circa 930–586 BC

The Divided Kingdom

The kingdom splits into Israel and Judah; prophets warn of judgment as both nations slowly drift into idolatry and exile.

1,722 פסוקים · 3 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 מְלָכִים י״ז:י׳בערך ת״ט לפנה״ס

    ויקם וילך צרפתה ויבא אל פתח העיר והנה שם אשה אלמנה מקששת עצים ויקרא אליה ויאמר קחי נא לי מעט מים בכלי ואשתה׃

  2. 1 מְלָכִים י״ז:י״אבערך ת״ט לפנה״ס

    ותלך לקחת ויקרא אליה ויאמר לקחי נא לי פת לחם בידך׃

  3. 1 מְלָכִים י״ז:י״בבערך ת״ט לפנה״ס

    ותאמר חי יהוה אלהיך אם יש לי מעוג כי אם מלא כף קמח בכד ומעט שמן בצפחת והנני מקששת שנים עצים ובאתי ועשיתיהו לי ולבני ואכלנהו ומתנו׃

  4. 1 מְלָכִים י״ז:י״גבערך ת״ט לפנה״ס

    ויאמר אליה אליהו אל תיראי באי עשי כדברך אך עשי לי משם עגה קטנה בראשנה והוצאת לי ולך ולבנך תעשי באחרנה׃

  5. 1 מְלָכִים י״ז:י״דבערך ת״ט לפנה״ס

    כי כה אמר יהוה אלהי ישראל כד הקמח לא תכלה וצפחת השמן לא תחסר עד יום תתן יהוה גשם על פני האדמה׃

  6. 1 מְלָכִים י״ז:ט״ובערך ת״ט לפנה״ס

    ותלך ותעשה כדבר אליהו ותאכל הוא והיא וביתה ימים׃

  7. 1 מְלָכִים י״ז:ט״זבערך ת״ט לפנה״ס

    כד הקמח לא כלתה וצפחת השמן לא חסר כדבר יהוה אשר דבר ביד אליהו׃

  8. 1 מְלָכִים י״ז:י״זבערך ת״ח לפנה״ס

    ויהי אחר הדברים האלה חלה בן האשה בעלת הבית ויהי חליו חזק מאד עד אשר לא נותרה בו נשמה׃

  9. 1 מְלָכִים י״ז:י״חבערך ת״ח לפנה״ס

    ותאמר אל אליהו מה לי ולך איש האלהים באת אלי להזכיר את עוני ולהמית את בני׃

  10. 1 מְלָכִים י״ז:י״טבערך ת״ח לפנה״ס

    ויאמר אליה תני לי את בנך ויקחהו מחיקה ויעלהו אל העליה אשר הוא ישב שם וישכבהו על מטתו׃

  11. 1 מְלָכִים י״ז:כ׳בערך ת״ח לפנה״ס

    ויקרא אל יהוה ויאמר יהוה אלהי הגם על האלמנה אשר אני מתגורר עמה הרעות להמית את בנה׃

  12. 1 מְלָכִים י״ז:כ״אבערך ת״ח לפנה״ס

    ויתמדד על הילד שלש פעמים ויקרא אל יהוה ויאמר יהוה אלהי תשב נא נפש הילד הזה על קרבו׃

  13. 1 מְלָכִים י״ז:כ״בבערך ת״ח לפנה״ס

    וישמע יהוה בקול אליהו ותשב נפש הילד על קרבו ויחי׃

  14. 1 מְלָכִים י״ז:כ״גבערך ת״ח לפנה״ס

    ויקח אליהו את הילד וירדהו מן העליה הביתה ויתנהו לאמו ויאמר אליהו ראי חי בנך׃

  15. 1 מְלָכִים י״ז:כ״דבערך ת״ח לפנה״ס

    ותאמר האשה אל אליהו עתה זה ידעתי כי איש אלהים אתה ודבר יהוה בפיך אמת׃

  16. 1 מְלָכִים י״ח:א׳בערך ת״ו לפנה״ס

    ¶ ויהי ימים רבים ודבר יהוה היה אל אליהו בשנה השלישית לאמר לך הראה אל אחאב ואתנה מטר על פני האדמה׃

  17. 1 מְלָכִים י״ח:ב׳בערך ת״ו לפנה״ס

    וילך אליהו להראות אל אחאב והרעב חזק בשמרון׃

  18. 1 מְלָכִים י״ח:ג׳בערך ת״ו לפנה״ס

    ויקרא אחאב אל עבדיהו אשר על הבית ועבדיהו היה ירא את יהוה מאד׃

  19. 1 מְלָכִים י״ח:ד׳בערך ת״ו לפנה״ס

    ויהי בהכרית איזבל את נביאי יהוה ויקח עבדיהו מאה נבאים ויחביאם חמשים איש במערה וכלכלם לחם ומים׃

  20. 1 מְלָכִים י״ח:ה׳בערך ת״ו לפנה״ס

    ויאמר אחאב אל עבדיהו לך בארץ אל כל מעיני המים ואל כל הנחלים אולי נמצא חציר ונחיה סוס ופרד ולוא נכרית מהבהמה׃

  21. 1 מְלָכִים י״ח:ו׳בערך ת״ו לפנה״ס

    ויחלקו להם את הארץ לעבר בה אחאב הלך בדרך אחד לבדו ועבדיהו הלך בדרך אחד לבדו׃

  22. 1 מְלָכִים י״ח:ז׳בערך ת״ו לפנה״ס

    ויהי עבדיהו בדרך והנה אליהו לקראתו ויכרהו ויפל על פניו ויאמר האתה זה אדני אליהו׃

  23. 1 מְלָכִים י״ח:ח׳בערך ת״ו לפנה״ס

    ויאמר לו אני לך אמר לאדניך הנה אליהו׃

  24. 1 מְלָכִים י״ח:ט׳בערך ת״ו לפנה״ס

    ויאמר מה חטאתי כי אתה נתן את עבדך ביד אחאב להמיתני׃

  25. 1 מְלָכִים י״ח:י׳בערך ת״ו לפנה״ס

    חי יהוה אלהיך אם יש גוי וממלכה אשר לא שלח אדני שם לבקשך ואמרו אין והשביע את הממלכה ואת הגוי כי לא ימצאכה׃