circa 2100–1900 BC

Abraham: The Covenant

God calls Abram from Ur, establishes an everlasting covenant, and promises a son through whom all nations will be blessed.

394 vargje · 1 libër i përfshirë

Vargje nga kjo periudhë

Rendi i Shkrimit Sipas datës
  1. Zanafilla 24:58rreth 1857 p.e.s.

    Atëherë thirrën Rebekën dhe i thanë: "A do të shkosh me këtë njeri?". Ajo u përgjegj: "Po, do të shkoj".

  2. Zanafilla 24:59rreth 1857 p.e.s.

    Kështu e lanë Rebekën, motrën e tyre, të shkojë dhe tajën e saj të shkojë me shërbëtorin dhe njerëzit e Abrahamit.

  3. Zanafilla 24:60rreth 1857 p.e.s.

    Dhe e bekuan Rebekën dhe i thanë: "Motra jonë, ti u bëfsh nëna e mijëra mizëri njerëzish dhe pasardhësit e tu paçin në dorë portat e armiqve të tyre".

  4. Zanafilla 24:61rreth 1857 p.e.s.

    Atëherë Rebeka dhe shërbyeset e saj u ngritën më këmbë, hipën mbi devetë dhe shkuan pas këtij njeriu. Kështu shërbëtori mori Rebekën dhe iku.

  5. Zanafilla 24:62rreth 1857 p.e.s.

    Ndërkaq Isaku ishte kthyer nga pusi i Lahai-Roit, sepse banonte në krahinën e Negevit.

  6. Zanafilla 24:63rreth 1857 p.e.s.

    Isaku kishte dalë aty nga mbrëmja në fushë për t'u menduar; dhe ai ngriti sytë dhe pa disa deve që po vinin.

  7. Zanafilla 24:64rreth 1857 p.e.s.

    Edhe Rebeka ngriti sytë dhe pa Isakun; atëherë zbriti me të shpejtë nga deveja,

  8. Zanafilla 24:65rreth 1857 p.e.s.

    dhe i tha shërbëtorit: "Kush është ai njeri që vjen nga fusha drejt nesh?". Shërbëtori u përgjegj: "Éshtë zotëria im". Atëherë ajo mori vellon dhe u mbulua.

  9. Zanafilla 24:66rreth 1857 p.e.s.

    Pastaj shërbëtori i tregoi Isakut tërë gjërat që kishte bërë.

  10. Zanafilla 24:67rreth 1857 p.e.s.

    Dhe Isaku e futi Rebekën në çadrën e Sarës, nënës së tij, dhe e mori me vete; ajo u bë gruaja e tij dhe ai e dashuroi. Kështu Isaku u ngushëllua mbas vdekjes së nënës së tij.

  11. Zanafilla 25:1rreth 1853 p.e.s.

    Pastaj Abrahami mori një grua tjetër, që quhej Keturah.

  12. Zanafilla 25:2rreth 1852 p.e.s.

    Dhe kjo i lindi Zimranin, Jokshanin, Medanin, Madianin, Ishbakun dhe Shuahin.

  13. Zanafilla 25:3rreth 1824 p.e.s.

    Jokshanit i lindi Sheba dhe Dedani. Bijtë e Dedanit ishin Asshurimi, Letushimi dhe Leumimi.

  14. Zanafilla 25:4rreth 1804 p.e.s.

    Bijtë e Madianit ishin Efahu, Eferi, Hanoku, Abidahu dhe Eldaahu. Tërë këta ishin bijtë e Keturahut.

  15. Zanafilla 25:5rreth 1829 p.e.s.

    Dhe Abrahami i dha Isakut gjithçka zotëronte;

  16. Zanafilla 25:6rreth 1829 p.e.s.

    por bijve që Abrahami kishte pasur nga konkubinat u dha disa dhurata dhe, sa ishte ende gjallë, i dërgoi larg birit të tij Isakut, drejt lindjes, në një vend të lindjes.

  17. Zanafilla 25:7rreth 1821 p.e.s.

    Këto janë vitet e jetës së Abrahamit: ai jetoi gjithsej njëqind e shtatëdhjetë e pesë vjet.

  18. Zanafilla 25:8rreth 1821 p.e.s.

    Pastaj Abrahami dha frymën e fundit dhe vdiq në pleqëri të mbarë, i shtyrë në moshë dhe i ngopur me ditë, dhe u bashkua me popullin e tij.

  19. Zanafilla 25:9rreth 1821 p.e.s.

    Dhe bijtë e tij Isaku dhe Ismaeli e varrosën në shpellën e Makpelahut në arën e Efronit, biri i Zoarit, Hiteut, që ndodhet përballë Mamres,

  20. Zanafilla 25:10rreth 1821 p.e.s.

    arë që Abrahami u kishte blerë bijve të Hethit. Aty u varrosën Abrahami dhe e shoqja Sara.

  21. Zanafilla 25:11rreth 1821 p.e.s.

    Mbas vdekjes së Abrahamit, Perëndia bekoi birin e tij Isakun; dhe Isaku qëndroi pranë pusit të Lahai-Roit.

  22. Zanafilla 25:12rreth 1821 p.e.s.

    Tani këta janë pasardhësit e Ismaelit, bir i Abrahamit, që egjiptasja Agar, shërbëtorja e Sarës, i kishte lindur Abrahamit.

  23. Zanafilla 25:13rreth 1821 p.e.s.

    Këta janë emrat e bijve të Ismaelit, simbas emrit të brezave të tyre: Nebajothi, i parëlinduri i Ismaelit; pastaj Kedari, Abdeeli, Mibsami,

  24. Zanafilla 25:14rreth 1821 p.e.s.

    Mishma, Dumahu, Masa,

  25. Zanafilla 25:15rreth 1821 p.e.s.

    Hadari, Tema, Jeturi, Nafishi dhe Kedemahu.