circa 1050–1010 BC

Samuel & King Saul

Israel demands a king; Samuel anoints Saul, whose disobedience leads to his rejection as God chooses a man after his own heart.

810 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. 1 שְׁמוּאֵל כ״ח:כ״אבערך תנ״ו לפנה״ס

    ותבוא האשה אל שאול ותרא כי נבהל מאד ותאמר אליו הנה שמעה שפחתך בקולך ואשים נפשי בכפי ואשמע את דבריך אשר דברת אלי׃

  2. 1 שְׁמוּאֵל כ״ח:כ״בבערך תנ״ו לפנה״ס

    ועתה שמע נא גם אתה בקול שפחתך ואשמה לפניך פת לחם ואכול ויהי בך כח כי תלך בדרך׃

  3. 1 שְׁמוּאֵל כ״ח:כ״גבערך תנ״ו לפנה״ס

    וימאן ויאמר לא אכל ויפרצו בו עבדיו וגם האשה וישמע לקלם ויקם מהארץ וישב אל המטה׃

  4. 1 שְׁמוּאֵל כ״ח:כ״דבערך תנ״ו לפנה״ס

    ולאשה עגל מרבק בבית ותמהר ותזבחהו ותקח קמח ותלש ותפהו מצות׃

  5. 1 שְׁמוּאֵל כ״ח:כ״הבערך תנ״ו לפנה״ס

    ותגש לפני שאול ולפני עבדיו ויאכלו ויקמו וילכו בלילה ההוא׃

  6. 1 שְׁמוּאֵל כ״ט:א׳בערך תנ״ו לפנה״ס

    ¶ ויקבצו פלשתים את כל מחניהם אפקה וישראל חנים בעין אשר ביזרעאל׃

  7. 1 שְׁמוּאֵל כ״ט:ב׳בערך תנ״ו לפנה״ס

    וסרני פלשתים עברים למאות ולאלפים ודוד ואנשיו עברים באחרנה עם אכיש׃

  8. 1 שְׁמוּאֵל כ״ט:ג׳בערך תנ״ו לפנה״ס

    ויאמרו שרי פלשתים מה העברים האלה ויאמר אכיש אל שרי פלשתים הלוא זה דוד עבד שאול מלך ישראל אשר היה אתי זה ימים או זה שנים ולא מצאתי בו מאומה מיום נפלו עד היום הזה׃

  9. 1 שְׁמוּאֵל כ״ט:ד׳בערך תנ״ו לפנה״ס

    ויקצפו עליו שרי פלשתים ויאמרו לו שרי פלשתים השב את האיש וישב אל מקומו אשר הפקדתו שם ולא ירד עמנו במלחמה ולא יהיה לנו לשטן במלחמה ובמה יתרצה זה אל אדניו הלוא בראשי האנשים ההם׃

  10. 1 שְׁמוּאֵל כ״ט:ה׳בערך תנ״ו לפנה״ס

    הלוא זה דוד אשר יענו לו במחלות לאמר הכה שאול באלפו ודוד ברבבתו׃

  11. 1 שְׁמוּאֵל כ״ט:ו׳בערך תנ״ו לפנה״ס

    ויקרא אכיש אל דוד ויאמר אליו חי יהוה כי ישר אתה וטוב בעיני צאתך ובאך אתי במחנה כי לא מצאתי בך רעה מיום באך אלי עד היום הזה ובעיני הסרנים לא טוב אתה׃

  12. 1 שְׁמוּאֵל כ״ט:ז׳בערך תנ״ו לפנה״ס

    ועתה שוב ולך בשלום ולא תעשה רע בעיני סרני פלשתים׃

  13. 1 שְׁמוּאֵל כ״ט:ח׳בערך תנ״ו לפנה״ס

    ויאמר דוד אל אכיש כי מה עשיתי ומה מצאת בעבדך מיום אשר הייתי לפניך עד היום הזה כי לא אבוא ונלחמתי באיבי אדני המלך׃

  14. 1 שְׁמוּאֵל כ״ט:ט׳בערך תנ״ו לפנה״ס

    ויען אכיש ויאמר אל דוד ידעתי כי טוב אתה בעיני כמלאך אלהים אך שרי פלשתים אמרו לא יעלה עמנו במלחמה׃

  15. 1 שְׁמוּאֵל כ״ט:י׳בערך תנ״ו לפנה״ס

    ועתה השכם בבקר ועבדי אדניך אשר באו אתך והשכמתם בבקר ואור לכם ולכו׃

  16. 1 שְׁמוּאֵל כ״ט:י״אבערך תנ״ו לפנה״ס

    וישכם דוד הוא ואנשיו ללכת בבקר לשוב אל ארץ פלשתים ופלשתים עלו יזרעאל׃

  17. 1 שְׁמוּאֵל ל׳:א׳בערך תנ״ו לפנה״ס

    ¶ ויהי בבא דוד ואנשיו צקלג ביום השלישי ועמלקי פשטו אל נגב ואל צקלג ויכו את צקלג וישרפו אתה באש׃

  18. 1 שְׁמוּאֵל ל׳:ב׳בערך תנ״ו לפנה״ס

    וישבו את הנשים אשר בה מקטן ועד גדול לא המיתו איש וינהגו וילכו לדרכם׃

  19. 1 שְׁמוּאֵל ל׳:ג׳בערך תנ״ו לפנה״ס

    ויבא דוד ואנשיו אל העיר והנה שרופה באש ונשיהם ובניהם ובנתיהם נשבו׃

  20. 1 שְׁמוּאֵל ל׳:ד׳בערך תנ״ו לפנה״ס

    וישא דוד והעם אשר אתו את קולם ויבכו עד אשר אין בהם כח לבכות׃

  21. 1 שְׁמוּאֵל ל׳:ה׳בערך תנ״ו לפנה״ס

    ושתי נשי דוד נשבו אחינעם היזרעלית ואביגיל אשת נבל הכרמלי׃

  22. 1 שְׁמוּאֵל ל׳:ו׳בערך תנ״ו לפנה״ס

    ותצר לדוד מאד כי אמרו העם לסקלו כי מרה נפש כל העם איש על בנו ועל בנתיו ויתחזק דוד ביהוה אלהיו׃

  23. 1 שְׁמוּאֵל ל׳:ז׳בערך תנ״ו לפנה״ס

    ויאמר דוד אל אביתר הכהן בן אחימלך הגישה נא לי האפד ויגש אביתר את האפד אל דוד׃

  24. 1 שְׁמוּאֵל ל׳:ח׳בערך תנ״ו לפנה״ס

    וישאל דוד ביהוה לאמר ארדף אחרי הגדוד הזה האשגנו ויאמר לו רדף כי השג תשיג והצל תציל׃

  25. 1 שְׁמוּאֵל ל׳:ט׳בערך תנ״ו לפנה״ס

    וילך דוד הוא ושש מאות איש אשר אתו ויבאו עד נחל הבשור והנותרים עמדו׃