circa 1050–1010 BC

Samuel & King Saul

Israel demands a king; Samuel anoints Saul, whose disobedience leads to his rejection as God chooses a man after his own heart.

810 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. 1 שְׁמוּאֵל כ״ג:ג׳

    ויאמרו אנשי דוד אליו הנה אנחנו פה ביהודה יראים ואף כי נלך קעלה אל מערכות פלשתים׃

  2. 1 שְׁמוּאֵל כ״ג:ד׳

    ויוסף עוד דוד לשאל ביהוה ויענהו יהוה ויאמר קום רד קעילה כי אני נתן את פלשתים בידך׃

  3. 1 שְׁמוּאֵל כ״ג:ה׳

    וילך דוד ואנשו קעילה וילחם בפלשתים וינהג את מקניהם ויך בהם מכה גדולה וישע דוד את ישבי קעילה׃

  4. 1 שְׁמוּאֵל כ״ג:ו׳

    ויהי בברח אביתר בן אחימלך אל דוד קעילה אפוד ירד בידו׃

  5. 1 שְׁמוּאֵל כ״ג:ז׳בערך תס״א לפנה״ס

    ויגד לשאול כי בא דוד קעילה ויאמר שאול נכר אתו אלהים בידי כי נסגר לבוא בעיר דלתים ובריח׃

  6. 1 שְׁמוּאֵל כ״ג:ח׳בערך תס״א לפנה״ס

    וישמע שאול את כל העם למלחמה לרדת קעילה לצור אל דוד ואל אנשיו׃

  7. 1 שְׁמוּאֵל כ״ג:ט׳בערך תס״א לפנה״ס

    וידע דוד כי עליו שאול מחריש הרעה ויאמר אל אביתר הכהן הגישה האפוד׃

  8. 1 שְׁמוּאֵל כ״ג:י׳בערך תס״א לפנה״ס

    ויאמר דוד יהוה אלהי ישראל שמע שמע עבדך כי מבקש שאול לבוא אל קעילה לשחת לעיר בעבורי׃

  9. 1 שְׁמוּאֵל כ״ג:י״אבערך תס״א לפנה״ס

    היסגרני בעלי קעילה בידו הירד שאול כאשר שמע עבדך יהוה אלהי ישראל הגד נא לעבדך ויאמר יהוה ירד׃

  10. 1 שְׁמוּאֵל כ״ג:י״בבערך תס״א לפנה״ס

    ויאמר דוד היסגרו בעלי קעילה אתי ואת אנשי ביד שאול ויאמר יהוה יסגירו׃

  11. 1 שְׁמוּאֵל כ״ג:י״גבערך תס״א לפנה״ס

    ויקם דוד ואנשיו כשש מאות איש ויצאו מקעלה ויתהלכו באשר יתהלכו ולשאול הגד כי נמלט דוד מקעילה ויחדל לצאת׃

  12. 1 שְׁמוּאֵל כ״ג:י״דבערך תס״א לפנה״ס

    וישב דוד במדבר במצדות וישב בהר במדבר זיף ויבקשהו שאול כל הימים ולא נתנו אלהים בידו׃

  13. 1 שְׁמוּאֵל כ״ג:ט״ובערך תס״א לפנה״ס

    וירא דוד כי יצא שאול לבקש את נפשו ודוד במדבר זיף בחרשה׃

  14. 1 שְׁמוּאֵל כ״ג:ט״זבערך תס״א לפנה״ס

    ויקם יהונתן בן שאול וילך אל דוד חרשה ויחזק את ידו באלהים׃

  15. 1 שְׁמוּאֵל כ״ג:י״זבערך תס״א לפנה״ס

    ויאמר אליו אל תירא כי לא תמצאך יד שאול אבי ואתה תמלך על ישראל ואנכי אהיה לך למשנה וגם שאול אבי ידע כן׃

  16. 1 שְׁמוּאֵל כ״ג:י״חבערך תס״א לפנה״ס

    ויכרתו שניהם ברית לפני יהוה וישב דוד בחרשה ויהונתן הלך לביתו׃

  17. 1 שְׁמוּאֵל כ״ג:י״טבערך תס״א לפנה״ס

    ויעלו זפים אל שאול הגבעתה לאמר הלוא דוד מסתתר עמנו במצדות בחרשה בגבעת החכילה אשר מימין הישימון׃

  18. 1 שְׁמוּאֵל כ״ג:כ׳בערך תס״א לפנה״ס

    ועתה לכל אות נפשך המלך לרדת רד ולנו הסגירו ביד המלך׃

  19. 1 שְׁמוּאֵל כ״ג:כ״אבערך תס״א לפנה״ס

    ויאמר שאול ברוכים אתם ליהוה כי חמלתם עלי׃

  20. 1 שְׁמוּאֵל כ״ג:כ״בבערך תס״א לפנה״ס

    לכו נא הכינו עוד ודעו וראו את מקומו אשר תהיה רגלו מי ראהו שם כי אמר אלי ערום יערם הוא׃

  21. 1 שְׁמוּאֵל כ״ג:כ״גבערך תס״א לפנה״ס

    וראו ודעו מכל המחבאים אשר יתחבא שם ושבתם אלי אל נכון והלכתי אתכם והיה אם ישנו בארץ וחפשתי אתו בכל אלפי יהודה׃

  22. 1 שְׁמוּאֵל כ״ג:כ״דבערך תס״א לפנה״ס

    ויקומו וילכו זיפה לפני שאול ודוד ואנשיו במדבר מעון בערבה אל ימין הישימון׃

  23. 1 שְׁמוּאֵל כ״ג:כ״הבערך תס״א לפנה״ס

    וילך שאול ואנשיו לבקש ויגדו לדוד וירד הסלע וישב במדבר מעון וישמע שאול וירדף אחרי דוד מדבר מעון׃

  24. 1 שְׁמוּאֵל כ״ג:כ״ובערך תס״א לפנה״ס

    וילך שאול מצד ההר מזה ודוד ואנשיו מצד ההר מזה ויהי דוד נחפז ללכת מפני שאול ושאול ואנשיו עטרים אל דוד ואל אנשיו לתפשם׃

  25. 1 שְׁמוּאֵל כ״ג:כ״זבערך תס״א לפנה״ס

    ומלאך בא אל שאול לאמר מהרה ולכה כי פשטו פלשתים על הארץ׃