circa 2100–1900 BC

Abraham: The Covenant

God calls Abram from Ur, establishes an everlasting covenant, and promises a son through whom all nations will be blessed.

394 vargje · 1 libër i përfshirë

Vargje nga kjo periudhë

Rendi i Shkrimit Sipas datës
  1. Zanafilla 25:16rreth 1821 p.e.s.

    Këta janë bijtë e Ismaelit dhe emrat e tyre, simbas fshatrave dhe fushimeve të tyre. Ata qenë dymbëdhjetë princërit e kombeve të tyre përkatës.

  2. Zanafilla 25:17rreth 1773 p.e.s.

    Por këto janë vitet e jetës së Ismaelit, gjithsej njëqind e tridhjetë e shtatë vjet; pastaj ai dha frymë dhe vdiq, dhe u bashkua me popullin e tij.

  3. Zanafilla 25:18rreth 1773 p.e.s.

    (Dhe bijtë e tij banuan nga Havilahu deri në Shur, që është në lindje të Egjiptit, në drejtim të Asirisë). Ai u vendos në prani të të gjithë vëllezërve të tij.

  4. Zanafilla 25:19rreth 1896 p.e.s.

    Këta janë pasardhësit e Isakut, birit të Abrahamit.

  5. Zanafilla 25:20rreth 1856 p.e.s.

    Abrahamit i lindi Isaku; dhe Isaku ishte dyzet vjeç kur mori për grua Rebekën, e bija e Bethuelit, Arameu i Paddan-Aranit dhe motra e Labanos, Arameut.

  6. Zanafilla 25:21rreth 1837 p.e.s.

    Isaku e luti Zotin për gruan e tij sepse ajo ishte shterpë. Zoti ia plotësoi dëshirën dhe Rebeka, gruaja e tij, u ngjiz.

  7. Zanafilla 25:22rreth 1836 p.e.s.

    Por fëmijët shtynin njeri-tjetrin në barkun e saj dhe ajo tha: "Në qoftë se është kështu (që iu përgjigj Zoti), pse gjendem unë në këto kushte?". Dhe kështu vajti të konsultohet me Zotin.

  8. Zanafilla 25:23rreth 1836 p.e.s.

    Dhe Zoti i tha: "Dy kombe ndodhen në barkun tënd dhe dy popuj kanë për të dalë nga përbrendëshmet e barkut tënd. Njeri nga këta dy popuj do të jetë më i fortë se tjetri, dhe më i madhi do t'i shërbejë më të voglit".

  9. Zanafilla 25:24rreth 1836 p.e.s.

    Kur erdhi koha për të që të lindte, ajo kishte në bark dy binjakë.

  10. Zanafilla 25:25rreth 1836 p.e.s.

    Dhe i pari që doli jashtë ishte i kuq; ai ishte krejt si një mantel leshtor, prandaj i vunë emrin Esau.

  11. Zanafilla 25:26rreth 1836 p.e.s.

    Pastaj doli vëllai i tij, i cili me dorë mbante thembrën e këmbës të Esaut; prandaj e quajtën Jakob. Por Isaku ishte shtatëdhjetë vjeç kur Rebeka i lindi.

  12. Zanafilla 25:27rreth 1836 p.e.s.

    Dy fëmijët u rritën dhe Esau u bë një gjahtar i sprovuar, një njeri fshatarak, ndërsa Jakobi ishte një njeri i qetë, që jetonte në çadra.

  13. Zanafilla 25:28rreth 1836 p.e.s.

    Por Isaku e donte Esaun, sepse mishin e gjahut e pëlqente; Rebeka nga ana e saj donte Jakobin.

  14. Zanafilla 25:29rreth 1805 p.e.s.

    Një herë që Jakobi gatoi për vete një supë, Esau erdhi nga fusha krejt i lodhur.

  15. Zanafilla 25:30rreth 1805 p.e.s.

    Dhe Esau i tha Jakobit: "Të lutem, më lërë të ha pak nga kjo supë e kuqe, sepse jam i lodhur". Për këtë arësye e quajtën Edom.

  16. Zanafilla 25:31rreth 1805 p.e.s.

    Por Jakobi iu përgjegj: "Më shit më parë parëbirninë tënde".

  17. Zanafilla 25:32rreth 1805 p.e.s.

    Esau tha: "Ja unë jam duke vdekur, ç'dobi kam nga parëbirnia?".

  18. Zanafilla 25:33rreth 1805 p.e.s.

    Atëherë Jakobi tha: "Më parë betomu". Dhe Esau iu betua dhe i shiti Jakobit parëbirninë e tij.

  19. Zanafilla 25:34rreth 1805 p.e.s.

    Pastaj Jakobi i dha Esaut bukë dhe supë me thjerrëza. Dhe ai hëngri dhe piu, pastaj u ngrit dhe iku. Kështu Esau shpërfilli parëbirninë e tij.