circa 1050–1010 BC

Samuel & King Saul

Israel demands a king; Samuel anoints Saul, whose disobedience leads to his rejection as God chooses a man after his own heart.

810 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. 1 שְׁמוּאֵל כ״ז:ח׳בערך תנ״ו לפנה״ס

    ויעל דוד ואנשיו ויפשטו אל הגשורי והגרזי והעמלקי כי הנה ישבות הארץ אשר מעולם בואך שורה ועד ארץ מצרים׃

  2. 1 שְׁמוּאֵל כ״ז:ט׳בערך תנ״ו לפנה״ס

    והכה דוד את הארץ ולא יחיה איש ואשה ולקח צאן ובקר וחמרים וגמלים ובגדים וישב ויבא אל אכיש׃

  3. 1 שְׁמוּאֵל כ״ז:י׳בערך תנ״ו לפנה״ס

    ויאמר אכיש אל פשטתם היום ויאמר דוד על נגב יהודה ועל נגב הירחמאלי ואל נגב הקיני׃

  4. 1 שְׁמוּאֵל כ״ז:י״אבערך תנ״ו לפנה״ס

    ואיש ואשה לא יחיה דוד להביא גת לאמר פן יגדו עלינו לאמר כה עשה דוד וכה משפטו כל הימים אשר ישב בשדה פלשתים׃

  5. 1 שְׁמוּאֵל כ״ז:י״בבערך תנ״ו לפנה״ס

    ויאמן אכיש בדוד לאמר הבאש הבאיש בעמו בישראל והיה לי לעבד עולם׃

  6. 1 שְׁמוּאֵל כ״ח:א׳בערך תנ״ו לפנה״ס

    ¶ ויהי בימים ההם ויקבצו פלשתים את מחניהם לצבא להלחם בישראל ויאמר אכיש אל דוד ידע תדע כי אתי תצא במחנה אתה ואנשיך׃

  7. 1 שְׁמוּאֵל כ״ח:ב׳בערך תנ״ו לפנה״ס

    ויאמר דוד אל אכיש לכן אתה תדע את אשר יעשה עבדך ויאמר אכיש אל דוד לכן שמר לראשי אשימך כל הימים׃

  8. 1 שְׁמוּאֵל כ״ח:ג׳בערך תנ״ו לפנה״ס

    ושמואל מת ויספדו לו כל ישראל ויקברהו ברמה ובעירו ושאול הסיר האבות ואת הידענים מהארץ׃

  9. 1 שְׁמוּאֵל כ״ח:ד׳בערך תנ״ו לפנה״ס

    ויקבצו פלשתים ויבאו ויחנו בשונם ויקבץ שאול את כל ישראל ויחנו בגלבע׃

  10. 1 שְׁמוּאֵל כ״ח:ה׳בערך תנ״ו לפנה״ס

    וירא שאול את מחנה פלשתים וירא ויחרד לבו מאד׃

  11. 1 שְׁמוּאֵל כ״ח:ו׳בערך תנ״ו לפנה״ס

    וישאל שאול ביהוה ולא ענהו יהוה גם בחלמות גם באורים גם בנביאם׃

  12. 1 שְׁמוּאֵל כ״ח:ז׳בערך תנ״ו לפנה״ס

    ויאמר שאול לעבדיו בקשו לי אשת בעלת אוב ואלכה אליה ואדרשה בה ויאמרו עבדיו אליו הנה אשת בעלת אוב בעין דור׃

  13. 1 שְׁמוּאֵל כ״ח:ח׳בערך תנ״ו לפנה״ס

    ויתחפש שאול וילבש בגדים אחרים וילך הוא ושני אנשים עמו ויבאו אל האשה לילה ויאמר קסומי נא לי באוב והעלי לי את אשר אמר אליך׃

  14. 1 שְׁמוּאֵל כ״ח:ט׳בערך תנ״ו לפנה״ס

    ותאמר האשה אליו הנה אתה ידעת את אשר עשה שאול אשר הכרית את האבות ואת הידעני מן הארץ ולמה אתה מתנקש בנפשי להמיתני׃

  15. 1 שְׁמוּאֵל כ״ח:י׳בערך תנ״ו לפנה״ס

    וישבע לה שאול ביהוה לאמר חי יהוה אם יקרך עון בדבר הזה׃

  16. 1 שְׁמוּאֵל כ״ח:י״אבערך תנ״ו לפנה״ס

    ותאמר האשה את מי אעלה לך ויאמר את שמואל העלי לי׃

  17. 1 שְׁמוּאֵל כ״ח:י״בבערך תנ״ו לפנה״ס

    ותרא האשה את שמואל ותזעק בקול גדול ותאמר האשה אל שאול לאמר למה רמיתני ואתה שאול׃

  18. 1 שְׁמוּאֵל כ״ח:י״גבערך תנ״ו לפנה״ס

    ויאמר לה המלך אל תיראי כי מה ראית ותאמר האשה אל שאול אלהים ראיתי עלים מן הארץ׃

  19. 1 שְׁמוּאֵל כ״ח:י״דבערך תנ״ו לפנה״ס

    ויאמר לה מה תארו ותאמר איש זקן עלה והוא עטה מעיל וידע שאול כי שמואל הוא ויקד אפים ארצה וישתחו׃

  20. 1 שְׁמוּאֵל כ״ח:ט״ובערך תנ״ו לפנה״ס

    ויאמר שמואל אל שאול למה הרגזתני להעלות אתי ויאמר שאול צר לי מאד ופלשתים נלחמים בי ואלהים סר מעלי ולא ענני עוד גם ביד הנביאם גם בחלמות ואקראה לך להודיעני מה אעשה׃

  21. 1 שְׁמוּאֵל כ״ח:ט״זבערך תנ״ו לפנה״ס

    ויאמר שמואל ולמה תשאלני ויהוה סר מעליך ויהי ערך׃

  22. 1 שְׁמוּאֵל כ״ח:י״זבערך תנ״ו לפנה״ס

    ויעש יהוה לו כאשר דבר בידי ויקרע יהוה את הממלכה מידך ויתנה לרעך לדוד׃

  23. 1 שְׁמוּאֵל כ״ח:י״חבערך תנ״ו לפנה״ס

    כאשר לא שמעת בקול יהוה ולא עשית חרון אפו בעמלק על כן הדבר הזה עשה לך יהוה היום הזה׃

  24. 1 שְׁמוּאֵל כ״ח:י״טבערך תנ״ו לפנה״ס

    ויתן יהוה גם את ישראל עמך ביד פלשתים ומחר אתה ובניך עמי גם את מחנה ישראל יתן יהוה ביד פלשתים׃

  25. 1 שְׁמוּאֵל כ״ח:כ׳בערך תנ״ו לפנה״ס

    וימהר שאול ויפל מלא קומתו ארצה וירא מאד מדברי שמואל גם כח לא היה בו כי לא אכל לחם כל היום וכל הלילה׃