פסוקים על Revenge

75 פסוקים · 32 היבטים

פסוקי מפתח

סינון לפי ספר
  1. בְּרֵאשִׁית ל״ד:כ״ה

    ויהי ביום השלישי בהיותם כאבים ויקחו שני בני יעקב שמעון ולוי אחי דינה איש חרבו ויבאו על העיר בטח ויהרגו כל זכר׃

  2. וַיִּקְרָא י״ט:י״ח

    לא תקם ולא תטר את בני עמך ואהבת לרעך כמוך אני יהוה׃

  3. שֹׁפְטִים ט״ו:ז׳

    ויאמר להם שמשון אם תעשון כזאת כי אם נקמתי בכם ואחר אחדל׃

  4. שֹׁפְטִים ט״ו:ח׳

    ויך אותם שוק על ירך מכה גדולה וירד וישב בסעיף סלע עיטם׃

  5. שֹׁפְטִים ט״ז:כ״ח

    ויקרא שמשון אל יהוה ויאמר אדני יהוה זכרני נא וחזקני נא אך הפעם הזה האלהים ואנקמה נקם אחת משתי עיני מפלשתים׃

  6. שֹׁפְטִים ט״ז:כ״ט

    וילפת שמשון את שני עמודי התוך אשר הבית נכון עליהם ויסמך עליהם אחד בימינו ואחד בשמאלו׃

  7. שֹׁפְטִים ט״ז:ל׳

    ויאמר שמשון תמות נפשי עם פלשתים ויט בכח ויפל הבית על הסרנים ועל כל העם אשר בו ויהיו המתים אשר המית במותו רבים מאשר המית בחייו׃

  8. 1 שְׁמוּאֵל כ״ד:י׳

    הנה היום הזה ראו עיניך את אשר נתנך יהוה היום בידי במערה ואמר להרגך ותחס עליך ואמר לא אשלח ידי באדני כי משיח יהוה הוא׃

  9. 1 שְׁמוּאֵל כ״ה:כ״ד

    ותפל על רגליו ותאמר בי אני אדני העון ותדבר נא אמתך באזניך ושמע את דברי אמתך׃

  10. 1 שְׁמוּאֵל כ״ה:כ״ה

    אל נא ישים אדני את לבו אל איש הבליעל הזה על נבל כי כשמו כן הוא נבל שמו ונבלה עמו ואני אמתך לא ראיתי את נערי אדני אשר שלחת׃

  11. 1 שְׁמוּאֵל כ״ה:כ״ו

    ועתה אדני חי יהוה וחי נפשך אשר מנעך יהוה מבוא בדמים והושע ידך לך ועתה יהיו כנבל איביך והמבקשים אל אדני רעה׃

  12. 1 שְׁמוּאֵל כ״ה:כ״ז

    ועתה הברכה הזאת אשר הביא שפחתך לאדני ונתנה לנערים המתהלכים ברגלי אדני׃

  13. 1 שְׁמוּאֵל כ״ה:כ״ח

    שא נא לפשע אמתך כי עשה יעשה יהוה לאדני בית נאמן כי מלחמות יהוה אדני נלחם ורעה לא תמצא בך מימיך׃

  14. 1 שְׁמוּאֵל כ״ה:כ״ט

    ויקם אדם לרדפך ולבקש את נפשך והיתה נפש אדני צרורה בצרור החיים את יהוה אלהיך ואת נפש איביך יקלענה בתוך כף הקלע׃

  15. 1 שְׁמוּאֵל כ״ה:ל׳

    והיה כי יעשה יהוה לאדני ככל אשר דבר את הטובה עליך וצוך לנגיד על ישראל׃

  16. 1 שְׁמוּאֵל כ״ה:ל״א

    ולא תהיה זאת לך לפוקה ולמכשול לב לאדני ולשפך דם חנם ולהושיע אדני לו והיטב יהוה לאדני וזכרת את אמתך׃

  17. 1 שְׁמוּאֵל כ״ה:ל״ב

    ויאמר דוד לאביגל ברוך יהוה אלהי ישראל אשר שלחך היום הזה לקראתי׃

  18. 1 שְׁמוּאֵל כ״ה:ל״ג

    וברוך טעמך וברוכה את אשר כלתני היום הזה מבוא בדמים והשע ידי לי׃

  19. 1 שְׁמוּאֵל כ״ו:ט׳

    ויאמר דוד אל אבישי אל תשחיתהו כי מי שלח ידו במשיח יהוה ונקה׃

  20. 2 שְׁמוּאֵל ג׳:כ״ז

    וישב אבנר חברון ויטהו יואב אל תוך השער לדבר אתו בשלי ויכהו שם החמש וימת בדם עשה אל אחיו׃

  21. 2 שְׁמוּאֵל י״ג:כ״ג

    ויהי לשנתים ימים ויהיו גזזים לאבשלום בבעל חצור אשר עם אפרים ויקרא אבשלום לכל בני המלך׃

  22. 2 שְׁמוּאֵל י״ג:כ״ד

    ויבא אבשלום אל המלך ויאמר הנה נא גזזים לעבדך ילך נא המלך ועבדיו עם עבדך׃

  23. 2 שְׁמוּאֵל י״ג:כ״ה

    ויאמר המלך אל אבשלום אל בני אל נא נלך כלנו ולא נכבד עליך ויפרץ בו ולא אבה ללכת ויברכהו׃

  24. 2 שְׁמוּאֵל י״ג:כ״ו

    ויאמר אבשלום ולא ילך נא אתנו אמנון אחי ויאמר לו המלך למה ילך עמך׃

  25. 2 שְׁמוּאֵל י״ג:כ״ז

    ויפרץ בו אבשלום וישלח אתו את אמנון ואת כל בני המלך׃