף אילים צמר׃

  5. 2 מְלָכִים ג׳:ה׳

    ויהי כמות אחאב ויפשע מלך מואב במלך ישראל׃

  6. 2 מְלָכִים ג׳:ו׳בערך תתצ״ה לפנה״ס

    ויצא המלך יהורם ביום ההוא משמרון ויפקד את כל ישראל׃

  7. 2 מְלָכִים ג׳:ז׳בערך תתצ״ה לפנה״ס

    וילך וישלח אל יהושפט מלך יהודה לאמר מלך מואב פשע בי התלך אתי אל מואב למלחמה ויאמר אעלה כמוני כמוך כעמי כעמך כסוסי כסוסיך׃

  8. 2 מְלָכִים ג׳:ח׳בערך תתצ״ה לפנה״ס

    ויאמר אי זה הדרך נעלה ויאמר דרך מדבר אדום׃

  9. 2 מְלָכִים ג׳:ט׳בערך תתצ״ה לפנה״ס

    וילך מלך ישראל ומלך יהודה ומלך אדום ויסבו דרך שבעת ימים ולא היה מים למחנה ולבהמה אשר ברגליהם׃

  10. 2 מְלָכִים ג׳:י׳בערך תתצ״ה לפנה״ס

    ויאמר מלך ישראל אהה כי קרא יהוה לשלשת המלכים האלה לתת אותם ביד מואב׃

  11. 2 מְלָכִים ג׳:י״אבערך תתצ״ה לפנה״ס

    ויאמר יהושפט האין פה נביא ליהוה ונדרשה את יהוה מאותו ויען אחד מעבדי מלך ישראל ויאמר פה אלישע בן שפט אשר יצק מים על ידי אליהו׃

  12. 2 מְלָכִים ג׳:י״בבערך תתצ״ה לפנה״ס

    ויאמר יהושפט יש אותו דבר יהוה וירדו אליו מלך ישראל ויהושפט ומלך אדום׃

  13. 2 מְלָכִים ג׳:י״גבערך תתצ״ה לפנה״ס

    ויאמר אלישע אל מלך ישראל מה לי ולך לך אל נביאי אביך ואל נביאי אמך ויאמר לו מלך ישראל אל כי קרא יהוה לשלשת המלכים האלה לתת אותם ביד מואב׃

  14. 2 מְלָכִים ג׳:י״דבערך תתצ״ה לפנה״ס

    ויאמר אלישע חי יהוה צבאות אשר עמדתי לפניו כי לולי פני יהושפט מלך יהודה אני נשא אם אביט אליך ואם אראך׃

  15. 2 מְלָכִים ג׳:ט״ובערך תתצ״ה לפנה״ס

    ועתה קחו לי מנגן והיה כנגן המנגן ותהי עליו יד יהוה׃

  16. 2 מְלָכִים ג׳:ט״זבערך תתצ״ה לפנה״ס

    ויאמר כה אמר יהוה עשה הנחל הזה גבים גבים׃

  17. 2 מְלָכִים ג׳:י״זבערך תתצ״ה לפנה״ס

    כי כה אמר יהוה לא תראו רוח ולא תראו גשם והנחל ההוא ימלא מים ושתיתם אתם ומקניכם ובהמתכם׃

  18. 2 מְלָכִים ג׳:י״חבערך תתצ״ה לפנה״ס

    ונקל זאת בעיני יהוה ונתן את מואב בידכם׃

  19. 2 מְלָכִים ג׳:י״טבערך תתצ״ה לפנה״ס

    והכיתם כל עיר מבצר וכל עיר מבחור וכל עץ טוב תפילו וכל מעיני מים תסתמו וכל החלקה הטובה תכאבו באבנים׃

  20. 2 מְלָכִים ג׳:כ׳בערך תתצ״ה לפנה״ס

    ויהי בבקר כעלות המנחה והנה מים באים מדרך אדום ותמלא הארץ את המים׃

  21. 2 מְלָכִים ג׳:כ״אבערך תתצ״ה לפנה״ס

    וכל מואב שמעו כי עלו המלכים להלחם בם ויצעקו מכל חגר חגרה ומעלה ויעמדו על הגבול׃

  22. 2 מְלָכִים ג׳:כ״בבערך תתצ״ה לפנה״ס

    וישכימו בבקר והשמש זרחה על המים ויראו מואב מנגד את המים אדמים כדם׃

  23. 2 מְלָכִים ג׳:כ״גבערך תתצ״ה לפנה״ס

    ויאמרו דם זה החרב נחרבו המלכים ויכו איש את רעהו ועתה לשלל מואב׃

  24. 2 מְלָכִים ג׳:כ״דבערך תתצ״ה לפנה״ס

    ויבאו אל מחנה ישראל ויקמו ישראל ויכו את מואב וינסו מפניהם ויבו בה והכות את מואב׃

  25. 2 מְלָכִים ג׳:כ״הבערך תתצ״ה לפנה״ס

    והערים יהרסו וכל חלקה טובה ישליכו איש אבנו ומלאוה וכל מעין מים יסתמו וכל עץ טוב יפילו עד השאיר אבניה בקיר חרשת ויסבו הקלעים ויכוה׃