Jonathan

83 פסוקים · 10 בני משפחה

פסוקים המזכירים את Jonathan

1 שְׁמוּאֵל כ׳:ל״ד
ויקם יהונתן מעם השלחן בחרי אף ולא אכל ביום החדש השני לחם כי נעצב אל דוד כי הכלמו אביו׃
1 שְׁמוּאֵל כ׳:ל״ה
ויהי בבקר ויצא יהונתן השדה למועד דוד ונער קטן עמו׃
1 שְׁמוּאֵל כ׳:ל״ז
ויבא הנער עד מקום החצי אשר ירה יהונתן ויקרא יהונתן אחרי הנער ויאמר הלוא החצי ממך והלאה׃
1 שְׁמוּאֵל כ׳:ל״ח
ויקרא יהונתן אחרי הנער מהרה חושה אל תעמד וילקט נער יהונתן את החצי ויבא אל אדניו׃
1 שְׁמוּאֵל כ׳:ל״ט
והנער לא ידע מאומה אך יהונתן ודוד ידעו את הדבר׃
1 שְׁמוּאֵל כ׳:מ׳
ויתן יהונתן את כליו אל הנער אשר לו ויאמר לו לך הביא העיר׃
1 שְׁמוּאֵל כ׳:מ״ב
ויאמר יהונתן לדוד לך לשלום אשר נשבענו שנינו אנחנו בשם יהוה לאמר יהוה יהיה ביני ובינך ובין זרעי ובין זרעך עד עולם ויקם וילך ויהונתן בא העיר׃
1 שְׁמוּאֵל כ״ג:ט״ז
ויקם יהונתן בן שאול וילך אל דוד חרשה ויחזק את ידו באלהים׃
1 שְׁמוּאֵל כ״ג:י״ח
ויכרתו שניהם ברית לפני יהוה וישב דוד בחרשה ויהונתן הלך לביתו׃
1 שְׁמוּאֵל ל״א:ב׳
וידבקו פלשתים את שאול ואת בניו ויכו פלשתים את יהונתן ואת אבינדב ואת מלכי שוע בני שאול׃
2 שְׁמוּאֵל א׳:ד׳
ויאמר אליו דוד מה היה הדבר הגד נא לי ויאמר אשר נס העם מן המלחמה וגם הרבה נפל מן העם וימתו וגם שאול ויהונתן בנו מתו׃
2 שְׁמוּאֵל א׳:ה׳
ויאמר דוד אל הנער המגיד לו איך ידעת כי מת שאול ויהונתן בנו׃
2 שְׁמוּאֵל א׳:י״ב
ויספדו ויבכו ויצמו עד הערב על שאול ועל יהונתן בנו ועל עם יהוה ועל בית ישראל כי נפלו בחרב׃
2 שְׁמוּאֵל א׳:י״ז
ויקנן דוד את הקינה הזאת על שאול ועל יהונתן בנו׃
2 שְׁמוּאֵל א׳:כ״ב
מדם חללים מחלב גבורים קשת יהונתן לא נשוג אחור וחרב שאול לא תשוב ריקם׃
2 שְׁמוּאֵל א׳:כ״ג
שאול ויהונתן הנאהבים והנעימם בחייהם ובמותם לא נפרדו מנשרים קלו מאריות גברו׃
2 שְׁמוּאֵל א׳:כ״ה
איך נפלו גברים בתוך המלחמה יהונתן על במותיך חלל׃
2 שְׁמוּאֵל א׳:כ״ו
צר לי עליך אחי יהונתן נעמת לי מאד נפלאתה אהבתך לי מאהבת נשים׃
2 שְׁמוּאֵל ד׳:ד׳
וליהונתן בן שאול בן נכה רגלים בן חמש שנים היה בבא שמעת שאול ויהונתן מיזרעאל ותשאהו אמנתו ותנס ויהי בחפזה לנוס ויפל ויפסח ושמו מפיבשת׃
2 שְׁמוּאֵל ט׳:א׳
¶ ויאמר דוד הכי יש עוד אשר נותר לבית שאול ואעשה עמו חסד בעבור יהונתן׃
2 שְׁמוּאֵל ט׳:ג׳
ויאמר המלך האפס עוד איש לבית שאול ואעשה עמו חסד אלהים ויאמר ציבא אל המלך עוד בן ליהונתן נכה רגלים׃
2 שְׁמוּאֵל ט׳:ו׳
ויבא מפיבשת בן יהונתן בן שאול אל דוד ויפל על פניו וישתחו ויאמר דוד מפיבשת ויאמר הנה עבדך׃
2 שְׁמוּאֵל ט׳:ז׳
ויאמר לו דוד אל תירא כי עשה אעשה עמך חסד בעבור יהונתן אביך והשבתי לך את כל שדה שאול אביך ואתה תאכל לחם על שלחני תמיד׃
2 שְׁמוּאֵל כ״א:ז׳
ויחמל המלך על מפיבשת בן יהונתן בן שאול על שבעת יהוה אשר בינתם בין דוד ובין יהונתן בן שאול׃
2 שְׁמוּאֵל כ״א:י״ב
וילך דוד ויקח את עצמות שאול ואת עצמות יהונתן בנו מאת בעלי יביש גלעד אשר גנבו אתם מרחב בית שן אשר תלום שם הפלשתים ביום הכות פלשתים את שאול בגלבע׃

מציג 51–75 מתוך 83 פסוקים

הקודם 1 2 3 4 הבא