circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 מְלָכִים י״ח:ל״ובערך ת״ו לפנה״ס

    ויהי בעלות המנחה ויגש אליהו הנביא ויאמר יהוה אלהי אברהם יצחק וישראל היום יודע כי אתה אלהים בישראל ואני עבדך ובדבריך עשיתי את כל הדברים האלה׃

  2. 1 מְלָכִים י״ח:ל״זבערך ת״ו לפנה״ס

    ענני יהוה ענני וידעו העם הזה כי אתה יהוה האלהים ואתה הסבת את לבם אחרנית׃

  3. 1 מְלָכִים י״ח:ל״חבערך ת״ו לפנה״ס

    ותפל אש יהוה ותאכל את העלה ואת העצים ואת האבנים ואת העפר ואת המים אשר בתעלה לחכה׃

  4. 1 מְלָכִים י״ח:ל״טבערך ת״ו לפנה״ס

    וירא כל העם ויפלו על פניהם ויאמרו יהוה הוא האלהים יהוה הוא האלהים׃

  5. 1 מְלָכִים י״ח:מ׳בערך ת״ו לפנה״ס

    ויאמר אליהו להם תפשו את נביאי הבעל איש אל ימלט מהם ויתפשום ויורדם אליהו אל נחל קישון וישחטם שם׃

  6. 1 מְלָכִים י״ח:מ״אבערך ת״ו לפנה״ס

    ויאמר אליהו לאחאב עלה אכל ושתה כי קול המון הגשם׃

  7. 1 מְלָכִים י״ח:מ״בבערך ת״ו לפנה״ס

    ויעלה אחאב לאכל ולשתות ואליהו עלה אל ראש הכרמל ויגהר ארצה וישם פניו בין ברכו׃

  8. 1 מְלָכִים י״ח:מ״גבערך ת״ו לפנה״ס

    ויאמר אל נערו עלה נא הבט דרך ים ויעל ויבט ויאמר אין מאומה ויאמר שב שבע פעמים׃

  9. 1 מְלָכִים י״ח:מ״דבערך ת״ו לפנה״ס

    ויהי בשבעית ויאמר הנה עב קטנה ככף איש עלה מים ויאמר עלה אמר אל אחאב אסר ורד ולא יעצרכה הגשם׃

  10. 1 מְלָכִים י״ח:מ״הבערך ת״ו לפנה״ס

    ויהי עד כה ועד כה והשמים התקדרו עבים ורוח ויהי גשם גדול וירכב אחאב וילך יזרעאלה׃

  11. 1 מְלָכִים י״ח:מ״ובערך ת״ו לפנה״ס

    ויד יהוה היתה אל אליהו וישנס מתניו וירץ לפני אחאב עד באכה יזרעאלה׃

  12. 1 מְלָכִים י״ט:א׳בערך ת״ו לפנה״ס

    ¶ ויגד אחאב לאיזבל את כל אשר עשה אליהו ואת כל אשר הרג את כל הנביאים בחרב׃

  13. 1 מְלָכִים י״ט:ב׳בערך ת״ו לפנה״ס

    ותשלח איזבל מלאך אל אליהו לאמר כה יעשון אלהים וכה יוספון כי כעת מחר אשים את נפשך כנפש אחד מהם׃

  14. 1 מְלָכִים י״ט:ג׳בערך ת״ו לפנה״ס

    וירא ויקם וילך אל נפשו ויבא באר שבע אשר ליהודה וינח את נערו שם׃

  15. 1 מְלָכִים י״ט:ד׳בערך ת״ו לפנה״ס

    והוא הלך במדבר דרך יום ויבא וישב תחת רתם אחת וישאל את נפשו למות ויאמר רב עתה יהוה קח נפשי כי לא טוב אנכי מאבתי׃

  16. 1 מְלָכִים י״ט:ה׳בערך ת״ו לפנה״ס

    וישכב ויישן תחת רתם אחד והנה זה מלאך נגע בו ויאמר לו קום אכול׃

  17. 1 מְלָכִים י״ט:ו׳בערך ת״ו לפנה״ס

    ויבט והנה מראשתיו עגת רצפים וצפחת מים ויאכל וישת וישב וישכב׃

  18. 1 מְלָכִים י״ט:ז׳בערך ת״ו לפנה״ס

    וישב מלאך יהוה שנית ויגע בו ויאמר קום אכל כי רב ממך הדרך׃

  19. 1 מְלָכִים י״ט:ח׳בערך ת״ו לפנה״ס

    ויקם ויאכל וישתה וילך בכח האכילה ההיא ארבעים יום וארבעים לילה עד הר האלהים חרב׃

  20. 1 מְלָכִים י״ט:ט׳בערך ת״ו לפנה״ס

    ויבא שם אל המערה וילן שם והנה דבר יהוה אליו ויאמר לו מה לך פה אליהו׃

  21. 1 מְלָכִים י״ט:י׳בערך ת״ו לפנה״ס

    ויאמר קנא קנאתי ליהוה אלהי צבאות כי עזבו בריתך בני ישראל את מזבחתיך הרסו ואת נביאיך הרגו בחרב ואותר אני לבדי ויבקשו את נפשי לקחתה׃

  22. 1 מְלָכִים י״ט:י״אבערך ת״ו לפנה״ס

    ויאמר צא ועמדת בהר לפני יהוה והנה יהוה עבר ורוח גדולה וחזק מפרק הרים ומשבר סלעים לפני יהוה לא ברוח יהוה ואחר הרוח רעש לא ברעש יהוה׃

  23. 1 מְלָכִים י״ט:י״בבערך ת״ו לפנה״ס

    ואחר הרעש אש לא באש יהוה ואחר האש קול דממה דקה׃

  24. 1 מְלָכִים י״ט:י״גבערך ת״ו לפנה״ס

    ויהי כשמע אליהו וילט פניו באדרתו ויצא ויעמד פתח המערה והנה אליו קול ויאמר מה לך פה אליהו׃

  25. 1 מְלָכִים י״ט:י״דבערך ת״ו לפנה״ס

    ויאמר קנא קנאתי ליהוה אלהי צבאות כי עזבו בריתך בני ישראל את מזבחתיך הרסו ואת נביאיך הרגו בחרב ואותר אני לבדי ויבקשו את נפשי לקחתה׃