Jonathan

83 פסוקים · 10 בני משפחה

פסוקים המזכירים את Jonathan

סינון לפי ספר
  1. 1 שְׁמוּאֵל י״ג:ב׳

    ויבחר לו שאול שלשת אלפים מישראל ויהיו עם שאול אלפים במכמש ובהר בית אל ואלף היו עם יונתן בגבעת בנימין ויתר העם שלח איש לאהליו׃

  2. 1 שְׁמוּאֵל י״ג:ג׳

    ויך יונתן את נציב פלשתים אשר בגבע וישמעו פלשתים ושאול תקע בשופר בכל הארץ לאמר ישמעו העברים׃

  3. 1 שְׁמוּאֵל י״ג:ט״ז

    ושאול ויונתן בנו והעם הנמצא עמם ישבים בגבע בנימן ופלשתים חנו במכמש׃

  4. 1 שְׁמוּאֵל י״ג:כ״ב

    והיה ביום מלחמת ולא נמצא חרב וחנית ביד כל העם אשר את שאול ואת יונתן ותמצא לשאול וליונתן בנו׃

  5. 1 שְׁמוּאֵל י״ד:א׳

    ¶ ויהי היום ויאמר יונתן בן שאול אל הנער נשא כליו לכה ונעברה אל מצב פלשתים אשר מעבר הלז ולאביו לא הגיד׃

  6. 1 שְׁמוּאֵל י״ד:ג׳

    ואחיה בן אחטוב אחי איכבוד בן פינחס בן עלי כהן יהוה בשלו נשא אפוד והעם לא ידע כי הלך יונתן׃

  7. 1 שְׁמוּאֵל י״ד:ד׳

    ובין המעברות אשר בקש יונתן לעבר על מצב פלשתים שן הסלע מהעבר מזה ושן הסלע מהעבר מזה ושם האחד בוצץ ושם האחד סנה׃

  8. 1 שְׁמוּאֵל י״ד:ו׳

    ויאמר יהונתן אל הנער נשא כליו לכה ונעברה אל מצב הערלים האלה אולי יעשה יהוה לנו כי אין ליהוה מעצור להושיע ברב או במעט׃

  9. 1 שְׁמוּאֵל י״ד:ח׳

    ויאמר יהונתן הנה אנחנו עברים אל האנשים ונגלינו אליהם׃

  10. 1 שְׁמוּאֵל י״ד:י״ב

    ויענו אנשי המצבה את יונתן ואת נשא כליו ויאמרו עלו אלינו ונודיעה אתכם דבר ויאמר יונתן אל נשא כליו עלה אחרי כי נתנם יהוה ביד ישראל׃

  11. 1 שְׁמוּאֵל י״ד:י״ג

    ויעל יונתן על ידיו ועל רגליו ונשא כליו אחריו ויפלו לפני יונתן ונשא כליו ממותת אחריו׃

  12. 1 שְׁמוּאֵל י״ד:י״ד

    ותהי המכה הראשנה אשר הכה יונתן ונשא כליו כעשרים איש כבחצי מענה צמד שדה׃

  13. 1 שְׁמוּאֵל י״ד:י״ז

    ויאמר שאול לעם אשר אתו פקדו נא וראו מי הלך מעמנו ויפקדו והנה אין יונתן ונשא כליו׃

  14. 1 שְׁמוּאֵל י״ד:כ״א

    והעברים היו לפלשתים כאתמול שלשום אשר עלו עמם במחנה סביב וגם המה להיות עם ישראל אשר עם שאול ויונתן׃

  15. 1 שְׁמוּאֵל י״ד:כ״ז

    ויונתן לא שמע בהשביע אביו את העם וישלח את קצה המטה אשר בידו ויטבל אותה ביערת הדבש וישב ידו אל פיו ותראנה עיניו׃

  16. 1 שְׁמוּאֵל י״ד:כ״ט

    ויאמר יונתן עכר אבי את הארץ ראו נא כי ארו עיני כי טעמתי מעט דבש הזה׃

  17. 1 שְׁמוּאֵל י״ד:ל״ט

    כי חי יהוה המושיע את ישראל כי אם ישנו ביונתן בני כי מות ימות ואין ענהו מכל העם׃

  18. 1 שְׁמוּאֵל י״ד:מ׳

    ויאמר אל כל ישראל אתם תהיו לעבר אחד ואני ויונתן בני נהיה לעבר אחד ויאמרו העם אל שאול הטוב בעיניך עשה׃

  19. 1 שְׁמוּאֵל י״ד:מ״א

    ויאמר שאול אל יהוה אלהי ישראל הבה תמים וילכד יונתן ושאול והעם יצאו׃

  20. 1 שְׁמוּאֵל י״ד:מ״ב

    ויאמר שאול הפילו ביני ובין יונתן בני וילכד יונתן׃

  21. 1 שְׁמוּאֵל י״ד:מ״ג

    ויאמר שאול אל יונתן הגידה לי מה עשיתה ויגד לו יונתן ויאמר טעם טעמתי בקצה המטה אשר בידי מעט דבש הנני אמות׃

  22. 1 שְׁמוּאֵל י״ד:מ״ד

    ויאמר שאול כה יעשה אלהים וכה יוסף כי מות תמות יונתן׃

  23. 1 שְׁמוּאֵל י״ד:מ״ה

    ויאמר העם אל שאול היונתן ימות אשר עשה הישועה הגדולה הזאת בישראל חלילה חי יהוה אם יפל משערת ראשו ארצה כי עם אלהים עשה היום הזה ויפדו העם את יונתן ולא מת׃

  24. 1 שְׁמוּאֵל י״ד:מ״ט

    ויהיו בני שאול יונתן וישוי ומלכי שוע ושם שתי בנתיו שם הבכירה מרב ושם הקטנה מיכל׃

  25. 1 שְׁמוּאֵל י״ח:א׳

    ¶ ויהי ככלתו לדבר אל שאול ונפש יהונתן נקשרה בנפש דוד ויאהבו יהונתן כנפשו׃