פסוקים על Ziba

22 פסוקים · 2 היבטים

פסוקי מפתח

2 שְׁמוּאֵל ט׳:א׳
¶ ויאמר דוד הכי יש עוד אשר נותר לבית שאול ואעשה עמו חסד בעבור יהונתן׃
2 שְׁמוּאֵל ט׳:ב׳
ולבית שאול עבד ושמו ציבא ויקראו לו אל דוד ויאמר המלך אליו האתה ציבא ויאמר עבדך׃
2 שְׁמוּאֵל ט׳:ג׳
ויאמר המלך האפס עוד איש לבית שאול ואעשה עמו חסד אלהים ויאמר ציבא אל המלך עוד בן ליהונתן נכה רגלים׃
2 שְׁמוּאֵל ט׳:ד׳
ויאמר לו המלך איפה הוא ויאמר ציבא אל המלך הנה הוא בית מכיר בן עמיאל בלו דבר׃
2 שְׁמוּאֵל ט׳:ה׳
וישלח המלך דוד ויקחהו מבית מכיר בן עמיאל מלו דבר׃
2 שְׁמוּאֵל ט׳:ו׳
ויבא מפיבשת בן יהונתן בן שאול אל דוד ויפל על פניו וישתחו ויאמר דוד מפיבשת ויאמר הנה עבדך׃
2 שְׁמוּאֵל ט׳:ז׳
ויאמר לו דוד אל תירא כי עשה אעשה עמך חסד בעבור יהונתן אביך והשבתי לך את כל שדה שאול אביך ואתה תאכל לחם על שלחני תמיד׃
2 שְׁמוּאֵל ט׳:ח׳
וישתחו ויאמר מה עבדך כי פנית אל הכלב המת אשר כמוני׃
2 שְׁמוּאֵל ט׳:ט׳
ויקרא המלך אל ציבא נער שאול ויאמר אליו כל אשר היה לשאול ולכל ביתו נתתי לבן אדניך׃
2 שְׁמוּאֵל ט׳:י׳
ועבדת לו את האדמה אתה ובניך ועבדיך והבאת והיה לבן אדניך לחם ואכלו ומפיבשת בן אדניך יאכל תמיד לחם על שלחני ולציבא חמשה עשר בנים ועשרים עבדים׃
2 שְׁמוּאֵל ט׳:י״א
ויאמר ציבא אל המלך ככל אשר יצוה אדני המלך את עבדו כן יעשה עבדך ומפיבשת אכל על שלחני כאחד מבני המלך׃
2 שְׁמוּאֵל ט׳:י״ב
ולמפיבשת בן קטן ושמו מיכא וכל מושב בית ציבא עבדים למפיבשת׃
2 שְׁמוּאֵל ט׳:י״ג
ומפיבשת ישב בירושלם כי על שלחן המלך תמיד הוא אכל והוא פסח שתי רגליו׃
2 שְׁמוּאֵל ט״ז:א׳
¶ ודוד עבר מעט מהראש והנה ציבא נער מפי בשת לקראתו וצמד חמרים חבשים ועליהם מאתים לחם ומאה צמוקים ומאה קיץ ונבל יין׃
2 שְׁמוּאֵל ט״ז:ב׳
ויאמר המלך אל ציבא מה אלה לך ויאמר ציבא החמורים לבית המלך לרכב ולהלחם והקיץ לאכול הנערים והיין לשתות היעף במדבר׃
2 שְׁמוּאֵל ט״ז:ג׳
ויאמר המלך ואיה בן אדניך ויאמר ציבא אל המלך הנה יושב בירושלם כי אמר היום ישיבו לי בית ישראל את ממלכות אבי׃
2 שְׁמוּאֵל ט״ז:ד׳
ויאמר המלך לצבא הנה לך כל אשר למפי בשת ויאמר ציבא השתחויתי אמצא חן בעיניך אדני המלך׃
2 שְׁמוּאֵל י״ט:י״ז
ואלף איש עמו מבנימן וציבא נער בית שאול וחמשת עשר בניו ועשרים עבדיו אתו וצלחו הירדן לפני המלך׃
2 שְׁמוּאֵל י״ט:כ״ו
ויאמר אדני המלך עבדי רמני כי אמר עבדך אחבשה לי החמור וארכב עליה ואלך את המלך כי פסח עבדך׃
2 שְׁמוּאֵל י״ט:כ״ז
וירגל בעבדך אל אדני המלך ואדני המלך כמלאך האלהים ועשה הטוב בעיניך׃
2 שְׁמוּאֵל י״ט:כ״ח
כי לא היה כל בית אבי כי אם אנשי מות לאדני המלך ותשת את עבדך באכלי שלחנך ומה יש לי עוד צדקה ולזעק עוד אל המלך׃
2 שְׁמוּאֵל י״ט:כ״ט
ויאמר לו המלך למה תדבר עוד דבריך אמרתי אתה וציבא תחלקו את השדה׃