circa 1050–1010 BC

Samuel & King Saul

Israel demands a king; Samuel anoints Saul, whose disobedience leads to his rejection as God chooses a man after his own heart.

810 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. 1 שְׁמוּאֵל כ״ג:כ״חבערך תס״א לפנה״ס

    וישב שאול מרדף אחרי דוד וילך לקראת פלשתים על כן קראו למקום ההוא סלע המחלקות׃

  2. 1 שְׁמוּאֵל כ״ג:כ״טבערך תס״א לפנה״ס

    ויעל דוד משם וישב במצדות עין גדי׃

  3. 1 שְׁמוּאֵל כ״ד:א׳בערך תס״א לפנה״ס

    ¶ ויהי כאשר שב שאול מאחרי פלשתים ויגדו לו לאמר הנה דוד במדבר עין גדי׃

  4. 1 שְׁמוּאֵל כ״ד:ב׳בערך תס״א לפנה״ס

    ויקח שאול שלשת אלפים איש בחור מכל ישראל וילך לבקש את דוד ואנשיו על פני צורי היעלים׃

  5. 1 שְׁמוּאֵל כ״ד:ג׳בערך תס״א לפנה״ס

    ויבא אל גדרות הצאן על הדרך ושם מערה ויבא שאול להסך את רגליו ודוד ואנשיו בירכתי המערה ישבים׃

  6. 1 שְׁמוּאֵל כ״ד:ד׳בערך תס״א לפנה״ס

    ויאמרו אנשי דוד אליו הנה היום אשר אמר יהוה אליך הנה אנכי נתן את איביך בידך ועשית לו כאשר יטב בעיניך ויקם דוד ויכרת את כנף המעיל אשר לשאול בלט׃

  7. 1 שְׁמוּאֵל כ״ד:ה׳בערך תס״א לפנה״ס

    ויהי אחרי כן ויך לב דוד אתו על אשר כרת את כנף אשר לשאול׃

  8. 1 שְׁמוּאֵל כ״ד:ו׳בערך תס״א לפנה״ס

    ויאמר לאנשיו חלילה לי מיהוה אם אעשה את הדבר הזה לאדני למשיח יהוה לשלח ידי בו כי משיח יהוה הוא׃

  9. 1 שְׁמוּאֵל כ״ד:ז׳בערך תס״א לפנה״ס

    וישסע דוד את אנשיו בדברים ולא נתנם לקום אל שאול ושאול קם מהמערה וילך בדרך׃

  10. 1 שְׁמוּאֵל כ״ד:ח׳בערך תס״א לפנה״ס

    ויקם דוד אחרי כן ויצא מן המערה ויקרא אחרי שאול לאמר אדני המלך ויבט שאול אחריו ויקד דוד אפים ארצה וישתחו׃

  11. 1 שְׁמוּאֵל כ״ד:ט׳בערך תס״א לפנה״ס

    ויאמר דוד לשאול למה תשמע את דברי אדם לאמר הנה דוד מבקש רעתך׃

  12. 1 שְׁמוּאֵל כ״ד:י׳בערך תס״א לפנה״ס

    הנה היום הזה ראו עיניך את אשר נתנך יהוה היום בידי במערה ואמר להרגך ותחס עליך ואמר לא אשלח ידי באדני כי משיח יהוה הוא׃

  13. 1 שְׁמוּאֵל כ״ד:י״אבערך תס״א לפנה״ס

    ואבי ראה גם ראה את כנף מעילך בידי כי בכרתי את כנף מעילך ולא הרגתיך דע וראה כי אין בידי רעה ופשע ולא חטאתי לך ואתה צדה את נפשי לקחתה׃

  14. 1 שְׁמוּאֵל כ״ד:י״בבערך תס״א לפנה״ס

    ישפט יהוה ביני ובינך ונקמני יהוה ממך וידי לא תהיה בך׃

  15. 1 שְׁמוּאֵל כ״ד:י״גבערך תס״א לפנה״ס

    כאשר יאמר משל הקדמני מרשעים יצא רשע וידי לא תהיה בך׃

  16. 1 שְׁמוּאֵל כ״ד:י״דבערך תס״א לפנה״ס

    אחרי מי יצא מלך ישראל אחרי מי אתה רדף אחרי כלב מת אחרי פרעש אחד׃

  17. 1 שְׁמוּאֵל כ״ד:ט״ובערך תס״א לפנה״ס

    והיה יהוה לדין ושפט ביני ובינך וירא וירב את ריבי וישפטני מידך׃

  18. 1 שְׁמוּאֵל כ״ד:ט״זבערך תס״א לפנה״ס

    ויהי ככלות דוד לדבר את הדברים האלה אל שאול ויאמר שאול הקלך זה בני דוד וישא שאול קלו ויבך׃

  19. 1 שְׁמוּאֵל כ״ד:י״זבערך תס״א לפנה״ס

    ויאמר אל דוד צדיק אתה ממני כי אתה גמלתני הטובה ואני גמלתיך הרעה׃

  20. 1 שְׁמוּאֵל כ״ד:י״חבערך תס״א לפנה״ס

    ואת הגדת היום את אשר עשיתה אתי טובה את אשר סגרני יהוה בידך ולא הרגתני׃

  21. 1 שְׁמוּאֵל כ״ד:י״טבערך תס״א לפנה״ס

    וכי ימצא איש את איבו ושלחו בדרך טובה ויהוה ישלמך טובה תחת היום הזה אשר עשיתה לי׃

  22. 1 שְׁמוּאֵל כ״ד:כ׳בערך תס״א לפנה״ס

    ועתה הנה ידעתי כי מלך תמלוך וקמה בידך ממלכת ישראל׃

  23. 1 שְׁמוּאֵל כ״ד:כ״אבערך תס״א לפנה״ס

    ועתה השבעה לי ביהוה אם תכרית את זרעי אחרי ואם תשמיד את שמי מבית אבי׃

  24. 1 שְׁמוּאֵל כ״ד:כ״בבערך תס״א לפנה״ס

    וישבע דוד לשאול וילך שאול אל ביתו ודוד ואנשיו עלו על המצודה׃

  25. 1 שְׁמוּאֵל כ״ה:א׳בערך ת״ס לפנה״ס

    ¶ וימת שמואל ויקבצו כל ישראל ויספדו לו ויקברהו בביתו ברמה ויקם דוד וירד אל מדבר פארן׃