Mephibosheth

14 פסוקים · 2 בני משפחה

ידוע גם בשם: Merib-baal

פסוקים המזכירים את Mephibosheth

  1. 2 שְׁמוּאֵל ד׳:ד׳

    וליהונתן בן שאול בן נכה רגלים בן חמש שנים היה בבא שמעת שאול ויהונתן מיזרעאל ותשאהו אמנתו ותנס ויהי בחפזה לנוס ויפל ויפסח ושמו מפיבשת׃

  2. 2 שְׁמוּאֵל ט׳:ו׳

    ויבא מפיבשת בן יהונתן בן שאול אל דוד ויפל על פניו וישתחו ויאמר דוד מפיבשת ויאמר הנה עבדך׃

  3. 2 שְׁמוּאֵל ט׳:י׳

    ועבדת לו את האדמה אתה ובניך ועבדיך והבאת והיה לבן אדניך לחם ואכלו ומפיבשת בן אדניך יאכל תמיד לחם על שלחני ולציבא חמשה עשר בנים ועשרים עבדים׃

  4. 2 שְׁמוּאֵל ט׳:י״א

    ויאמר ציבא אל המלך ככל אשר יצוה אדני המלך את עבדו כן יעשה עבדך ומפיבשת אכל על שלחני כאחד מבני המלך׃

  5. 2 שְׁמוּאֵל ט׳:י״ב

    ולמפיבשת בן קטן ושמו מיכא וכל מושב בית ציבא עבדים למפיבשת׃

  6. 2 שְׁמוּאֵל ט׳:י״ג

    ומפיבשת ישב בירושלם כי על שלחן המלך תמיד הוא אכל והוא פסח שתי רגליו׃

  7. 2 שְׁמוּאֵל ט״ז:א׳

    ¶ ודוד עבר מעט מהראש והנה ציבא נער מפי בשת לקראתו וצמד חמרים חבשים ועליהם מאתים לחם ומאה צמוקים ומאה קיץ ונבל יין׃

  8. 2 שְׁמוּאֵל ט״ז:ד׳

    ויאמר המלך לצבא הנה לך כל אשר למפי בשת ויאמר ציבא השתחויתי אמצא חן בעיניך אדני המלך׃

  9. 2 שְׁמוּאֵל י״ט:כ״ד

    ומפבשת בן שאול ירד לקראת המלך ולא עשה רגליו ולא עשה שפמו ואת בגדיו לא כבס למן היום לכת המלך עד היום אשר בא בשלום׃

  10. 2 שְׁמוּאֵל י״ט:כ״ה

    ויהי כי בא ירושלם לקראת המלך ויאמר לו המלך למה לא הלכת עמי מפיבשת׃

  11. 2 שְׁמוּאֵל י״ט:ל׳

    ויאמר מפיבשת אל המלך גם את הכל יקח אחרי אשר בא אדני המלך בשלום אל ביתו׃

  12. 2 שְׁמוּאֵל כ״א:ז׳

    ויחמל המלך על מפיבשת בן יהונתן בן שאול על שבעת יהוה אשר בינתם בין דוד ובין יהונתן בן שאול׃

  13. 1 דִּבְרֵי הַיָּמִים ח׳:ל״ד

    ובן יהונתן מריב בעל ומריב בעל הוליד את מיכה׃

  14. 1 דִּבְרֵי הַיָּמִים ט׳:מ׳

    ובן יהונתן מריב בעל ומרי בעל הוליד את מיכה׃