circa 1050–1010 BC

Samuel & King Saul

Israel demands a king; Samuel anoints Saul, whose disobedience leads to his rejection as God chooses a man after his own heart.

810 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. 1 שְׁמוּאֵל כ״ה:ב׳בערך ת״ס לפנה״ס

    ואיש במעון ומעשהו בכרמל והאיש גדול מאד ולו צאן שלשת אלפים ואלף עזים ויהי בגזז את צאנו בכרמל׃

  2. 1 שְׁמוּאֵל כ״ה:ג׳בערך ת״ס לפנה״ס

    ושם האיש נבל ושם אשתו אבגיל והאשה טובת שכל ויפת תאר והאיש קשה ורע מעללים והוא כלבו׃

  3. 1 שְׁמוּאֵל כ״ה:ד׳בערך ת״ס לפנה״ס

    וישמע דוד במדבר כי גזז נבל את צאנו׃

  4. 1 שְׁמוּאֵל כ״ה:ה׳בערך ת״ס לפנה״ס

    וישלח דוד עשרה נערים ויאמר דוד לנערים עלו כרמלה ובאתם אל נבל ושאלתם לו בשמי לשלום׃

  5. 1 שְׁמוּאֵל כ״ה:ו׳בערך ת״ס לפנה״ס

    ואמרתם כה לחי ואתה שלום וביתך שלום וכל אשר לך שלום׃

  6. 1 שְׁמוּאֵל כ״ה:ז׳בערך ת״ס לפנה״ס

    ועתה שמעתי כי גזזים לך עתה הרעים אשר לך היו עמנו לא הכלמנום ולא נפקד להם מאומה כל ימי היותם בכרמל׃

  7. 1 שְׁמוּאֵל כ״ה:ח׳בערך ת״ס לפנה״ס

    שאל את נעריך ויגידו לך וימצאו הנערים חן בעיניך כי על יום טוב בנו תנה נא את אשר תמצא ידך לעבדיך ולבנך לדוד׃

  8. 1 שְׁמוּאֵל כ״ה:ט׳בערך ת״ס לפנה״ס

    ויבאו נערי דוד וידברו אל נבל ככל הדברים האלה בשם דוד וינוחו׃

  9. 1 שְׁמוּאֵל כ״ה:י׳בערך ת״ס לפנה״ס

    ויען נבל את עבדי דוד ויאמר מי דוד ומי בן ישי היום רבו עבדים המתפרצים איש מפני אדניו׃

  10. 1 שְׁמוּאֵל כ״ה:י״אבערך ת״ס לפנה״ס

    ולקחתי את לחמי ואת מימי ואת טבחתי אשר טבחתי לגזזי ונתתי לאנשים אשר לא ידעתי אי מזה המה׃

  11. 1 שְׁמוּאֵל כ״ה:י״בבערך ת״ס לפנה״ס

    ויהפכו נערי דוד לדרכם וישבו ויבאו ויגדו לו ככל הדברים האלה׃

  12. 1 שְׁמוּאֵל כ״ה:י״גבערך ת״ס לפנה״ס

    ויאמר דוד לאנשיו חגרו איש את חרבו ויחגרו איש את חרבו ויחגר גם דוד את חרבו ויעלו אחרי דוד כארבע מאות איש ומאתים ישבו על הכלים׃

  13. 1 שְׁמוּאֵל כ״ה:י״דבערך ת״ס לפנה״ס

    ולאביגיל אשת נבל הגיד נער אחד מהנערים לאמר הנה שלח דוד מלאכים מהמדבר לברך את אדנינו ויעט בהם׃

  14. 1 שְׁמוּאֵל כ״ה:ט״ובערך ת״ס לפנה״ס

    והאנשים טבים לנו מאד ולא הכלמנו ולא פקדנו מאומה כל ימי התהלכנו אתם בהיותנו בשדה׃

  15. 1 שְׁמוּאֵל כ״ה:ט״זבערך ת״ס לפנה״ס

    חומה היו עלינו גם לילה גם יומם כל ימי היותנו עמם רעים הצאן׃

  16. 1 שְׁמוּאֵל כ״ה:י״זבערך ת״ס לפנה״ס

    ועתה דעי וראי מה תעשי כי כלתה הרעה אל אדנינו ועל כל ביתו והוא בן בליעל מדבר אליו׃

  17. 1 שְׁמוּאֵל כ״ה:י״חבערך ת״ס לפנה״ס

    ותמהר אבוגיל ותקח מאתים לחם ושנים נבלי יין וחמש צאן עשוות וחמש סאים קלי ומאה צמקים ומאתים דבלים ותשם על החמרים׃

  18. 1 שְׁמוּאֵל כ״ה:י״טבערך ת״ס לפנה״ס

    ותאמר לנעריה עברו לפני הנני אחריכם באה ולאישה נבל לא הגידה׃

  19. 1 שְׁמוּאֵל כ״ה:כ׳בערך ת״ס לפנה״ס

    והיה היא רכבת על החמור וירדת בסתר ההר והנה דוד ואנשיו ירדים לקראתה ותפגש אתם׃

  20. 1 שְׁמוּאֵל כ״ה:כ״אבערך ת״ס לפנה״ס

    ודוד אמר אך לשקר שמרתי את כל אשר לזה במדבר ולא נפקד מכל אשר לו מאומה וישב לי רעה תחת טובה׃

  21. 1 שְׁמוּאֵל כ״ה:כ״בבערך ת״ס לפנה״ס

    כה יעשה אלהים לאיבי דוד וכה יסיף אם אשאיר מכל אשר לו עד הבקר משתין בקיר׃

  22. 1 שְׁמוּאֵל כ״ה:כ״גבערך ת״ס לפנה״ס

    ותרא אביגיל את דוד ותמהר ותרד מעל החמור ותפל לאפי דוד על פניה ותשתחו ארץ׃

  23. 1 שְׁמוּאֵל כ״ה:כ״דבערך ת״ס לפנה״ס

    ותפל על רגליו ותאמר בי אני אדני העון ותדבר נא אמתך באזניך ושמע את דברי אמתך׃

  24. 1 שְׁמוּאֵל כ״ה:כ״הבערך ת״ס לפנה״ס

    אל נא ישים אדני את לבו אל איש הבליעל הזה על נבל כי כשמו כן הוא נבל שמו ונבלה עמו ואני אמתך לא ראיתי את נערי אדני אשר שלחת׃

  25. 1 שְׁמוּאֵל כ״ה:כ״ובערך ת״ס לפנה״ס

    ועתה אדני חי יהוה וחי נפשך אשר מנעך יהוה מבוא בדמים והושע ידך לך ועתה יהיו כנבל איביך והמבקשים אל אדני רעה׃