Absalom

92 פסוקים · 23 בני משפחה

ידוע גם בשם: Abishalom

פסוקים המזכירים את Absalom

סינון לפי ספר
  1. 2 שְׁמוּאֵל י״ד:כ״ט

    וישלח אבשלום אל יואב לשלח אתו אל המלך ולא אבה לבוא אליו וישלח עוד שנית ולא אבה לבוא׃

  2. 2 שְׁמוּאֵל י״ד:ל׳

    ויאמר אל עבדיו ראו חלקת יואב אל ידי ולו שם שערים לכו והוצתיה באש ויצתו עבדי אבשלום את החלקה באש׃

  3. 2 שְׁמוּאֵל י״ד:ל״א

    ויקם יואב ויבא אל אבשלום הביתה ויאמר אליו למה הציתו עבדך את החלקה אשר לי באש׃

  4. 2 שְׁמוּאֵל י״ד:ל״ב

    ויאמר אבשלום אל יואב הנה שלחתי אליך לאמר בא הנה ואשלחה אתך אל המלך לאמר למה באתי מגשור טוב לי עד אני שם ועתה אראה פני המלך ואם יש בי עון והמתני׃

  5. 2 שְׁמוּאֵל י״ד:ל״ג

    ויבא יואב אל המלך ויגד לו ויקרא אל אבשלום ויבא אל המלך וישתחו לו על אפיו ארצה לפני המלך וישק המלך לאבשלום׃

  6. 2 שְׁמוּאֵל ט״ו:א׳

    ¶ ויהי מאחרי כן ויעש לו אבשלום מרכבה וססים וחמשים איש רצים לפניו׃

  7. 2 שְׁמוּאֵל ט״ו:ב׳

    והשכים אבשלום ועמד על יד דרך השער ויהי כל האיש אשר יהיה לו ריב לבוא אל המלך למשפט ויקרא אבשלום אליו ויאמר אי מזה עיר אתה ויאמר מאחד שבטי ישראל עבדך׃

  8. 2 שְׁמוּאֵל ט״ו:ג׳

    ויאמר אליו אבשלום ראה דברך טובים ונכחים ושמע אין לך מאת המלך׃

  9. 2 שְׁמוּאֵל ט״ו:ד׳

    ויאמר אבשלום מי ישמני שפט בארץ ועלי יבוא כל איש אשר יהיה לו ריב ומשפט והצדקתיו׃

  10. 2 שְׁמוּאֵל ט״ו:ו׳

    ויעש אבשלום כדבר הזה לכל ישראל אשר יבאו למשפט אל המלך ויגנב אבשלום את לב אנשי ישראל׃

  11. 2 שְׁמוּאֵל ט״ו:ז׳

    ויהי מקץ ארבעים שנה ויאמר אבשלום אל המלך אלכה נא ואשלם את נדרי אשר נדרתי ליהוה בחברון׃

  12. 2 שְׁמוּאֵל ט״ו:י׳

    וישלח אבשלום מרגלים בכל שבטי ישראל לאמר כשמעכם את קול השפר ואמרתם מלך אבשלום בחברון׃

  13. 2 שְׁמוּאֵל ט״ו:י״א

    ואת אבשלום הלכו מאתים איש מירושלם קראים והלכים לתמם ולא ידעו כל דבר׃

  14. 2 שְׁמוּאֵל ט״ו:י״ב

    וישלח אבשלום את אחיתפל הגילני יועץ דוד מעירו מגלה בזבחו את הזבחים ויהי הקשר אמץ והעם הולך ורב את אבשלום׃

  15. 2 שְׁמוּאֵל ט״ו:י״ג

    ויבא המגיד אל דוד לאמר היה לב איש ישראל אחרי אבשלום׃

  16. 2 שְׁמוּאֵל ט״ו:י״ד

    ויאמר דוד לכל עבדיו אשר אתו בירושלם קומו ונברחה כי לא תהיה לנו פליטה מפני אבשלום מהרו ללכת פן ימהר והשגנו והדיח עלינו את הרעה והכה העיר לפי חרב׃

  17. 2 שְׁמוּאֵל ט״ו:ל״א

    ודוד הגיד לאמר אחיתפל בקשרים עם אבשלום ויאמר דוד סכל נא את עצת אחיתפל יהוה׃

  18. 2 שְׁמוּאֵל ט״ו:ל״ד

    ואם העיר תשוב ואמרת לאבשלום עבדך אני המלך אהיה עבד אביך ואני מאז ועתה ואני עבדך והפרתה לי את עצת אחיתפל׃

  19. 2 שְׁמוּאֵל ט״ו:ל״ז

    ויבא חושי רעה דוד העיר ואבשלם יבא ירושלם׃

  20. 2 שְׁמוּאֵל ט״ז:ח׳

    השיב עליך יהוה כל דמי בית שאול אשר מלכת תחתו ויתן יהוה את המלוכה ביד אבשלום בנך והנך ברעתך כי איש דמים אתה׃

  21. 2 שְׁמוּאֵל ט״ז:ט״ו

    ואבשלום וכל העם איש ישראל באו ירושלם ואחיתפל אתו׃

  22. 2 שְׁמוּאֵל ט״ז:ט״ז

    ויהי כאשר בא חושי הארכי רעה דוד אל אבשלום ויאמר חושי אל אבשלם יחי המלך יחי המלך׃

  23. 2 שְׁמוּאֵל ט״ז:י״ז

    ויאמר אבשלום אל חושי זה חסדך את רעך למה לא הלכת את רעך׃

  24. 2 שְׁמוּאֵל ט״ז:י״ח

    ויאמר חושי אל אבשלם לא כי אשר בחר יהוה והעם הזה וכל איש ישראל לא אהיה ואתו אשב׃

  25. 2 שְׁמוּאֵל ט״ז:כ׳

    ויאמר אבשלום אל אחיתפל הבו לכם עצה מה נעשה׃