פסוקים על Ephraim

12 פסוקים · 2 היבטים

פסוקי מפתח

2 שְׁמוּאֵל י״ח:ו׳
ויצא העם השדה לקראת ישראל ותהי המלחמה ביער אפרים׃
2 שְׁמוּאֵל י״ח:ז׳
וינגפו שם עם ישראל לפני עבדי דוד ותהי שם המגפה גדולה ביום ההוא עשרים אלף׃
2 שְׁמוּאֵל י״ח:ח׳
ותהי שם המלחמה נפצות על פני כל הארץ וירב היער לאכל בעם מאשר אכלה החרב ביום ההוא׃
2 שְׁמוּאֵל י״ח:ט׳
ויקרא אבשלום לפני עבדי דוד ואבשלום רכב על הפרד ויבא הפרד תחת שובך האלה הגדולה ויחזק ראשו באלה ויתן בין השמים ובין הארץ והפרד אשר תחתיו עבר׃
2 שְׁמוּאֵל י״ח:י׳
וירא איש אחד ויגד ליואב ויאמר הנה ראיתי את אבשלם תלוי באלה׃
2 שְׁמוּאֵל י״ח:י״א
ויאמר יואב לאיש המגיד לו והנה ראית ומדוע לא הכיתו שם ארצה ועלי לתת לך עשרה כסף וחגרה אחת׃
2 שְׁמוּאֵל י״ח:י״ב
ויאמר האיש אל יואב ולא אנכי שקל על כפי אלף כסף לא אשלח ידי אל בן המלך כי באזנינו צוה המלך אתך ואת אבישי ואת אתי לאמר שמרו מי בנער באבשלום׃
2 שְׁמוּאֵל י״ח:י״ג
או עשיתי בנפשו שקר וכל דבר לא יכחד מן המלך ואתה תתיצב מנגד׃
2 שְׁמוּאֵל י״ח:י״ד
ויאמר יואב לא כן אחילה לפניך ויקח שלשה שבטים בכפו ויתקעם בלב אבשלום עודנו חי בלב האלה׃
2 שְׁמוּאֵל י״ח:ט״ו
ויסבו עשרה נערים נשאי כלי יואב ויכו את אבשלום וימיתהו׃
2 שְׁמוּאֵל י״ח:ט״ז
ויתקע יואב בשפר וישב העם מרדף אחרי ישראל כי חשך יואב את העם׃
2 שְׁמוּאֵל י״ח:י״ז
ויקחו את אבשלום וישליכו אתו ביער אל הפחת הגדול ויצבו עליו גל אבנים גדול מאד וכל ישראל נסו איש לאהלו׃