circa 1050–1010 BC

Samuel & King Saul

Israel demands a king; Samuel anoints Saul, whose disobedience leads to his rejection as God chooses a man after his own heart.

810 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. 1 שְׁמוּאֵל כ״ו:ח׳בערך ת״ס לפנה״ס

    ויאמר אבישי אל דוד סגר אלהים היום את אויבך בידך ועתה אכנו נא בחנית ובארץ פעם אחת ולא אשנה לו׃

  2. 1 שְׁמוּאֵל כ״ו:ט׳בערך ת״ס לפנה״ס

    ויאמר דוד אל אבישי אל תשחיתהו כי מי שלח ידו במשיח יהוה ונקה׃

  3. 1 שְׁמוּאֵל כ״ו:י׳בערך ת״ס לפנה״ס

    ויאמר דוד חי יהוה כי אם יהוה יגפנו או יומו יבוא ומת או במלחמה ירד ונספה׃

  4. 1 שְׁמוּאֵל כ״ו:י״אבערך ת״ס לפנה״ס

    חלילה לי מיהוה משלח ידי במשיח יהוה ועתה קח נא את החנית אשר מראשתו ואת צפחת המים ונלכה לנו׃

  5. 1 שְׁמוּאֵל כ״ו:י״בבערך ת״ס לפנה״ס

    ויקח דוד את החנית ואת צפחת המים מראשתי שאול וילכו להם ואין ראה ואין יודע ואין מקיץ כי כלם ישנים כי תרדמת יהוה נפלה עליהם׃

  6. 1 שְׁמוּאֵל כ״ו:י״גבערך ת״ס לפנה״ס

    ויעבר דוד העבר ויעמד על ראש ההר מרחק רב המקום ביניהם׃

  7. 1 שְׁמוּאֵל כ״ו:י״דבערך ת״ס לפנה״ס

    ויקרא דוד אל העם ואל אבנר בן נר לאמר הלוא תענה אבנר ויען אבנר ויאמר מי אתה קראת אל המלך׃

  8. 1 שְׁמוּאֵל כ״ו:ט״ובערך ת״ס לפנה״ס

    ויאמר דוד אל אבנר הלוא איש אתה ומי כמוך בישראל ולמה לא שמרת אל אדניך המלך כי בא אחד העם להשחית את המלך אדניך׃

  9. 1 שְׁמוּאֵל כ״ו:ט״זבערך ת״ס לפנה״ס

    לא טוב הדבר הזה אשר עשית חי יהוה כי בני מות אתם אשר לא שמרתם על אדניכם על משיח יהוה ועתה ראה אי חנית המלך ואת צפחת המים אשר מראשתו׃

  10. 1 שְׁמוּאֵל כ״ו:י״זבערך ת״ס לפנה״ס

    ויכר שאול את קול דוד ויאמר הקולך זה בני דוד ויאמר דוד קולי אדני המלך׃

  11. 1 שְׁמוּאֵל כ״ו:י״חבערך ת״ס לפנה״ס

    ויאמר למה זה אדני רדף אחרי עבדו כי מה עשיתי ומה בידי רעה׃

  12. 1 שְׁמוּאֵל כ״ו:י״טבערך ת״ס לפנה״ס

    ועתה ישמע נא אדני המלך את דברי עבדו אם יהוה הסיתך בי ירח מנחה ואם בני האדם ארורים הם לפני יהוה כי גרשוני היום מהסתפח בנחלת יהוה לאמר לך עבד אלהים אחרים׃

  13. 1 שְׁמוּאֵל כ״ו:כ׳בערך ת״ס לפנה״ס

    ועתה אל יפל דמי ארצה מנגד פני יהוה כי יצא מלך ישראל לבקש את פרעש אחד כאשר ירדף הקרא בהרים׃

  14. 1 שְׁמוּאֵל כ״ו:כ״אבערך ת״ס לפנה״ס

    ויאמר שאול חטאתי שוב בני דוד כי לא ארע לך עוד תחת אשר יקרה נפשי בעיניך היום הזה הנה הסכלתי ואשגה הרבה מאד׃

  15. 1 שְׁמוּאֵל כ״ו:כ״בבערך ת״ס לפנה״ס

    ויען דוד ויאמר הנה החנית המלך ויעבר אחד מהנערים ויקחה׃

  16. 1 שְׁמוּאֵל כ״ו:כ״גבערך ת״ס לפנה״ס

    ויהוה ישיב לאיש את צדקתו ואת אמנתו אשר נתנך יהוה היום ביד ולא אביתי לשלח ידי במשיח יהוה׃

  17. 1 שְׁמוּאֵל כ״ו:כ״דבערך ת״ס לפנה״ס

    והנה כאשר גדלה נפשך היום הזה בעיני כן תגדל נפשי בעיני יהוה ויצלני מכל צרה׃

  18. 1 שְׁמוּאֵל כ״ו:כ״הבערך ת״ס לפנה״ס

    ויאמר שאול אל דוד ברוך אתה בני דוד גם עשה תעשה וגם יכל תוכל וילך דוד לדרכו ושאול שב למקומו׃

  19. 1 שְׁמוּאֵל כ״ז:א׳בערך תנ״ח לפנה״ס

    ¶ ויאמר דוד אל לבו עתה אספה יום אחד ביד שאול אין לי טוב כי המלט אמלט אל ארץ פלשתים ונואש ממני שאול לבקשני עוד בכל גבול ישראל ונמלטתי מידו׃

  20. 1 שְׁמוּאֵל כ״ז:ב׳בערך תנ״ח לפנה״ס

    ויקם דוד ויעבר הוא ושש מאות איש אשר עמו אל אכיש בן מעוך מלך גת׃

  21. 1 שְׁמוּאֵל כ״ז:ג׳בערך תנ״ח לפנה״ס

    וישב דוד עם אכיש בגת הוא ואנשיו איש וביתו דוד ושתי נשיו אחינעם היזרעאלית ואביגיל אשת נבל הכרמלית׃

  22. 1 שְׁמוּאֵל כ״ז:ד׳בערך תנ״ח לפנה״ס

    ויגד לשאול כי ברח דוד גת ולא יוסף עוד לבקשו׃

  23. 1 שְׁמוּאֵל כ״ז:ה׳בערך תנ״ח לפנה״ס

    ויאמר דוד אל אכיש אם נא מצאתי חן בעיניך יתנו לי מקום באחת ערי השדה ואשבה שם ולמה ישב עבדך בעיר הממלכה עמך׃

  24. 1 שְׁמוּאֵל כ״ז:ו׳בערך תנ״ח לפנה״ס

    ויתן לו אכיש ביום ההוא את צקלג לכן היתה צקלג למלכי יהודה עד היום הזה׃

  25. 1 שְׁמוּאֵל כ״ז:ז׳בערך תנ״ח לפנה״ס

    ויהי מספר הימים אשר ישב דוד בשדה פלשתים ימים וארבעה חדשים׃