circa 1050–1010 BC

Samuel & King Saul

Israel demands a king; Samuel anoints Saul, whose disobedience leads to his rejection as God chooses a man after his own heart.

810 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. 1 שְׁמוּאֵל ל׳:י׳בערך תנ״ו לפנה״ס

    וירדף דוד הוא וארבע מאות איש ויעמדו מאתים איש אשר פגרו מעבר את נחל הבשור׃

  2. 1 שְׁמוּאֵל ל׳:י״אבערך תנ״ו לפנה״ס

    וימצאו איש מצרי בשדה ויקחו אתו אל דוד ויתנו לו לחם ויאכל וישקהו מים׃

  3. 1 שְׁמוּאֵל ל׳:י״בבערך תנ״ו לפנה״ס

    ויתנו לו פלח דבלה ושני צמקים ויאכל ותשב רוחו אליו כי לא אכל לחם ולא שתה מים שלשה ימים ושלשה לילות׃

  4. 1 שְׁמוּאֵל ל׳:י״גבערך תנ״ו לפנה״ס

    ויאמר לו דוד למי אתה ואי מזה אתה ויאמר נער מצרי אנכי עבד לאיש עמלקי ויעזבני אדני כי חליתי היום שלשה׃

  5. 1 שְׁמוּאֵל ל׳:י״דבערך תנ״ו לפנה״ס

    אנחנו פשטנו נגב הכרתי ועל אשר ליהודה ועל נגב כלב ואת צקלג שרפנו באש׃

  6. 1 שְׁמוּאֵל ל׳:ט״ובערך תנ״ו לפנה״ס

    ויאמר אליו דוד התורדני אל הגדוד הזה ויאמר השבעה לי באלהים אם תמיתני ואם תסגרני ביד אדני ואורדך אל הגדוד הזה׃

  7. 1 שְׁמוּאֵל ל׳:ט״זבערך תנ״ו לפנה״ס

    וירדהו והנה נטשים על פני כל הארץ אכלים ושתים וחגגים בכל השלל הגדול אשר לקחו מארץ פלשתים ומארץ יהודה׃

  8. 1 שְׁמוּאֵל ל׳:י״זבערך תנ״ו לפנה״ס

    ויכם דוד מהנשף ועד הערב למחרתם ולא נמלט מהם איש כי אם ארבע מאות איש נער אשר רכבו על הגמלים וינסו׃

  9. 1 שְׁמוּאֵל ל׳:י״חבערך תנ״ו לפנה״ס

    ויצל דוד את כל אשר לקחו עמלק ואת שתי נשיו הציל דוד׃

  10. 1 שְׁמוּאֵל ל׳:י״טבערך תנ״ו לפנה״ס

    ולא נעדר להם מן הקטן ועד הגדול ועד בנים ובנות ומשלל ועד כל אשר לקחו להם הכל השיב דוד׃

  11. 1 שְׁמוּאֵל ל׳:כ׳בערך תנ״ו לפנה״ס

    ויקח דוד את כל הצאן והבקר נהגו לפני המקנה ההוא ויאמרו זה שלל דוד׃

  12. 1 שְׁמוּאֵל ל׳:כ״אבערך תנ״ו לפנה״ס

    ויבא דוד אל מאתים האנשים אשר פגרו מלכת אחרי דוד וישיבם בנחל הבשור ויצאו לקראת דוד ולקראת העם אשר אתו ויגש דוד את העם וישאל להם לשלום׃

  13. 1 שְׁמוּאֵל ל׳:כ״בבערך תנ״ו לפנה״ס

    ויען כל איש רע ובליעל מהאנשים אשר הלכו עם דוד ויאמרו יען אשר לא הלכו עמי לא נתן להם מהשלל אשר הצלנו כי אם איש את אשתו ואת בניו וינהגו וילכו׃

  14. 1 שְׁמוּאֵל ל׳:כ״גבערך תנ״ו לפנה״ס

    ויאמר דוד לא תעשו כן אחי את אשר נתן יהוה לנו וישמר אתנו ויתן את הגדוד הבא עלינו בידנו׃

  15. 1 שְׁמוּאֵל ל׳:כ״דבערך תנ״ו לפנה״ס

    ומי ישמע לכם לדבר הזה כי כחלק הירד במלחמה וכחלק הישב על הכלים יחדו יחלקו׃

  16. 1 שְׁמוּאֵל ל׳:כ״הבערך תנ״ו לפנה״ס

    ויהי מהיום ההוא ומעלה וישמה לחק ולמשפט לישראל עד היום הזה׃

  17. 1 שְׁמוּאֵל ל׳:כ״ובערך תנ״ו לפנה״ס

    ויבא דוד אל צקלג וישלח מהשלל לזקני יהודה לרעהו לאמר הנה לכם ברכה משלל איבי יהוה׃

  18. 1 שְׁמוּאֵל ל׳:כ״זבערך תנ״ו לפנה״ס

    לאשר בבית אל ולאשר ברמות נגב ולאשר ביתר׃

  19. 1 שְׁמוּאֵל ל׳:כ״חבערך תנ״ו לפנה״ס

    ולאשר בערער ולאשר בשפמות ולאשר באשתמע׃

  20. 1 שְׁמוּאֵל ל׳:כ״טבערך תנ״ו לפנה״ס

    ולאשר ברכל ולאשר בערי הירחמאלי ולאשר בערי הקיני׃

  21. 1 שְׁמוּאֵל ל׳:ל׳בערך תנ״ו לפנה״ס

    ולאשר בחרמה ולאשר בבור עשן ולאשר בעתך׃

  22. 1 שְׁמוּאֵל ל׳:ל״אבערך תנ״ו לפנה״ס

    ולאשר בחברון ולכל המקמות אשר התהלך שם דוד הוא ואנשיו׃

  23. 1 שְׁמוּאֵל ל״א:א׳בערך תנ״ו לפנה״ס

    ¶ ופלשתים נלחמים בישראל וינסו אנשי ישראל מפני פלשתים ויפלו חללים בהר הגלבע׃

  24. 1 שְׁמוּאֵל ל״א:ב׳בערך תנ״ו לפנה״ס

    וידבקו פלשתים את שאול ואת בניו ויכו פלשתים את יהונתן ואת אבינדב ואת מלכי שוע בני שאול׃

  25. 1 שְׁמוּאֵל ל״א:ג׳בערך תנ״ו לפנה״ס

    ותכבד המלחמה אל שאול וימצאהו המורים אנשים בקשת ויחל מאד מהמורים׃